فاطمه .. عيساوي اوليدي حبيبي نوض عندك علاج صبي هيا
انا ... بأهي يا أمي خمس دقائق بس وانوض نعسان 😪😪😪😪😪😪😪
فاطمه .. اتروح أرقد يا عمري توه هيا صحصح عشان اتعدي وقت هيا
انا ... هيا يا أمي نضت صبااااااااااااااااحك انا ❤❤❤❤
فاطمه ... صباحي انت يا اعويناتي 😘😘😘😘
انا ... الفطور واتي
فاطمه ... هيا يا أمي البس عبال ما وتيته 😍😍
انا ... هيا جاي
انا كنت امقمعز على السرير وبلرغم من اني راقد متنكد بس حسيت اني نايض متفائل وحاسس انه الدنيا ضحكتلي
انا ... يارب يسرلي أمري يا الله 😢
فاتن كانت في المطبخ وكانت اموتيا الفطور
فاطمه .... صباح الخير 😘 😘 حبيبتي
فاتن ... صباح الورد اعميمه
فاطمه ... ليش يا أمي تعبتي روحك معقوله احبيبه انتي عروس
فاتن ... لالا تعبك راحه بعدين راني نعرفش نقعد من غير حوسه بذات حوسة المطبخ انحبها نا
فاطمه ... يا اعيوني 😘 😘 بس توه معقوله عروس طالعه وامسيبه عريسها
فإتن ... شن نبي انديرلا هوا أيحب النوم واجد
انا .... هي هي هي انتن يا عيت حوه سيبن خويا في حاله نهاركن اتديرن عليه حزب الكنه وعمتها
فاتن .... اهو البطننجي جا واحد اوكال وواحد نوم واجد
انا ... ههههههههههه هواياتنا هذينا 😂😂😂بعد خطرها صباااااااااااحو
فاتن ...صباحووو شن جو يدك توه
انا ... الحمد لله
فاطمه ... هيا فاتن عدي نوضي كمال وانت عيساوي تعال أفطر
عدت فاتن اتنوض كمال خشت للدار ملقتش على السرير فجأه حد حضن فاتن من ضهرها
فاتن ... كماااال
كمال .... صباحو يا اعيون كمال
فاتن ... فجعتني حبيبي 😘
كمال ... سوري ياروحي
فاتن ... غريبه نضت ابروحك
كمال ... ملقيتكش جنبي نضت 😍😍
فاتن .... كماااال
كمال .. نعلي معش اتناديني هكي انموت انا را
فاتن ... بعيد السو على غلايا 😚
كمال ... نجك ليا نا 😍
فاتن ... هيا بيبي دبشك واتي خش ادوش عشان اتطق في عيساوي قبل ما ايعددي للتدليك
كمال .. هي حبيبي ناض هو
فاتن ... اها ناض وقاعد يفطر
كمال ...هي عدي قوليلي ايراجيني انا نبي ناخذه مش اكويسه عليه ايسوق سياره خللي يده اتصح وانتي اكتبيلي الحاجات اللي نقصاتك انجيبهن بلمره
فاتن .... اوكي عمري 😻😻😻😻😻
طلعت فاتن وجتنى ونحن نفطرو
فاتن ....عيساوي قللك كمال راجيني وانبدل وانجيك انا ماشي معاك
انا ... بأهي تمام
فاتن ... اعميمه اليوم جياتني بنات عمي وعمتي عادي
فاطمه ... اكيد عادي يا اعيوني 😘 مرحبتين بيهن الحوش حوشك هذا يا قلبي 💕 ليش تستأذني
فاتن ... نجك ليا 😍 ربي يخليك لنا يا اعميمه
كمال. ..... صباح الخير 😘
انا ...صباح اللوز
فاطمه. .. صباح الورد
كمال ... عيساوي يا كبدي أفطر ابسرعه وقت عليك
انا ... انا فطرت انت أفطر
كمال . هي انا هناخذ قهوه بس
انا .... معناها هيا وخوذلي معاك قهوه
طلعنا وركبنا السياره وكنه في هدوء تام كمال كسر الهدوء في نص الطريق
كمال ... عيساوي يا حبها 😘
انا ... أنعم يا غالي عليه 😍
كمال ... شن مزال مضايق
انا ... لالا الجو تمام
كمال ... ثارياك حاس بلوحده
انا ....لالا والله انت امعبي مكان واجد في حياتي بس حسني امرايف عليهم معش نقدره افراقهم
كمال ... عارف يا حبيبي راني حتى نا امفارق باتي وعندي اخت حتى في عرسي متعبتش روحها ورنت عليه باركتلي اول ما اجوزت وسافرت رفعت خشمها علينا وكأنه أعدائها وانا اللي سيبت اقرايتي وقعد نشتغل عشانها بس ربك كريم 😧 😧 😧 هونها اتهون
انا .... وانت قلتها ربك كريم 😧
نهاية البارت انشاء الله غير حبيتوه وشن رأيكم فيه
سلام
❤ بنت العصيه ❤
أنت تقرأ
لعيونك يا صاحبي
أدب المراهقينصاحب بمعنى الكلمه ايبيع نفسه ولا ايبيع صاحبه يظلم نفسه عشان يفرح صاحبه عمره ما ايكون سبب دمعت صاحبه هذا هو بطل روايتنا ???
