كمال ... اووووي فاتن وين سارحه
فاتن ... هنا قاعده
انا ... هي عرسانه خشو
فاطمه ... عيساوي اليوم اتعاين على يدك
كمال ... كنها يده
انا ... وسع بالك مافي شيء غير امي امركبه واجد مجرد انتفاخ بسيط فيها توه ايعدي
كمال ... تي يا راجل انت امتى تبي تهتم ابروحك أين انتفاخ بسيط هذا حق يدك كيف منزرق حتى لونها
فاتن ... هذا لأنه مدرش علاج طبيعي عشان هكي انتفخت وفي نفس الوقت اكيد كنت اتحرك فيها واجد
انا ... الله أكبر على دكتورتنا هههههههه ربي يحفظك من ناحية الحركه ينقني كنت انحرك فيها واجد ومن ناحية العلاج الطبيعي كتبلي عليه الدكتور بس مدرتش
كمال .... يا فرحتي بيك وليش مدرتش توه هنعدو للمستشفى هتعاود الصوره وانشيلوها لدكتور يطمن عليها وبعدها انعدوا للعلاج الطبيعي تم
انا ... لالا متمش
كمال ... والله وليش مش برضاك الموضوع هذا غصبن عنك
انا ... به توه انعدي بس معقوله انعدي توه من غير غداء
كمال ... آه اه بطننجي 😂 😂 😂 😂
فاتن ... هههههههه 😂😂صححححه هيا توه انخش انشوف اعميمه وانساعدها في الغداء
انا ... تي تعالي هنا عليه الطلاق ميصير اتخشي الكوجينه
فاتن .... ليش متخافش مش هنكمل الغداء
انا .... هههههههههههه 😂 😂 😂 صححه كان اتديريها بلكي اتصحي اشويه بس انتي عروس وميصحش اتخشي الكوجينه
فاتن ... لالا فكني منه جو الرسميات عادي انا متعوده ونبي انخش كمال قولله حرام اعميمه ابروحها
انا ... اسمعي الكلمه
فاتن ... كمال أمسك هلهبل نبي انخش
كمال ... هلهبل هذا كلامها اوامر وانطبقه انا وانتي تم هذا خوك الكبير وردي بالك اتزعليه
انا ... ووووو فاتن فزت عليك
فاتن ... لالا مفزتش عليه حتى انا اختك الصغيره ولازم متزعلنيش صح والا لا
كمال .. فازت علينا يا عيساااااااااااوي
فاطمه ... تعالو يا اعويناتي الغداء وتى
انا ... تعاركو وحزو انا بنعدي ناكل جيعاااااان
فاتن .. هوا انت ديما جيعان
كمال ... ماعمره شبع
خشينا ونحن انتغدوا
فاتن ... سلم دياتك يا اعميمه الاوكال ايهبل
فاطمه ... نجك يا اعيوني صحه حبيبتي
كمال ... كيف صار اعيوني وحبيبتي رحنى فيها يا عيساوي
فاتن ... وووو حسد وغيره
فاطمه ... كلكم اوليداتي
كمال ... عيساوي يعني ملكشي صوت
انا ... تي ها يا راجل نبي ناكل
فاتن ... صححه بس وين الاوكال كنك امجعك هكي تبيلك تحاليل
انا ... والله يا اوخيتي درت التحاليل كلهن مفيا شيء ومنقدرش نقعد من غير اوكال
كمال ... بنيته هك هوا مستحيل يسمن
كملنا غدانا والعرسان طلعو يدهوروا وانا عديت انا وأمي للمستشفي انشوفو في موضوع العلاج الطبيعي بعد روحنا القينا كمال راقد وفاتن اتراجي فينا في وسط الحوش
انا وأمي ... السلام عليكم
فاتن .. وعليكم السلام
امي .. انا خاشه ندوش اشويه وانجي
انا ... به تمام
فاتن .. شن صار فيها يدك
انا .. تمام عديت وبكرا نبدى في التدليك
فاتن ... به لابأس عليك
انا .. متشوفي بأس فاتن نبي نحكي معاك في موضوع
فاتن ... تفضل
انا ... انا صح حكيت معاك هذك المره وانتي امروحه من المدرسه بس نبيك تنسي الموضوع هذك كله صح انا فعلا حبيتك بس انا انضحي لعيون كمال
فاتن ... للدرجه أتحب كمال لدرجه انك اتضحي بحبك
انا ... اسمعي يا بنت الناس انا قانوني في حياتي حاطله حكمه وهيا
❤لعيونك يا صاحبي ❤
وصاحبي يللي هوا كمال لعيونه انا انضحي بكل شيء حتى روحي ترخصله
فاتن ... ربي يحفظك ينقنك راجل وصاحب بمعنى الكلمه وانا اختك وسدقني هنكون معاك ديما لعند ما اتجيبلي سلفه
انا ... بنت أصول والله حاضر قريبا غير نلقوها بس اللي داعيتلها أمها
فاتن ... اها قصدك اللي داعيه عليها
انا .. لالا تي انا صقع عليك انا العيساوي 😉😉😉
فاتن ... خف يا مغرور
انا ... مغرور اها وهي توه تصبحي على خير
فاتن ... وانت بخير
كان في جناح دارين وحمام ومطبخ هذا اللي سكناته فاتن وكمال
فاتن خشت لقت كمال. ... .....
فاتن
.كماااااال
نهاية البارت انشاء الله غير اتكون القصه عجبتكم
تحياتي لكم ولكل صاحب أيحب صاحبه بضمير
❤بنت العصيه ❤
أنت تقرأ
لعيونك يا صاحبي
Fiksi Remajaصاحب بمعنى الكلمه ايبيع نفسه ولا ايبيع صاحبه يظلم نفسه عشان يفرح صاحبه عمره ما ايكون سبب دمعت صاحبه هذا هو بطل روايتنا ???
