قيود إمرأة مكتمله

البارت السادس

البارت السابع
فديوم جابو سجينه جديده .....كولش حلوة ومبينه صغيره ....كتلها الله يفك اسرج....جانت تبجي وتشهك.....تذكرت نفسي جنت مثل حالتها من فتت للسجن...كعدت بصفها وحضنتها....كتلها كبل ١٨سنه اجت وحده مثلج مختنكه وبس تبجي ....بس الحياة من كثر صفعاتها حولتها من انسانه طيبه الى وحده شرسه تواجه مصاعب الحياة بدون متبجي.....باوعت عليه....كتلها اي هاي الوحده انضلمت برا السجن وداخلها.....بس قوتي وصبري ....خلوني اصير شرسه واتحمل مصاعب واتحمل الضلام...ليش انسجنتي ...قصه طويله....اعتقد اني هم مطوله احجيلي قصتج....تمام بس بشرط ....تحجيلي انتي هم قصتج.....اوعدج....كعدت حجيتلها كل شي ماعدها سبب زواجي من زياد مكتلها بسبب مرت اخوي كلت هو رادني لان على اساس حبني....لان حلفت موضوع زينب يضل بيني وبين ليلى وزينب....بما انو زياد مات.....اوووف اشكد انضلمتي....صدك كالو من سمع مصائب الخير هانت عليه مصائبه ....واني جان عبالي ماكو وحده انضلمت مثلي بس انتي طلعتي مضلومه قاطات....بس الفرق انت انضلمتي من زوجج ....اني انضلمت من اعز ناسي....شلون يعني.....راح احجيلج عن نفسي
اسمي رؤى...عمري ٢٤سنه خريجه كلية اداب....عائلتي متكونه من اب وام واخ انكطعت عنه اخباره....ليش ....ماادري مجان يحب تصرفات ابويه فد يوم كعدنا الصبح ...مااخذ اغراضه وعايفلنا ورقه انو هو ميكدر يتحمل تصرفات ابويه ...وعافني اني وامي ويه الي يتسمى ابويه......ليش شبيه ابوج....مجان اكو احن منه بس فجاة اتغير علينا
 بنتي رورو...نعم بابا ....حبيبتي اريد تنجحين من السادس وتجيبين معدل زين ارفع راسي بيج بين الناس....تدلل يااغلى شخص....وليش يعني مو اني دكتور ليش نترفع راسك بيه...لا حسام ابني مو هيج قصدي...بس الواحد يفتخر ببنته غير...وبالاخص بيت عمامك ميقبلون البنات يخلصون دراسه...وهيج اضغطهم لان كاطعوني من مقبلت اطلع رورو من المدرسه...اي والله يابا حجيك صح  اني هم مااحبهم...لا ابني لاتحجون هيج ...ليش يمه والله هذا الصح عمي شكد جان يكرهج  ويكول ساحره اخويه....الله يسامحهم يمه....اي بويه انتو اهتمو بدراستكم ورفعو راسي....مرت جم يوم ....ونشوف ابوية رجع سكران ...واحنا كلنا استغربنا ابويه مو هيج صح مو كلش متدين بس يعني عادي يصلي ويصوم... كله حسام..بابا انت سكران..صاح...ابن الكلب ضرب حسام راشدي ....احنا نصدمنا وامي هم كعدت بالكاع تبجي وتلطم ....ضلينا على هالحال ابوي كام حتى يلعب قمار ...وخسر ا ابونا الحنون اخوي جان باقيله ٤سنوات بالطبني خلال هالوكت...كملت سادس ...وفتت كلية الادب وكملنا هالاربع سنوات الكليه بهالحال اني اول سنه تعرفت على ابن عمي رضوان...هو عمي الي خله كل عمامي يكاطعونا والكل يسمع منا....ابن عمي اسمه تميم هو اكبر مني بسنتين هو مرحله ثالثه واني اولى...حبينا بعض ونسينا اهالينا وطبعا السنهالي دنحجي عنها سنه٢٠٠٥ وكتها جان جديد نازل الموبايلات تميم جابلي موبايلي صرصر جان وكتها ضلينا نتحاجى بالليل وبالنهار بالكليه سوا....خلال هالفتره ابويه خسر كل شي عدنا بالقمار...حتى البيت باعها بس امي خلت الي اخذمنا البيت نكعد بيها لحد مااني اتخرج هالحجي اني اخر سنه الي ...وكملت السنه مال التخرج ....