انا وبنات بلادي #جزائريات#

♥عناية المنطقة الحساسة♥

موضوع اليوم هو العناية بالمنطقة الحساسة من الالف الى ياء ❤
قبل مانبدا نحب نطرحلكم اغلب المشاكل التي تعاني منها النساء
1:اسمرار المنطقة الحساسة نقدر نقول هذا القاسم المشترك بين كل النساء (ههه)سببه العرق و الرطوبة
2:انبعاث رائحة كريهة و سببه هو ارتداء الملابس الداخلية غير المولاءمة و تمنع المنطقة من التهوية
3;الجفاف سببه عدم ترطيب المنطقة الحساسة
السبب الرئيسي لمشاكل الثلاثة الطروحة
# اهمال النظافة الشخصية
(الوقاية خير من العلاج ) لوكان جينا متهليين في روحنا مانوصلو لهاد الموصل
و الان نتطرقو للحلول(ازالة الشعر -تقشير -ترطيب -تعطير تبييض)
العناية بالمنطقة الحساسة واجب على كل طفلة من وهي صغيرة ماشي حتى يقرب عرس و ثما تبداو وحدة كيفاش تبيض و لوخرة كيفاش ترطب.....
اولا : --الوقاية :الملابس الداخلية لازم قطن حبيبتشي اوكي و اغسليهم كل يوم و لازم يكون بصابون الحجرة لازم
--تغيير الملابس الداخلية يومياا بسك كامل عندنا الافرازات المهبلية ماكاش لي معندهاش و ننصح لي يكون عندهم مائل لاصفر ماشي ابيض لازم تروح لطبيب
--لازم تخصي منشفتين تبدلي بيناتهم ولا اشري les papier ماهومش غاليين وين تروحي تصيبيهم باش تنشفي المنطقة الحساسة بعدما تقضي حاجتك ماتخليهاش مبلولة لان هذا هو السبب الرئيسي لاسمرار المنطقة و طريقة الغسيل تكون من الامام الى الخلف باش ماتنتقلش البكتيريا
--لازم يوم بعد يوم ماتلبسي والو ههه ايه خليها مسكينة تتهوي شوية ارقدي بلاسليب نورمال
--ماشي ضروري كل مرة تغسلي تستعملي صابون هكدا راح تقتلي البكتيريا الطبيعية ليحميو المنطقة يكفي انك تغسلي بالماء دافي و الفرك
#ثانيا- تقشير المنطقة الحساسة :تقشير راح يكون مرة ف الاسبوع كيما تقشرو وجهم قشروها هيا مسكينة ههه و من الاحسن تكون قبل ازالة الشعر و المقشر لي كامل نعرفوه هو (السكر +الزيت الزيتون )او (القهوة+زيت الزيتون )يزيل الخلايا الميتة المتراكمة و حتى الشعر لي تحت الجلد افركي بحركات دائرية خفيفة و بعدها اغسلي بالماء و صابون
سافورال ولا حجرة
ثالثا :ازلة الشعر
شمع -رجينة -كريم ديبالاتواغ -غالية -براون -شرائح ازالة الشعر
خياتي حبيت نوضحلكم حاجة ربي سبحانو خلق فينا شعر بعني اكيد فيه منفعة فمثلا شعيرات الانف فيها منفعة كبيراا تمنع من ظخول الجراثيم و البكتيرياا الى الجهاز التنفسي عبر الانف اي حاجة خلقها فينا ربي فيها منفعة انا علاه حكيتلكم هكا على خاطر شحال من وحدة راني نشوفها حابة تتخلص منو
نهائيا هنا نقولك بالاكي بسك كي تغلقي مسام ديالك شعر مايقدرش ينوض و بشرة ديالك ماتقدرش تتنفس و هذا راح يسببلك سرطان جلد بعييد شر علينا ربي يحفظنا
دوك نحكو على ليتسخدمو رجينة مساكن ماعلابالهمش بااضرار ديالها
قال رسول الله صلى الله عليه و سلم حلق العانة و نتف الابط دوك نتي كي تنحي بارجينة راح توجعك مع لول و مبعد توالفي و تولي ماتحسيش بيها مالا ماتوليش منطقة حساسة يعني تولي ماتحسيش و خمولي ف هذاك نهار (نهار عرسك ) ()فهمتو لبنات ولا لالا ؟؟ نتف العانة مكروه و عندو اضرااار كبيرة اهمها ترهل و ارتخاء الخ .......
فهمتوني حبسوناا من يمات رجينة هادي
من مستحسن تنحي منطقة عليا با براون و منطقة سفلى ب جيلات ولا استعملي غالية ولا كريم ..و مبعد ادهني ب زيت جونسون لاطفال يرطب و يعطر و تنحي مشكل الحبوب و الحكة
#ترطيب تبييض و تعطير المنطقة
زيت الورد +زيت الجليسرين +زيت اليمون
الليمون لتبييض و زيت الورد و لا ماء الورد للتعطير و جليسرين لترطيب خلطيهم و تدهني بيه مرة في اليوم ولا زوج قبل ماترقدي و كي تنوضي دامو على هاد وصفة و ماتنساوش تدعيولي
وغاسول صافورال تغسلي بيه زوج مرات ف الاسبوع