قصة سلسال الدم

البارت الاول

سلسال الدم
#طائر بلا تغريد #
البارت الاول

السلام عليكم

ربما البعظ يقول عندما يقرء قصتي انها مأخوذه من احد افلام الهند
والبعظ يقول هيه قصه خياليه

ولكم الحق لانها قصه عجيبه غريبه بكل المقاييس

لاكنها قصه حقيقيه حدثت في زمنا الحاظر

والابطال من ابناء العراق
قصه تحمل في طياتها العجب

تحمل تهور المجتمع وعناد البعظ وعادات وتقاليد عجيبه

ابدء قصتي وأنا احترق من الألم

على حال العراق الحبيب

طبعا الي ينقل القصه ابن الاصغر العائله.   اركان

المكان
في ظواحي النجف

كلللللشششششششش امبارك عرسك يلهيبه
كلللللللشششششششش كلاللللللللللللششششششش

يمه مبارك عليك يبعد امك

هههه الله يحفظج الي يمه دنك باس ايدهه وراسهه

الله يرظه علي يمه

وهاي فرحه وبعد فرحه واليحب يتباركلنه

وهله وهله وهله
مبارك عرسك يلهيبه

قاسم  قاسم
ها علاوي شتريد
ولك تعال وياي نعدل الكراسي

جاي جاي

سلام عفيه خوتي اكوفلكم بفرحكم انشاء الله

تدلل سلومي حبيبي انت

اني اركان اخو سلام العريس الي شلع كلوبنه حتى عرس اني اصغر من سلام جنت ادرس رابع اعدادي

ابويه الله يحفظه عايش والوالده هم سلام هو الي جان شايل البيت من مصرف ابويه ماعنده غير راتبه التقاعدي

مرت الساعات وصلت الزفه جانت فرح منتظره حب

حياته الي بقت متانيته ثلث   سنوات

لابسه فستان ابيض طويل منفوش من جوه الخصر

والشعر مسرحته علطوله لان سلام ميقبل تصبغه او تشيله
جان طويل وبيه ظربات شكره ايسميه ام الشعر العسلي

شويه اجت الزفه جان الكل فرحان

واحد يركص واحد يغني واحد يصفك

اما سلام جان طاير وهو يتقدم من ان يتحقق حلم عمره
لحظات وكفهه باب بيت فرح وجان يتذكر اول مره شاف بيهه فرح

جانت راجعه من المدرسة وجانت الدنيه ظهر
والشمس تموت

جان سلام ستو راجع من الشغل
جان عنده محل كماليات بلمنطقه وجان بيومهه تأخر بلمحل لان جان متسوك ستوه ويصفط بلمسواك بلمحل