قيود إمرأة مكتمله

البارت الثالث

بارت الثالث
احجي.....خويه عيب.....هاي السيت عجبني...وزينب انطتني ياها.....شلون تحجي هيج كدام الكل.....زياد وزينب انصدمو لان دافعت عنهم....وكامت تبجي زينب....شكد حقدت عليها...بس متاكده اذا خويه يعرف يذبحها...واني مااقبل ...اخويه يويخ ايديه ....خلاص حبيبتي اسف بس اني مشكيت بس انصدمت....حصل خير يلا يالنسيب ...احنا لازم نروح...بعد وكت خويه....لا خلاص اني تعبان... الله يساعدك خويه ...ودعتهم ...ليلى ودعتني وحضنتني وكالتلي.....لاتتوقعين صدكت جذبتج...شفتها مدمعه....ودمعت عيني...وباستني وراحت...ماتوقعت دافعين عني معقوله حبيتيني...هههههههه...لا حلمان اني مستحيل احب واحد خان اخوي على فراشه .....لعد ليش...ماردت اخوي يوسخ ايده بسببكم....واحد انكس من الثاني....بس انتي تعجبيني.....تحلم بعد تلمسني....انتي مرتي غصبا عنج ...اوك اتقرب مني ...وشوف شلون اكول لحبيبتك الشريفه....اخليها تكلب الدنيا على راسك...وذبيت السيت بوجهه...وفتت على غرفة عمي وعمتي حتى انام.....وضليت ابجي بسكوت....ربي صبرني...ادري الي سويته غلط...بس مااريد اخوي ....يوسخ ايده ...اني اريد انتقم منهم بما انو دخلت نفسي بهاللعبه ....لازم اني انهيها ....ماحسيت على نفسي ونمت....كعدت الصبح ...حضرت الريوك البيت نضيف لان بس اني وزياد ...هواكل وطلع...جهزت الغدا وعفتها من يجي اسخنها.. رحت كعدت....ملل بملل ...معرفت شسوي .. جبت دفتر وقلم قررت اكتب عن حيااتي من اول ايدي لزمت القلم لحد مااموت....بديت اكتب محسيت بالوكت....انفتحت الباب ...وهم شفت زياد ويه زينب...كتلها هاا..هالمره باي حجه جيتي.....وانتي شكو ..بس اذا مصره جيت اشوف امي خطيه ضربتها سياره واني بماانو قريبه عليها اجيت اخدمها لمدة اسبوع...يعني بعد يوميه تشوفيني...وليش تشوفيني ..ليش متكولين اجيت ...ازني واخون وانسى الي جساب باالاخره....يبووو حجت الشريفه...غصبا عنج ...خلاص عفنا الشرف الج....وهاا شكرا حبيبتي على مود البارحه....جنت متاكده مراح تكولين لاخوج...فعلا لان مااريد اخوي يوسخ ايده....ومتاكده اكو الله يشوف ويعاقبكم...اوهووو تعاي زنوب مشتاكلج احسن ماانتي كاعده تحجين ويه زبايل.....عشتوو هسه صرت زبايل ...لعد منو البارحه يتوسل بيه ....على شنو يتوسل...اعوفكم لان جوعانه....سمعت صياحها وياه ...وشفت زياد سحبها عالغرفه وبدت لعبان النفس..اوف ربي صبرني ....اتغديت ورجعت اكتب بدفتري ماادري شكد مرت ..وشفت زياد واكف فوك راسي..فزيت ...جر الدفتر من ايدي هاي المن تكتبين....كلمن يشوف الناس بعين طبعه..دااكتب قصة حياتي...عندك مانع لان مثل ماتشوف حياتي تجنن زوج يخون اخو مرته ويه زوجته ....بالله احجي شلون حيات..ذب الدفتر صبيلي الغدا..لعد وين الشريفه....راحت لبيت اهلها.....صبيتله .....روحي نضفي الغرفه ...فتت عالغرفه الهدوم مطشره والغرفه مكلوبه ...عرفت خباثة زينب ...سكتت ونضفتها وطلعت ....رحت للهول كتبت شويه.... ورحت اتمددت ....افكر شلون انتقم منهم ....قررت بالاول افرق بينهم ....اشوف صدك يحبون بعض...لو بس يحبون الخيانه...بس شلون افرق بينهم.....لازم اقرب زياد الي ...اي حتى يعوفها ...لا مستحيل نفسي ماتتقبلها...اوووف بس لازم انتقم ....خلاص راح اجرب..لازم من باجر اهتم بنفسي....اجا الليل...حضرت العشا ..ورحت لبست ثوب خفيف....رجع زيااد...ضل يباوع عليه وين مااروح واجي...كملنا العشا غسلت المواعين كملت...انداريت زياد واكف ورايه...اريدج...واني مااريدك...فتت من يمه لزم ايدي ...احبج..ههههههه....والشريفه .....سكت جرني رحنا كعدنا بالهول...شوفي اني ماشفت باخلاقج وطيبتج...مم....ممكن تسكتين وتسمعيني للاخير..سكتت...جنت احبها ماانكر ...وبجيت عليها دم من خالي..زوجها لاخوج قررت اعوفها..مرت شهر هلى زواجها جتي تزور اهلها ...اهلي مجانو بالبين نفس هسه جانو يم اختي الجبيره وكتها اختي الصغيره بعدها مجانت متزوجه راحو كلهم اني مرحت ... لان اني بصراحه مااجذب لااصلي ولااصوم حياتي كضيتها دياحه ..ورا زواجها كمت حتى اروح للبيوت الوسخه واصرف كل فلوسي عليهم...المهم اندكت الباب فتحتها واشوف زينب لابسه العبايه...كلبي ماادري شلون اوصفلج طرت من الفرح بس اتذكرت متزوجه راحت فرحي ولهفتي...كالتلي...
