قصة سلسال الدم

البارت السابع

البارت السابع

سلسال الدم
#طائر بلا تغريد #

مسائكم 🍯🍯🍯🍯🍯🍯🍯

اسفه  اسفه اسفه والله مجان عدنه نت تأخرة عليكم

والبارت قصير انشاء الله باجر اعوظكم

فرح مانمت  اليل كله بس افكر شلون اذا غصبوني اذب الطفل

للفجر اذن الأذان صليت ونمت
بلحلم شفت سلام بيده تفاحه حمره وكلي هاج فروحه هاي مني الج

فرح الله سلام تدري بيهه شكد احب التفاح

اي ادري بيج بس ها هله هله بتفاحتي ما وصيج

فزيت من النوم وجنت ارجف هاي شنو معقوله سلام يدري بيه حامل

وره شويه اجاني سجاد

سجاد ها فروحه شلونج اليوم

الحمد لله بس

بس شنو

فرح   سجاد اكدر اسالك سؤال

اي خيتي اسالي

اكلك الميت يعرف شي عن العدل

اي طبعا كلشي يعرف وخاصه الي يحبهم يعرف اذا ظاجو او تمرظو هم يعرف

ها هيج

اي طبعا بس ليش تسألين

مو البارحه شفت سلام بلحلم شايل تفاحه حمره وكلي هاي مني الج

وكلي هله هله بلتفاحه

شفته دنك وطلعت من عينه دمعه وكلي
شفتي خيتي سلام يدري بيج حامل وجاي ينبهج تحافظين عل طفله

فرح شلون سجاد ومي كل شويه تكلي لازم تذبي وابوي ورشاد وكلهم يحجون عليه

ميخالف  استحملي هسه اني طالع رايح يم اركان احجي ويا لازم يعرفون بلطفل

بس خاف ابويه اذا سمع يتعارك وياك

عادي خليه يتعارك بس لازم يعرفون حرام علينه نظم عليهم

طلع سجاد واني كلبي يدك وخايفه ميت فكره اجت بالي
خاف ميقبلون بلطفل وهلي يجبرني اذبه

بعده اجت امي كالت

ها فرح كعدتي

اي يمه كعدة
يلله حبيبتي تريكي حته نروح للمستشفى حجزتلج عد دكتوره حته تشوف شلون نوكعه

فرح يمه الله عليج انتي هم ام شلون تقبلين اذب ابني

ولج يمه انتي بعدج زغيره والدرب كدامج طويل ارجعي الدراستج وكملي مستقبلج
اذا عندج طفل راح تتعذبين ويا
وهم مسؤليه وتعب وفلوس

ميخالف يمه والله قابله بكلشي بس لا تمنعيني من ابني

ولج خايبه لاحكه عل زعاطيط ودوختهم
باجر تتزوجين ويصير عندج كومه