حتى اخر العمر بقلم امل عاطف

الفصل الرابع عشر

روايه(حتى اخر العمر)
الفصل الرابع عشر
*****************
حبيبى
يامن عشقك قلبى بجنون يا من ادمن فيك العشق المجنون
انت من احييت لى روحى انت من داويتنى من جرحى
برجفه وشوق تحتوينى بعيدا عنى ولكن فى قلبى تكون
تسير دمائك فى شراينى انت الحب الذى سكن روحى
يامن بيده حدد مصيرى يامن علمنى كيف العشق يكون
علمتنى ارسم حروفى كفنان مجنون سارسمك بدمى على جسدى
واحفر اسمك على جدار قلبى
ساظل احبك حتى تتصاعد روحى
******
ظلت كارما جالسه على شاطئ البحر تتحدث هى وادم لساعات وازاى بهاتف ادم يرن
الووو:ايوه بدر باشا ايه الاخبار
ايه بتقول ايه
فى حد قدم بلاغ ان احمد هو اللى حرق البيت
طب خلاص ماشى انا جاى لحضرتك ساعه واكون عندك
كارما:فى ايه ياادم
اللى سمعتيه
يعنى احمد اتقبض عليه
لا لسه بيدور عليه مش لقينه
طب والعمل
طول ماانتى مع اخوكى متخافيش
ابتسمت كارما ولكن من داخله لم يعجبهاكلمه اخوكى لانها اصبحت تعشق ادم ولكن بعد  ادم عنها هو ما يحزنها فهو لا يراها الا اخت له فقط
ادم:مش يلا بينى عشان عاوز اروح لبدر بيه وكمان جاسر
حاضر
وفعلا وقفت كارما ولكن تدحرجت رجليها من على الصخره التى كانت تجلس عليها وكادت ان تسقط فى البحر
ادم:حاسبى ياكارما
ادم متسبش ايدى ياادم ابوس ايديك هموت
انا ليمكن اسيب ايدك امسكى بس جامد متخافيش
انا خايفه
حاول ادم بكل مااوتى من قوه ان يسحب كارما لاعلى حتى لا تسقط فى البحر
امسكى جامد ياكارما متخافيش
ادم ادم انا هموت
لا مش هتموتى لا ليمكن اسيبك تموتى وهنا تذكر ادم تقى وتذكر انه لم يستطيع انقذها
وتحول الى شخص اخر وسحب كارما الى الاعلى
بكل قوته فوقع على الارض ووقعت كارما فوقه لينظر اليها ادم وكانها تقى ويحتضنها وكانه يغشى فراقها تعجبت كارما من فعل ادم ولكنها تركت نفسها له واستسلمت لحضنه واذا بها تسمع ادم يقول
متسبنيش تانى ياتقى انا مقدرش اعيش من غيرك ليمكن اسيبك تروحى منى تانى وحشتينى وحشنى كل حاجه فيكى يااااااااااه  بعدتي وبعدك طال اوى ياتقى
لم تتحمل كارما ما سمعت وارادت ان تنهض ولكن منعها ادم
فصرخت فى وجهه وقالت
ادم انا مش تقى انا مش تقى انا كاااارما كارما ياادم فوق
نظر اليها ادم ولم يتحدث وكأن كارما ارجعته لرشده فنهض وقال لها
اسف بجد ياكارما لما شوفتك هتوقعى فى البحر افتكرت تقى وحسيت انى لازم اعمل المستحيل عشان ماتوقعيش انا معرفتش احمى تقى ولا انقذ حياتها انا...........
شششششش خلاص اهدى ياادم حصل خير والحمد الله عدت على خير يلا نمشى عشان تلحق تروح مشوارك
وفعلا انصرف ادم وكارما وكانت كارما طول الطريق شارده وكانت تحدث نفسها
ان لازم اخليك تنسى تقى ياادم هعمل كل اللى اقدر عليه عشان الفت انتباهك انا اول مره قلبى يدق ولازم احارب عشان اكسب قلبك واخليك تعيش الحياه من تانى هنسى كسوفى وخجلى وهدافع عن حبى وحارب عشانه وهتشوف ياادم انت تستاهل انك تعيش ياادم
وانا هخليك تعيش
وصل ادم الى العماره التى يسكن فيها
ادم:يلا ياكارما اطلعى وخالى بالك على ريم عبال مارجع
متخافش ريم فى عنيه
انت هتتاخر
معرفش والله ايه ظروفى بس نامى انتى وريم متستنونيش
انا هفضل صاحيه  عبال مترجع عشان لو احتجت لحاجه
على راحتك بس متعذبيش نفسك
لا مش هنام غير لما ترجع
ماشى سلام
فى رعايه الله
******************************************
اما عندجاسر
وصلت هنا الى المشفى وصعدت الى غرفه جاسر
هنا:السلام عليكم
نظر جاسر اليها وابتسم ورد السلام
وعليكم السلام ورحمة الله وبركاته
عامل ايه شيفاك احسن بكتير من الصبح
تمام الحمد الله
طب انا قولت اعدى عليك اشوفك لحسن تكون عاوز حاجه
اه عاوز
ايه خير
تعالى اقعدى جانبى
نعم
تعالى بس هنتكلم شويه انتى هتفضلى واقفه كتير كده
احم حاضر هجيب الكرسى
لا تعالى اقعدى على السرير
جاسر بيه حضرتك فى وعيك
تعفرت جاسر من كلمه بيه
تانى ياهنا تانى جاسر بيه وارد الجلوس ولكنه تالم بشده
اااااااه
فاسرعت هنا الى جاسر لتمنعه من الجلوس
حاسب ياجاسر براحه الجرح ممكن ينزف تانى
خايفه عليه
ايه
بقولك خايفه عليه
جاسر ب.....