شنو مراح تفوتني...هااا...وخرتني وفاتت...اجيت يمها..شفتها رجعت للباب وقفلتها...توقعت تريد تحجي وياي...شفت نزعت عبايتها.. وجانت لابسه ملابس النوم
فاتخيلي اني متعود على هالشغلات متحملت جانت حبيبتي وسلمتلي نفسها...بعدها اتفقت وياي على اوقات دوام اخوج ورجعته...يعني زمان جنت ادفع فلوس عالحرام هسه ببلاش..لعبت نفسي ردت اكوم كعدني...بس صدكيني من يوم الي سلمتني نفسها كرهتها وحمدت ربي لان ماتزوجتها لان يجوز حتى لو على ذمتي تخوني...على حد علمي هي تحبك...ولج انتي على نياتج اذا فعلا تحبني ..جانت خلت اخوج يكرهها ويطلكها مو تمثل الحب وياه وتخونه...الي مثلها متعوده عالخيانه صدكيني حتى لو اني اعوفها ادور غيري..
لان الخيانه تمشي بدمها....هي لو مو خاينه جانت دافعت عن حبي....بس البنت ماتكدر تاخذ قرارها بنفسها..غلطانه بالذات بيت عمج ....عمج بحياته ماجبر بناته عالزواج...بس تدرين ليش.. ليش...لان اخوج غني ..اتزوجته مهندس وبيت وسياره....كالت اتزوج الغني واخونه ويه الفقير ...اني صح عندي بيت وسياره بس هذول لابويه يعني بعد عمر طويل يتقسم ...اما مال اخوج مالته وراتب زين ...اني مااعندي غير التكسي وتقاعد ابوي...بس مثل مكلت هي خاينه...اني مااكول اني ملاك...لااني شيطان..اخويه شنو ذنبه....صدكيني جم مره ردت اعوفها ...مااكدر عبالك ساحرتني من اشوفها ...كبل اريدها....اني متعود عالحرام....سامحيني لان ورطتج....صدكيني من كالتلي عليج...رحت راقبتج...حبيت نضافتج وطيبتج واخلاقج....ومن جنت اصفن اكول ياترى من حقي اني شيطان اتزوج ملاك...بس هي ضلت تزن على راسي لحد مااقتنعت....والله ومن ضربتج ....ضلت تزن براسي وكالتلي هي حاجيه عليك وكالت كومه سب ...واني صدكتها لان بالخطوبه كتيلي مو رجال ...بس بعدين عرفت شنو اخلاقج وكلت الكلام الي سمعته مستحيل انتي تحجيها...شنو هالحجي...مااكدر احجيهاا..وهاي مختصر حيااتي....زين اني اذا قررت انو نبدي صفحه جديده بشرط تعوف الحرام وهالشيطانه...توافق.....معقوله بعد الي حجيته تريدين تعيشين وياي....شوف زيااد..انت صرت زوجي ومن واجبي انو ادلك عالطريق الصحيح...واني من وافقت اتزوجك صح بالجبر زوجوني...بس اني ردت انتقم منكم ....بس هسه من حجيتلي ...قررت انطيك فرصه ...بس اتذكر هاي اخر فرصه... يعني اذا تخون ثقتي مره تانيه...وربي مراح اعوفك تدري شراح اسوي...شنو ....انتقم منك بابشع طريقه...يعني شلون....انت معليك المهم هسه توعدني ...انو تبدي تنور طريقك وتعوف كل شي حرام وإتوب... متمني بس خاف مااكدر ...اني اساااعدك...حضنتها من اكول عليج ملاك ماجذبت وماخاب ضني بيج....
