قصة سلسال الدم

البارت الخامس

البارت الخامس

سلسال الدم

#طائر بلا تغريد #

مسائكم فل وياسمين 🍀🍀🌹🌹💐🌼🌻🌸

اركان بعد ما دكينه بيت هلحقير ليث رجعنه للمستشفى
لكينه عمامي وابوي كاعدين باب قسم التشريح

لان مقبلو ينطونيا الا يشرحونه

كعدة يم ابوي بس احسه مكسور مدنك راسه ومخلي اديه عل راسه. حسيت هذا الهدوء الي يسبق العاصفة

حته من كعدة يمه ماحس بيه    بعد فتره سمعته حجه

اركان. شلون اطب للبيت وسلام مابيه.

ولك امك شكلهه اذا سالتني عنه.

مرته اليوم سبعتهه ولك اركااااااااان

حسيت عل ابوي فقد بعد كام يملخ بروحه مثل المره

لزمت اديه وكتله بويه وعيون سلام اله اخذ ثاره اله اعذبه كبل لا اكتله

ابو سلام. بويه  ويرجع سلام. اذا عذبت الكتله

اركان دنكت والعبره بصدري حته بجي ماكدرة ابجي مثل الناس

كتله لا بويه بعد ما يرجع سلام

شال راسه وباوعلي صرت مقابيله كاعد ولازم اديه
كلي جا بويه مايهم الكتلتهه والخليتهه

صدك بساعتهه حسيت الدنيه ظاكت بعيني

لو اني ميت بذيج الساعه ولا اسمع حجي ابوي

الانسان مهما عاش وكبر وطغه يبقى صغير بوجه المصائب

بعده نطونه جثت سلام ورجعنه للبيت

نزلنه شايلينه اني وصديقه مخلص وظرغام وحسين ابن عمي

دخلنه للبيت لكينه امي كاعده متربعه بلطرمه

اشرتلي بيده حطه هنا

جانن النسوان مجومات بلطرمه

نزلنه التابوت يمهه

تقربت يمه هيه و فرح كاعدات

يمه سلام. الله يساعدك يمه

شلونك اخبارك.
يمه هم وجعتك الظربه

يمه هم صحت يمه.

يمه هم كلت اخ يمه. 
يمه انت ابو الروح الترفه

ما تتحمل الحر. ولا التعب. 

يمه هاي مريتك كاعده وعينه علدرب

صدك سلومي حجزت الكيك للسبعه
والببسي تره عماتك وخالاتك هوايه

ها مو تنسه تجيب وياك عصير تره عمتك حسنه ماتشرب الببسي ههه

ها يمه ثكلت عليك. ميخالف يمه غير فرحانيين بعرسك

اركان شفت امي فقدة كامت تحجي وتظحك تخبلت