هنا متنرفزنيش
حاضر حاضر
عاوز ايه ياجاسر
حلو كده الله ينور عليكى
ابتسمت هنا
جاسر:ممكن نتكلم جد شويه
اه اتفضل
هنا انا سمعت كل كلمه قولتيها هنا وكمان ساعه الحادثه
احمر وجه هنا ونظرت للاسفل
ارفعى وجهك ياهنا اللى سمعته ده حقيقى انتى فعلا بتحبينى
نظرت هنا لجاسر وقبل ان تجبه دخل ادم عليهم وتفاجئ بوجود هنا
جاسر ادم حبيبى طول عمرك بتيجى فى الوقت المناسب
نعم انت بتقول ايه
لا ولا حاجه وحشنى
ابتسمت هنا ونظرت لجاسر فنظر جاسر لها وغمز لها بعينه وقال
والله كنا لسه فى سرتك ان وهنا ابن حلال
ياارجل مش عارف ليه مش مصدقك ياصاحبى
هنا:طب عن اذنكم انا لازم امشى
ادم هتروحى لوحدك
اه
لا مينفعش استنى هوصلك
لا شكرا حضرتك اصلا البيت مش بعيد
عن اذنك جاسر بيه
نظر اليها جاسر وهو يستشيط غيظ من ادم فالولاء دخوله لعترفت هنا بحبها لجاسر
ماشى انسه هنا نكمل وقت تانى
عن اذنكم
اتفضلى قال ذلك ادم
بعد ان انصرفت هنا
تعالى بقا يارزل يافصيل انت ده وقت تيجى فيه يا رزل دى البنت كانت لسه هتنطق منك لله يااادم
حيلك حيلك انا عملت ايه عشان كل ده وبعدين مش محتاجه تنطق هى واضحه وضوح الشمس دى البنت كانت هتموت نفسها عليك يابنى
بجد ياادم
اه والله دى حتى اغمى عليها لما سمعت من الدكتور انك فى خطر
وايه كمان اشجينى
اتلهى على عينك بس تعرف انك تحافظ عليه بس وتنسى جو الهلس اللى كنت عايش فيه
خلاص يااخويا توبت توبه نصوحه ولما اخرج من هنا أن شاء الله هروح اتقدملها على طول
بجد ياجاسر انت متتصورش الكلام ده فرحنى قد ايه كان نفسى ينصلح حالك وربنا يهديك
جاسر:خلينى فى المهم عرفت مين عمل فيه كده وليه
اه تقربيا عرفت
مش فاهم
هفهمك قص ادم كل ما حدث معه من اتصال عاصم الى هاجر السكرتيره
كل ده حصل طب والعمل ياادم هنتصرف اذى
ولا حاجه كلها يومين وتخرج وترجع تمسك الشركه هنا وانا اسافر القاهره واشوف شغلى معاها
طب وتهديد الراجل ده مش خايف
لا طبعا خايف بس هحاول اشوف حرس تحرس ريم وكارما عبال ما نعرف من هاجر مين دول
ماشى يا صاحبى ربنا معاك
انا همشى دلوقت عشان هروح لبدر بيه لان حد بلغ ان احمد وراء حريق بيت كارما
طب كويس يعنى اتقبض عليه
لا لسه هربان
ان شاء الله هيتمسك وترتاح من الهم ده بقا
ان شاء الله عاوز حاجه قبل ماامشى
لا شكرا بس متغبش عليه
ليه ياخويا الوحده قتلك مابسم الله ما شاء الله الست هنا موجوده 24ساعه معاك
يعم اتوكس انت هتنق فيها
لا يعم هنق ايه الله يسهلوووووخلاص
امشى ياادم عاوز انام يلا
طب يااخويا دلوقت عاوز تنام
ماشى يا جاسر
سلام
سلام
****************************************
فى مكان اخر
خير ياعاصم باشا حضرتك طلبتنى
ايوه يامصطفى تعالى
مصطفى يعتبر دراع عاصم اليمين يثق به كثيرا
لو طلبت منك طلب تنفذه
اومرك ياعاصم باشا
ده عشمى فيك يامصطفى
انا لحم كتافى من خيرك كل اللى تطلبه هنفذه وبالحرف
حلو الكلام اسمع ياسيدى............................
