7/23/14
Wala naman yatang nagbabasa nito na batchmate ko diba? Kung meron man, aba'y walang kopyahan! HAHAHA Pacritic po. Project lang. Rap pa kase gusto nila eh. Rap pa mooooore. HAHAHA SALAMAT! :)
[First try]
Noong panahon pa ng Lola ko
Sarap ng hangin, napakapresko
Pwede pang mamingwit, mangisda
Sa tuwing sila'y binabaha
Bawat kanto may halamanan
Napakaganda dati ng kapaligiran
Ngunit ano ng nangyari ngayon
Bakit tila tayo'y baong-baon
Sa mga usok at kalat na naipon, nalanghap
Hindi na natin naranasan ang sarap
Maibabalik pa kaya nawalang mga yaman
Kung lahat na lang tao ay gusto na lang yumaman
Tingin sa kanan, sa kaliwa
Puro basura ating makikita
Polusyon sa tubig, sa hangin na gawa ng mga walanghiya
Hindi ba natin naiisip na lahat ay may kabayaran
Babalik din sa atin nagawa nating katarantaduhan
[Second try]
Makakain ba natin ang pera kung mga halama'y wala na
Maitatanim ba ito at siyang magbubunga
Ng mga pagkai't prutas na ating kinakailangan
Para mabuhay dito sa mundong kinagisnan
Di man lang ba sumasagi sa isip ng tao
Kung walang mga halaman, malamang gutom na gutom tayo
Malalanghap ba natin ang pera kung mga puno'y wala na
Upang magbigay ng hangin na kailangan ng baga
Malilinis ba nito ang polusyon sa hangin
Na ang mga dahon lamang ang kayang gawin
'Di man lang ba sumasagi sa isip ng tao
Kung walang mga puno, malamang patay na tayo
Mas nais pang magpayaman, magparami ng pera
Kaysa maglinis, magtanim, magdilig ng narra
Puro building, imprastraktura ang ginagawa
Kaysa ingatan ang mga kagubatang ang Diyos ang lumikha
Di ba tayo natatakot sa maaaring kabayaran
Sa mga pinaggagagawa natin kay Inang Kalikasan
[Third try]
Mga puno't halaman sa mga kapatagan
Pinuputol sinusunog para lang tayuan
Ng mga subdibisyon na pwedeng tirahan
Unti-unti nang nauubos mga magagandang tanawin
Dahil lang sa mga taong gustong yumaman kaysa lumanghap ng hangin
[Fourth try]
Rumaragasang malinis na tubig sa mga ilog noon
Pwede pang inuman at paliguan ng mga taga-doon
Tila walang dumi walang makukuhang sakit
Marami pang nangingisda't marami ang nabibingwit
Pero ano na itsura ngayon ng mga ito
Tambak na ng basura't hindi matiis ang baho
Sabi nila'y unti-unti nang nawawala mga yaman sa tubig
Kagagawan ng mga taong ang kapaligira'y hindi inibig
Napakaberde pa noon ng mga kapataga't kagubatan
Lasap na lasap ang sariwang hangin habang dumadaan
Pitas dito, pitas doon ng mga prutas
Panay ang tambay sa ilalim ng puno ng lechiyas
Ngunit ano nang nangyari ngayon sa mga lupa sa basura ay baon
Konting ulan lang ay binabaha sa siyudad hangin ay nakakasura
Sabi nila'y unti-unti nang namamayani ang polusyon
Kagagawan ng mga taong tapon dito tapon doon
Ramdam na ramdam natin ang mga kabayaran
Ng mga ginawa nating kamalian sa kalikasan
Baha, pagguho ng lupa sa ating mga kalupaan
Mga sakit na lumalaganap dahil sa hanging may karumihan
Inatasan tayong alagaan at paramihin mga ito
Hindi sirain at ubusin ang mga nilikha ng Panginoon
Choose the best? :)
YOU ARE READING
Line by Line
Thơ caThey say poems reflect what the author feels. I say it depends on what the author thinks it feels. Mga tulang walang kakwenta-kwenta. Salamat kung napagtiyagaan niyong mabasa.