الصعود للأسفل

الوصف

في أحد أحياء الدولة ، حي غير عن كل الأحياء حي تجولت فيه وعشت فيه ودخلت في كل بيت فيه وعرفت كل قصة تسكنه ،حي يتكون من خمس بيوت
كل بيت ماله اي علاقة بالبيت الي حذاله لا صلة دم ولا صلة صداقة ولا حتى يعرفون حقوق الجار، كل بيت يسكنه أشخاص وكل بيت فيه حكايه بس كل حكايه تختلف من بيت لبيت يشتركون في الحي يشتركون في الجنس البشري بس يختلفون بقصص كل بيت منهم .

أول بيت بيت مهجور كل إلي أعرفه عنه أنه بيت بوسالم من فيه ماحد يعرف ؟ من يسكنه بعد ما أعرف ؟ شو وصفه بيت كبير أوراق الشير الصفر تغطي كل البيت . البيت الثاني ساكن فيه شيبه وولد في بداية العشرين من فترة لثانيه اشوف سايير عند بيتهم وناس داخلين وطالعين لكن هالبيت شو علاقة سكانه ببعضهم ما أعرف ؟ الشيبه كان يقول أن كان عنده ولد ومات بس من هالشاب وليش ساكن وياه وشو سالفتهم يمكن تعرفون بعدين ؟

وبيتين أشبه أنهم بيت واحد، بيتين بحوطة وحدة اكتشفت بعدين أن لأخوان واحد اسمه بوخالد والثاني بوعبدالله أخيراَ في صلة قرابه في هالحي أما البيت الأخير لشخص يسمونه هزاع ساكن مع حرمته وولده ما جد شفتهم يطلعون مع بعض كيف ما كنت أعرف ؟ على فكرة الكلام على لساني يمكن يكون غامض بس أنا مجرد راوي ..أوصف الي أشوفه واسمعه ؟

البيت الاول ::مهجور

البيت الثاني :بوخالد ،أم خالد ،خالد ، راشد، عواش

البيت الثالث:بوعبدالرحمن، عبدالرحمن ،حصة، شما

البيت الرابع: الشيبه (بوناصر) ،الشاب (سلطان)

البيت الخامس:هزاع ،فطيم ، ولدهم (سالم)