روايه (حتى اخر العمر)
الفصل السادس عشر
**********************
بعد ان سردت هنا لاادم كل ما حدث لجاسر قرر ادم ان يأخذ جاسر الى مكان امن اكثر من ذلك
ذهب ادم للطبيب
السلام عليكم
وعليكم السلام اتفضل ادم بيه
انا اسف بجد بخصوص اللى حصل لجاسر بيه بس ده غلط ومش هيتكرر تانى
انا جاى بخصوص الموضوع ده بس مش بنفس المعنى
مش فاهم
جاسر حالته تسمح انى اخرجه من المستشفى
ويمارس علاجه فى البيت عادى ويكون معاه ممرضه ودكتور لو كان لازم
حضرتك عاوز تخرجه ليه بس
جاسر ليمكن يقعد هنا تانى لان حياته فى خطر ومن هنا لحد منعرف مين دول وعاوزين ايه لازم جاسر يكون فى امان
ماشى ادم بيه انا هكلف دكتور وكمان ممرضه تروح معاك بس يكون علي مسئوليه حضرتك
ذهب ادم لجاسر وجده فى حاله لا يحسد عليها وقد تدهورت حالته كثيرا
ادم: سلامتك يا صاحبي اوعدك انى مش هرتاح غير لما اعرف مين عمل فيك كده وعاوز ايه
جاسر بصوت منخفض جدا:خرجنى من هنا ياادم انا مش عاوز افضل هنا
حاضر هتخرج انا اصلا بجهز لده بس هشوف حد اثق فيه يكون موجود معاك
وهنا تدخلت هنا وكانت فى الخارج تحدث والدتها
وعند عودتها سمعت ما قاله ادم
انا هكون معاه ومش هسيبه
ادم:انسه هنا بس مش هينفع تقعدى معاه لوحدكم ومفيش علاقه واضحه بينكم انا خايف عليكم من كلام الناس
جاسر :هنا هتكون مراتى وعلى سنه الله ورسوله
انصدمت هنا من ما سمعته من جاسر فاهى لم تتوقع ما قاله جاسر بالمره
ادم:انت بتقول ايه ياجاسر لا الوقت ولا المكان مناسب
جاسر:بالعكس هو ده الوقت المناسب انا هتجوز هنا النهارده
موفقه تجوزينى ياهنا
هنا هنا هنا روحتى فين
ها انت بتتكلم بجد ياجاسر
اه طبعا بجد بس انتى موافقه
هنا:انا موافقه اروح معاك اى مكان المهم نكون مع بعض
تعجب ادم من هنا وجاسر كثيرا وابتسم وقال
حيث كده بقى يبقى نقول مبروك
انا هروح اجهز كل حاجه وابلغ ريم وكارما بده عشان نكتب الكتاب باليل ان شاء الله
وفعلا انصرف ادم وترك جاسر وهنا
جاسر:انا هخليكى اسعد انسانه فى الكون انا عملت خلط كتير فى حياتى وحابب انك سامحينى عليه
انا......................
لم تعطى هنا جاسر فرصه لكى يتحدث وقالت
انا مش عاوزه اعرف جاسر بتاع زمان انا يهمنى جاسر بتاع النهارده وكل اللى عملته انا مش عاوزه اعرفه لكن عاوزه وعد منك انك مش هترجعله تانى توعدنى ياجاسر بده
اوعدك ياهنا انى اكون مخلص ليكى ومش هرجع لجاسر بتاع زمان
بعد مرور حوالى 5ساعات قضاها ادم فى نقل جاسر من المشفى بمساعده هنا الى شاليه فى الساحل الشمالى بعيدا عن اعين الناس وكان ذلك فى سريه تامه واحضر والدت هنا وكذلك كارما التى كانت ترتدى فستان وحجاب فى قمه الروعه ووضعت قليل من مساحيق التجميل التى أبرزت جمالها اكثر واكثر وكذلك ريم وبعض من الرجال الذين يثق فيهم جاسر وادم وكان من ضمنهم خالد وهو المسؤول عن الشركه فى غياب جاسر
قبل كتب الكتاب وبالتحديد فى الغرفه التى تجلس فيها هنا وولدتها
والدت هنا:انت واثقه من اللى بتعمليه ياهنا
انا خايفه تكونى اتسرعتى يابنتى وترجعى تندمى
هنا:ماما متخافيش انا عارفه بعمل ايه كويس وجاسر انسان كويس وانا بحبه وهو كمان بيحبنى
يابنتى........
ماما عشان خطرى مش عاوزه ازعل فى يوم زى ده جاسر حب عمرى وهكون سعيده طول ماانا معاه
ماشى يا هنا بس خليكى فاكره انى نصحتك
أنت تقرأ
حتى اخر العمر بقلم امل عاطف
Misterio / Suspensoروايه رومانسيه هو كان السبب فى وفاه زوجته وعاقب نفسه على ذلك وقفل على قلبه فهل سوف يستمر على ذلك ام للحب الكلمه الاخيره...... اما هى واجهت الظلم بكل انواعه فهل سوف تجد من تحتمى فيه من ظلم البشر......