يمكن تعتبرون الي سويته غلط بس كل واحد بينا لازم ينطي فرصه ثانيه حتى يشوف اذا فعلا يريد يتغير لو يريد يبقى مثل ماهو واني هذا السويته
مرت الشهر
رجعو عمي وعمتي طبعا زياد عاف زينب واتذكر من هجمت عالبيت
ولج حقيره اخذتي من حبيبي...رادت تهجم عليه تضربني....لزمها زياد وضربها راشدي وكاللها....هالمره سماح مره ثانيه تتقربين الها ...امحيج عن الوجود واذا تريدين تفضحيني ....فضيحتج اكبر...اني الرجال ماانعاب ..بس انتي كبل يذبحوج....مراح اعوفك زياد وراح انتقم منكم انتو الاثنين....دفعها زياد لبرا البيت وسد الباب....حضني حبيبتي سوتلج شي حضنته ...لا حبيبي ...
الحمد لله خلصت منا بس هسه احجيلكم عن مشاعري مشاعري بعدها مثل ماهي ماحبيت زياد داامثل وياه الحب لان شما يسوي وحتى من تاب ماانسى صوته من سمعتهم مااكدر مو بايدي بس دااتعايش ويه الوضع ..بنى زياد محل بالحوش الحمدلله شغله ماشي ...
مرت سنه توفت امي انهاريت بس ضل زياد واخواني وخواتي وياي بان اني اكثر وحده تاثرت لان اني مشفت حنان ابوي وهسه خسرت امي وزينب بعدها حاقده عليه ...ومرت شخر طلعت حامل...واخيراااا حبيبتي جنت خايف مااشوف هاليوم....ورا شهور جبت بنوته سميتها ليلى من حبي لليلى...طبعا حجيتلها كل شي صار وياي...وهي شجعتني علي دااسوي ...وكالت راقبت زينب ..متفوت احد للبيت ...ارتاحيت حتى لو على حسابي المهم اخوي لينزل راسه كدام الناس بسبب مرته وعمي وعمتي كالو رايحين نزور البنات ردت اروح وياهم زياد ماقبل كال مااكدر وحدي بالبيت ومااكدر اعوف المحل ... ورا يوم شفنا سيارة زوج اخت زياد الجبيره عيسى بالباب كال البقاء لله ابوك وامك من وصلو للنجف ضربتهم سياره واثنينهم ماتو ...هنا بدت معاناتي من جديد...مرت ايام واحنا رحنا للنجف دفنوهم ....وجي كل اخواني بس ليلى مجتي بان حطيت بنتي يمها وهي متتحمل الحر رجعنا للبيتنا من خلص العزا رجعتلي بنتي ...اوف حضنتها اول مره اعوفها هنا بنتي عمرها سنه وشويه....زياد صار كلش نحس ميتحمل الكلمه مني ...واني عفته كلت خطيه خسر اهله بنفس اليوم ...مرت جم يوم ...واشوف زياد رجع للبيت سكراان...كتله زياد شربان ...ضربني ..اي شربان ليش ليكون عندج مانع ...وضل على هالحال ....يوميه شرب...مرت سنين ...راح افوت السنين لان مبيها شي مهم ....بس الشي الي بيها زياد صار انكس من قبل شرب ونسوان حتى يجيبهم للبيت ....مرت ٩سنوات نفس الحال كل فلوسه عالنسوان والشرب...كمت اخيط للناس ...ومااحجي لاهلي قرر كل اخواني يشيلون للنجف وكلهم نقلو شغلهم لهناك واجو ودعوني كالو اي شي تحتاجينه كوليلنا ودعتهم ....احسن خلي ليشوفون نكاسة زياد....وكالو ورثج كتله خلي يمك كال ليش كتله بس بيناتنا ...ليش صاير شي ....لا بس زياد يسرف اهوايه خلي هاي للايام العوزه اطلبها منك...على راحتج....خفت لان زياد ميتامن....خلال هال٩سنين بنتي .صار عمرها ١٠سنوات ونص....وجبت احمد ومحمد توم...عمرهم ٦سنين ...بعد توبت اجيب جهال....الجهال ميحون ابوهم ويحافون منه لان ٢٤ساعه سكران وبس كلمه منهم يضرب