البارت السادس
سلسال الدم
#طائر بلا تغريد #
يامسية العافيه عليكم يهلنه 🌹🌹🌹🌹
ليث وصلت الساعه ٣ للبيت دكيت الباب طلعلي والدي
ها ولك ليث سويتهه وجيت
اي طبعا اجي مستحيل اخلي اختي تتئذه من وراي
هاي زهره حياتي مستحيل اخليهه تنذل لو اعرف اموت
لك بابا تعال اكعد واني افهمك
شوف ليث انت غلطتك كلش جبيره ومحد يكدر
يسدهه وحته هسه لو رحت وسلمت نفسك هم راح ياخذون زهره فصليه
ليث ليش مو سلمت نفسي بعد شكو
اسمعني تره مو سهله عليه اني اخلي بنتي الوحيده تروح فصليه وتخرب حياتهه
بس شسوي اكو شي اهم من شي
ليث وشنو الشي الأهم من تروح زهره فصليه
اكو تدري شنو
ليث وشنو بلله
شوف ليث انت اذا سلمت نفسك اكيد اخو سلام ميعوفك يعني اذا ميقتلك فراح يحاول قتلك
وراح يروح الولد للسجن
يعني راح تنهي حياة شخص ثاني لهاي العائله
وختك ياخذوهه ياخذوهه لان هذا الأتفاق حته لو سلمت روحك هم ياخذونهه فصليه
فهمت هسه
يابه مستحيل اخلي اختي تنذل وتدفع ثمن اخطائي
يابه هذي زهره تعرف شنو
اخاف عليهه من الهوى انوبه اسلمهه بئيدي للي يكسرهه مستحيل
ليث بويه اسمعني الناس خوش ناس وراح يحبونهه
تدري ابوسلام شنو كال من طلبو عمامه فصليه
كال هذي مو أخلاق اسلام ان مطب بناتنه فصليه
يعني ناس يخافون الله
وتره بويه الي يخاف الله انطي ونته مطمئن
ماعرف بويه بس كلبي ما مطمن يجوز الولد يطلع موزين ويئذي زهره
بويه شو اكو هوايه بنات تزوجن عن حب وبعد الزواج تبين الزوج مو زين
ويظلن يعانن وياهم يعني مو شرط فصليه حته يئذوهه
ذيج بت خالك ساره شفتهه شو زوجوهه السيد تالي طلع مو خوش وتاليهه طلكهه
اي صح بس لازم احجي ويه زهره
هسه كوم دخل السياره للبيت وناملك شويه لحد ما يكعدون وبعدين احجي براحتك
ماشي
رحت دخلت السياره لكيت ابوي كاعد بلهول مشغل المبرده ومخليلي فراش
حطيت راسي ونمت كعدة عل حس امي تحجي وتبوس بيه
هله يبعد امك شلونك يبعد كلبي ليش ولك هيج
يمه شلونج
شلون يمه ميت عل شوفتك
أنت تقرأ
قصة سلسال الدم
Gizem / Gerilimمن راح تقرون القصه راح البعض يتعجب من احداثهه ويضل يسئل هل صح اكو هيج شي ممكن اكو دمار بهل شكل معقوله اكو غدر بهل شكل معقوله اكو حب بهل شكل معقوله اكو ناس تأثر عل ناس بهل شكل نعم اكو صدكوني واكثر بزمانه اكو عجب راح انزل الكم صور ابطال القصه طب...
