فاتن خشت لدار نومهم لقت كمال راقد على بطنه
فاتن ...كماااال (بكل دلع )
كمال ... امممم
فاتن ... نوووض
كمال. .. نعسان تعالي بيبي ارقدي تلايا ❤❤
فاتن ... لالا مش نعسانه نبيك
كمال ... شن تبي حبيبي
فاتن ... بنهدرز معاك ❤
كمال قمعز وشد فاتن سوره وحضنها وقعد يلعب في شعرها 💑
كمال ... بيبتي 💓💓
فاتن.... اعيونها 💞💞💞💞
كمال ... حبيبي 😚 كنك قالقه ومعندكش نيه ترقدي
فاتن ... مش متعوده على الرقده بدري ديما نقرى في الليل ونقعد سهرانه الليل كله
كمال ... خطرها حبيبي 😻شن تبي اتخشي
فاتن ... كيف شن انخش
كمال ... قصدي شن تبي اتخصصي في الجامعه
فاتن ... حبيبي انت تبي حاجه معينه
كمال. ... اعويناتي اللي ايريحك خشيه 😍😍
فاتن ... شن رأيك طب أو هندسه
كمال ... لالا هندسه لا صعبة بيبي عليك رياضيات الوقت كله حسبه وعد ايوجع رأسك خليها طب
فاتن ...تم اعيوني انخش طب
كمال ... نجيلي دكتورتي نا ❤❤❤
فاتن ... حبيبي نا ❤ ❤ ❤
كمال ...عيساوي روح
فاتن ... اها وعطوه علاج طبيعي وجوه تمام
كمال ... بأهي بنعدي انشوفه اشويه وانجي
فاتن ... تم حبيبي شوف كان يبي يأكل حاجه انديرله حرام اكيده جعان وأهميته راقده
كمال ... الله يرضى عليك
انا كنت نبكي وحالتي حاله هلي وفقدتهم حبيت بنت وكانت من نصيب أعز اصحابي ليش الدنيا ديما اموقفه ضدي ليش الأيام ديما غادره بيه
اشويه وسمعت صوت الباب ايدق
كمال ... عيساوي يا حبها افتح هذا نا
انا مسحت ادموعي وحاولت انكون طبيعي
انا ... هلا عريسنا شن جابك
كمال .. كيف شن جابني جيت انشوفك غلايا بعدين كنهن اعيونك تي شن في كنك تبكي 😲😲😲😲😲
انا ... لالا شيء يدي توجع فيه بس
كمال ... عليه نا يا عيساوي انت كنت تبكي احكي شن في انا خوك وكان مفضفضتليش لمن بتفضفض
انا سمعت كمال كيف يحكي ويدعم فيه حسيت روحي مخنوق ونبي نبكي ينقني ماشديت روحي حضنت كمال وقعدت نبكي
كمال . ... بسم الله كنك عيساوي شن في حبيبي
انا ..مضايق يا كمال مخنوق انا معش متحمل خلاص كل شيء واقف ضدي انا مليت خلاص بنموت انا 😢😢😢😢😢😢😢😢😢😢😢😢😢😢😢😢
كمال ....تي غير كنك يا نصي وسع بالك واحكيلي من امضايقك
انا ...محد ضايقني بس حسني فاقد باتي انا نبي باتي نبيه الله الله ايام ما كان كل ليله ايخش عليه في الدار وكان ايقولي نبي انرقدك انقوله كبرت يا باتي ايقوللي انت طفل ولعند ما تبقى راجل بعيالك وانا اللي نبي انرقدك تي اه ياباتي اه جاا الوقت اللي انا نبي نزوج فيه وانت مش امعايا وأمي اه يا أمي وينك يا نبع الحنان تي نا قاعد وخوالي وعمامي مش عارفين حتى أني حي أو ميت ليش ياربي الله ايربحك يا كمال لولاك انا ميت يا خويا
كمال ... تي كنك هبل تي نا خوك وجنبك وهنقعد ديما ندعم فيك يا راجل انا منتحملش ادموعك حرام عليك اتضرني لما تبكي
انا ... سامحني مش بيدي انتريح لما نبكي وانفضي همي
.
كمال ... فضي حبيبي وابكي
خيكم من كثر البكاء معش حس بشيء إلا وهوا راقد رقدت وانا حاضن كمال رفعني كمال وحطني على سريري وغطاني
كمال عدا لداره لقا فاتن نايضه وكانت اتكلم في بنت عمها لمياء
فاتن ...هلا لمياء شن الجو
لمياء ... تمام حبيبتي انتي شن جوك
فاتن .... حمد الله
لمياء ...من غير منطول عليك بكرا جايه انا وبنات عمك وعمتك بنهدرزو عندك
فاتن ... يا هلا حبيبتي
لمياء ... تمام هيا بأي توه شوفي راجلك
فاتن ... بأي
خش كمال
فاتن .... بيبي كنك مضايق
كمال ... لالا شيء غير نعسان تعالي ارقدي عندي
فاتن ...جيت حياتي قتلك
كمال ... قولي عمري
فاتن ... بكرا جاياتني بنات عمي وعمتي عادي
كمال ... عادي حبيبي واكتبيلي ورقه بللي ناقصك انجيبه لكي
فاتن ... الله ايربحك اجعني ما نفقدك 😍 😍
نهايه البارت تحياتي ❤ بنت العصيه ❤
أنت تقرأ
لعيونك يا صاحبي
Ficção Adolescenteصاحب بمعنى الكلمه ايبيع نفسه ولا ايبيع صاحبه يظلم نفسه عشان يفرح صاحبه عمره ما ايكون سبب دمعت صاحبه هذا هو بطل روايتنا ???