صاحب بيتنا الي هو اصلا جان بيتنا بس الله لايوفق ابوي خسرنا كل شي همزين جان عدنا تقاعده بشركه النفط ....يستلمها يخسرها عالقمار ينطي الامي بس ٢٠٠الف دينار ومرات الي يبقى يضرب امي وياخذها...حسام من خلص كليه مثل محجيت كعدنا بيوم عافنا اني وامي بحلك الذياب....كملت كليه دورت تعينات ماكو ...ومرات تميم ينطيني فلوس مااخذها بس خو يدري بكل شي يزعل اذا مااخذهن.....وكال راح اقرر افاتح ابويه...خابرني بالليل...هاحبيبي شصار...وافق عمو....ماادري حبي ....كال خلي افكر وانطيك خبر....ان شاء الله خيرر حبي...ومرت يوم واحد ...صاحب البيت اجا البيتنا....ابويه كلي ...سوي جاي ووديله....اوووف اني مااطيقه لان يلعب قمار وسكران وجبير بالعمر ومثل ابويه نفس الاخلاق......سويت جاي كلت لامي وديه انتي...اني توترت وكالت...لا انتي وديه...يمه مااحب اشوف خلقة هالانسان...ميخالف يمه مابيه حيل اوديله....اخذتله الجاي....اي رؤوف ...والعروسه شرايها.....اني استغربت من حجيه...ابويه كله غصبا عنها موافقه ....تلاكي احسن منك....اني كتلهم عن شنو تحجون.... ابو ادم ابوج زوجج الي....عيطت شنو ...اني اتزوج هيج واحد ....ابو ادم...هاي شنو رؤوف انت كلت الابنيه موافقه...بس شنو انته جايبني هنا حتى المحروسه تهين بيه....ماعاش الي يهينك ابو ادم...انت معليك باجر جيب الشيخ....شنو يجيب الشيخ مستحيل اوافق.....جرني من شعري ....وطلع ابو ادم من البيت.....موتني من الضرب...ورم كل جسمي....رحت بفراشي خابرت تميم ...ذفت حجيه كلش بارد.....تميم شبيك....راح تتزوجين والمفروض يمته اعرف....والله مثلك توني عرفت....اي صدكت اليوم عرفتي وباجر خطوبتج...ابو ادم صديق ابويه هو كلي الابنيه تقربت مني جم مره هو كال الابنيه اتقربتلي جم مره وعرضت عليه اتزوجها مقابل ارجع البيت الاهلها....جذاب والله جذاب....رجال بهالكبر يجذب....قصدك اني اجذب رجال يلعب قمار ويشرب...يكول الصدك واني اتجذبني.....وانتي ابن لعيب القمار والسكران....ولك تميم شتحجي ...ماعندي وكت اضيعها ويه وحده سا... مثلج باجر بنفس يوم  خطوبتج اتزوج تاج راسج بنت عمي احمد ....والموبايل مبروك عليج هي والفلوس الي جنت انطيها الج....وقفل الخط بوجهي... ياااربي ليش يارب .....ليش الكل اتخلى عني ليش  ...والله والله اذا ماتزوجتي ابو ادم اكتل امج واكتل ....ولك انت شنو انت شنو ....تخرب عائلتك في سبيل شنو .....كلي مهرج يرجع هالبيت.....ومو انت ضيعت هالبيت اني كتلج ...وانتي بكيفج ...طلع ضليت ادك وابجي....وقررت انو لازم ارضى بواقعي.....ويوم الثاني...اجا ابو ادم وجايب الشيخ  والشيخ عقدلي.....وحطلي المهر البيت......والعرس بعد شهر.... مرت جم يوم اجا ابنه ادم....وححه وياي كتله والله اني مااريد هالزواج اكثر منك.....بس مجبورة....على شنو مجبورة .....خلاص رضيت بقسمتي.....يعني شلون تتزوجين واحد اصغر جهاله بعمرج...شسوي هاي قسمتي.....وطلع وعافني...امي صارت بصف ابويه من عرفت البيت رجعلهم بعد ماعقدنا رجع البيت وكتبه باسم ابويه مره ثانيه ....كرهت الكل واولهم ابويه وامي وحسام وتميم....كلت لازم انتقم من تميم لان تخلى عني....دبرت رقم بنت عمي ودزيتلها صور النا واحنا  لازمين ادين بعضنا ...ورسائله... خابرتني...وجاوبتها.....نعم...شنو هالاشياء صدك  تميم جان يحبج.....مو بس جان يحبني جتى اخذ شرفي ويلا عافني من ورامااخذ الي يريده وعافني ....