خيكم كان نازل من الدروج صادفاته بنت اتكلم بلنقال والبنت لابسه فستان اقصير وكعب وهيا شافتني نازل على الدروج وتبي تجري اتخش جوه ومنفطنش إلا والبنت منقلبه على وجها انا ديما نسمع بيها النقال في وضع الطيران بس المره هذي شفت نقال البنت ايطير 😂😂😂😂😂😂😂😂😉😉😉😉
انا ... تي هههههههههههه وووووو 😂😂😂وسعي بالك مش هناكلك امشي على مهلك شوفي كيف تكردمتي من على الدروج 😂😂😂😂
لمياء ... اسكت مش شورك كله منك طلعت في وجهي قول احم قبل ما تطلع وخللي وجهك لاوره متبحتش مش لابسه وشاح
انا ... تي بأهي صبي ابسرعه نبي ننزل عندي عمل
لمياء ... تي مش قادره انصبي اصبر اشويه
انا ... فاتن فإتن يا فاتن
فاتن ... عيساوي نعم كنك انعيط
حي لمياء كنك
انا ... طاحت ارفعيها وشوفيها بلكي تبي مستشفى نأخذها معايا توه
لمياء بينها وبين نفسها ... خزي عليا انا حكيت معاه بوقاحه وهوا توه يبي يأخذني للمستشغى
فاتن ... هي وين سرحتي اكراعك جوها مش تمام خللي عيساوي ياخذك للمستشفى
لمياء ... تبي خوتي يقتلوني كيف نمشي معاه
عيساوي .. به رني عليهم ايجو ياخذوك الطيحه جاتك واعره فتون جيبيلها ثلج اتحطه على اكراعها ولبسيها عبايه ووشاح مليت وانا وجهي على الساس
فاتن ... هيا هاكي البسي عبايتك والبسي وشاحك وخللي عيساوي ايشوف اكراعك عبال ما انا جبت ثلج
عيساوي ... انا هنركب فوق اشويه وانجي
لمياء لبست عبايتها وعيساوي جاب صندوق في بخاخ بنج ولفه للرجل عشان لمياء
عيساوي ... احم احم ننزل والا تتدردحي مره اخره على الدروج
لمياء ... تعال
عيساوي ...تفضلي هذا بخاخ بنج خليني انبخلك منه على اكراعك وبعدها انديرلك عليها ارباط هذا
خيكم هايم في البنت وكان ايلف في اكراعها وينقنها عجبتني
لمياء ... شكرااااااا واسفه لاني حكيت معاك بقلة ذوق
انا ... لالا العفو ولو هذا واجبي طحتي بسببي ومش مشكله حتى انا هازيت عليك اول ما طحتي
فاتن ... ها شن جو اكراعك هذا الثلج جبته
انا ... صباح الخير يا ودي تي لو تسعفي مريض ايقرر الموت ولا ايراجيك
فاتن ... خزي عليك عيساوي
لمياء ... فاتن تعالي ساعديني بنخش جوه
خششت فاتن لمياء وانا عديت للعمل وكنت كيف الهبل كل اشويه نسرح ونذكر كيف طاحت لمياء ونقعد نضحك
كمال ... احم احم عقلك وين
انا ... قاعد يا راجل
كمال ... شن في انشاء الله ديما شكلك مبسوط
انا حكيتله على كل شيء صار في طيحت لمياء
كمال .... هههههههههههههههه عليك إحراج يا راجل بس انت شن لي وأخذ عقلك
انا ... من الأخير اسألي على البنت هذي كان تمام أشقى بموضوعي
كمال ... تي كيف صار يا طيري كبدت وتبي تخطب
انا ... تي لا كبدت ولا نبي نخطب
كمال ... باهي ليش تسأل
انا ... تي يا راجل مجرد إعجاب ونبي نحكي معاها لو تريحنا مع بعض ننوى الحلال
كمال ... والله يا عيساوي توكل على الله البنت هلها محترمين وناس معروفه
انا ... خلاص شوفلي فاتن خليها تحكيلها
كمال ... صبي هيا انروحو
انا ... تي مزال بدري انروحو وين
كمال ... تي صبي يا احمار خلينا انطقو في لمياء وتحكي معاها وجه لوجه خير
انا ... تي انتخزرط يا راجل نقدرش نحكي 😳😳😳😳😳
كمال ... تي والله تي اطلع قدامي خير ما انرصك طريحه توه
طلعت انا وكمال ولما وصلنا لللحوش كمال حكى لفاتن وفاتن حكت للمياء ولمياء وافقت تحكي معايا
انا كنت امقمعز في المربوعه والباب دق
انا ... خش يا كمال
لمياء ... انا لمياء مش كمال
انا ... اها آسف نحسابك كمال تفضلي وانا آسف كان ضايقتك امبدري
لمياء ...لالا عادي مش مشكله الموقف كان ايضحك فمن حقك تضحك
انا. ... تبي الصراحه
لمياء ... اها
انا ... الموقف يفلق من الضحك 😂😂😂😂😂😂😂😂😂😂😂😂😂😂😂😂😂😂😂😂😂
لمياء ...به خلاص وانت متسدق اتهازي عليه
انا ... اسمعي يا بنت الناس انا معجب بيك وخاطري انتعرف عليك أكثر
لمياء .. وأنا انتشرف بمعرفتك
انا ... على راسي يابنت الأصول سجلي رقمك عندي ونحكو عادي
لمياء ... اوكي عادي
عطيتها رقمي وهدرزنا اشويه وبعدها روحت وانا خشيت رقدت مفطنت لشيء إلا للكارثه اللي لقيتها ثاني يوم
انا ...😲😲😲😲😲😲😲حي على أمه كيف صار هكي
تحياتي
بنت العصيه
أنت تقرأ
لعيونك يا صاحبي
Teen Fictionصاحب بمعنى الكلمه ايبيع نفسه ولا ايبيع صاحبه يظلم نفسه عشان يفرح صاحبه عمره ما ايكون سبب دمعت صاحبه هذا هو بطل روايتنا ???