******************************************
وصل ادم الى قسم الشرطه
السلام عليكم بدر باشا
اهلا ادم تعالى
خير حضرتك كنت عاوزنى
اه اقعد الاول
بعد مع عملنى تحريات بخصوص الشخص اللى ظهر فى كاميرات المرقبه عرفنا مين
طب كويس حضرتك مستني ايه ليه ماتقبضشى عليه لحد دلوقتى
ادم احنا بنراقب الشخص ده لاننا عاوزين اللى وراه
واكيد اللى زى دول مش بيعترفوا على اللى مشغلهم بسهوله دول كمان بتوصل بيهم انهم يتحبسوا بس الراس الكبيره لا
طب والعمل
امال انا طلبتك ليه
خير اتفضل قول
قولى الاول انت فى حد بتشك فيه او حصل حاجه خليتك تشك فى حد
وهنا اتذكر ادم الاتصال وهاجر
اه حصل فعلا انا هحكيلك
سرد ادم كل ما حدث لبدر
بدر:طب الرقم ده فين
موجوده بس انا اتصلت بيه وكان مغلق
طب سجله هنا واحنا هنتصرف
ماشى حاضر
سجل ادم الرقم لبدر
طب وهاجر هتعمل معاها ايه انا مش عاوزها تتأذى لان والدها خدم الشركه بكل امانه واكرام لولدها بس هسامحها
ماشى ذى ماتحب بس نعرف منها مين دول وعاوزين ايه
ماشى
ادم:طب احمد عرفتوا تيجيبوه
لا لسه هربان
طب ممكن يكون مين اللى بلغ عنه
معرفش بس  البلاغ من مجهول
انا اصلا كنت شاكك فيه من الاول
اطمن احنا مش هنسيبه
انت هتسافر مصر امته
يعنى كمان يومين كده لحد ميتعافى جاسر ويقدر يمسك الشركه تانى
ماشى هنكون على تليفون
خلاص ماشى
طب حضرتك عاوز منى حاجه تانى
لا لحد دلوقتى لا
طب خلاص عن اذنك
ماشى ياادم اتفضل بس الكلام ده هيكون بينى وبينك بس
ماشى يافندم
سلام
سلام
******************************************

اما عند كارما كانت كارما جالسه فى التراس تنتظر حضور ادم على احر من الجمر وعندما لمحت سياره ادم فرحت وجرت على الباب كى تفتح له ولكن وقفت لثوانى
اهدى ياكارما شويه ادم يقول عليكى ايه انتى خلاص اتهبلتى رسمى
وفعلا رجعت كارما وجلست على الكرسى فى التراس
وصل ادم الى الشقه وعندما دخل لاحظ وجود ضوء قادم من ناحيه التراس
ايه ده هى لسه كارما صاحيه
اتجه ادم الى التراس فوجد كارما جالسه
السلام عليكم
وعليكم السلام
اتأخرت ليه
كان ورايا شغل وبعدين انا قولت ليكى نامى ليه صاحيه لحد دلوقت
بس انا فكره انى قولت ليك انى هستناك
طب خلاص الوقت أتأخر ادخلى نامى ياله
مش عاوزه انا
يعنى ايه هتفضلى صاحيه
اه
طب انا هدخل ارتاح شويه
ادم
نعم
ممكن اسالك سؤال
خير ياكارما بجد تعبان وعاوز ارتاح
كنت حابه اعرف انت ليه سايب ريم لحد دلوقتى قاعده على كرسى
بمعنى
ليه مكشفتش عليه بره مثلا ده العلم تقدم جدا واكيد فى علاج ليها بره
ومين قالك انى ساكت
انا فعلا متواصل مع مستشفى فى روسيا ومستنى رد المستشفى
حلو اوى
كارما ريم متعرفش الكلام ده لانها رفضه موضوع السفر
وانا محبتش اقول ليها غير لما يكون كل حاجه
جهزه
حاضر مش هقول ليها حاجه
بس ممكن اسافر معاكم
ده اكيد طبعا
وفجاه احس ادم بدوران شديد فوقع على الارض
كارما وهى تصرخ
اااااااااااااااااااااااااااااادم
😱😱😱😱😱😱😱😱😱😱😱😱😱😱😱
********************************************
ياترى ايه ممكن يكون حصل لادم
كارما هتعرف تتصرف ولا لاء
عاصم عاوز ايه من مصطفى
احمد هيفضل هربان كتير ولا هيظهر
ممكن ريم تمشى على رجليها تانى
كل ده هنشوفه فى الفصل الخامس عشر من
روايه(حتى اخر العمر)
اسنتونى منى ليكم ارق التحيه
Nasem El Roh