واني خفت عليج يسوي بيج الي سوا بيه لان اني ورا معافني كال هو يحب...وحده كاعده بامريكا لو باقي يوم بعمره راح يعوف العراق لخاطرها....صح احنا مكطوعين عن بعض ...بس انقهرت عليج من عرفت تميم يريد يتزوجج صدكيني...هو راح يتزوجج بس حتى يشبع غرائزه كلها جم سنه ويروح لحبيبته ....اشكر رؤى لان كلتيلي ....وقفلت الخط واني مصدومه بنفسي بلي سويته...بس ارجع واكول يستاهل لان خيب امالي كلها....ورا جم ساعه دك موبايلي وشفت الرقم تميم....مجاوبت ....دزلي جاوبي لااجي هسه للبيت واسويلج فضيحه....جاوبت...شتريد ....شنو هالجذبات الي كايلتها لخطيبتي....سمعت وشوشه يمه ....عرفت يريد يطلع جذبتي....كمت ابجي ...اني اجذب لو انت اليمرت حياتي ماكلت كلمه جذب انت اخذت شرفي وعفتني نن وراك حتزوج واحد شايب الله لا يوفقك دنسا واخره....وقفلت الخط....رديتلك الصاع صاعين. ياابن عمي..... .ورا اسبوع دك موبايلي شفتها لينا بنت عمي وخطيبه تميم....الو ...الو رؤى احب اشكرج لان مخليتيني اخذ هيج واحد...برغم احنا مكاطعينكم بس ساعدتيني .....ونقذتيني من هيج زواج....ولايهمج حبيبتي...اني انفصلت عن تميم ...ها صدك ...الحمدلله فرحتيني ...لان ميستاهل وحده بطيبتج واخلاقج...وقفلت الخط واني فرحانه.....
يوم زفتي ....تزوجنا بدون حفله وزفه مجرد من البيت للفندق لان مقبلت لاالبس فستان عرس ولااروح صالون... بالفندق ...ابو ادم صاحني ....جنت بالحمام...طلعت لابسه دشداشه....كلي شنو هالملابس ...عالعموم اكلي وانطيج غيرها....شكد اكرهه... اوصفلكم شكل ابوادم...رجال اسمراني وشعره واللحيه صابغهن اسود ومكرش يعني تلعب نفسك منه من تشوفه مو عاد تعاشرع وتكضي اوكات كدامه وعمره ٦٥سنه ماادري ٧٠حتى عمره مااعرفه.....ورا ماكمل العشا شفته اخذ حبوب معرفت مال شنو....واجا انطاني سيت نوم فاضح مقبلت ضربني راشدي ...كلي اني اشتريتج حتى تونسيني مو تصفنين بوجهي....رجت لبست واجا اتقربلي بس مكدرت....جاب حزام وضربني وكسرني....كال  مااشتهيج... هنا عرفت اني خلاص انتهت حياتي .....وعرفت انو راح اعيش بحجيم.... بقينا نفس  الحال اسبوع بالفندق ...البس الي يريده ميكدر يتقربلي ....يدكني دك الحمار ....مرت الاسبوع ورجعنا البيته....طبعا الكل ميريدني....البيت متكون من ابو ادم وام ادم وابنهم الجبير ادم هو ومرته وجهاله وريان هو ومرته وجهاله وبنات اثنين بعدهم ممتزوجات اصغر جهاله بعمري وابنه الاوسط عماد بس مارتاحيتله لان مبين انكس من ابوه اذا اني مرت ابوه ومنزل عينه مني ....قررت اخذ حذري منهم وبالاخص من عماد  ....استقبلو ابوهم.. بس محد سوالي اعتبار محجيت.....لان حقهم زعلانين على امهم.... ابو ادم كلي....يلا رورو اشوفج غرفتج...شفتهم كلهم يعوجون بحلكهم....سكتت وصعدت وياه ...وطبعا كل يوم كضيتها مثل ماجنت اكضيها بالفندق طبعا هو سوالي سويت كامل اخر قاط جان البيت مو بيت قصر من اربع قواط حتى جان بيها مصعد.. ابو ادم رجع يروح للنوادي وعرفت منه ابوي هم رجع ....واثنينهم يلعبون قمار ....بس الي عرفته ابو ادم ميشرب...بس يلعب قمار حتى يكون واعي وميخسر شي من املاكه والي عرفته بس القصر اله ...الباقي لادم وريان....بس عماد نفس ابوه مكضيها لعب قمار ونسوان وشرب ....لذللك اخوانه ميقبلون يزوجوه.....فديوم باليل .