أدم : انتي تاني ! ماتلمي نفسك بقي انت جايه ورايا هنا كمان
ملاك : ايه جايه وراك دي انت انسان قليل الادب
ادم : بت انتي انا ماتعودتش امد ايدي علي واحده ست ولحد دلوقتي محترم نفسي ومش عايز اغلط فبكي اتكلي علي الله من هنا بقي
ملاك : لا والله وريني هتعمل ايه كده
قام ادم بوضع نظارته الشمسيه علي عينه و نظر لها من اعلي لاسفل ثم تركها تتحدث وخرج
تسمرت ملاك في مكانها واستشاتط غضبا من فعلته واخذت تركل بقدميها في الارض غضبا
ملاك: انسان وقح
دخلت الي المجله واعطت الملف لقسم الطباعه وصعدت الي مقر المجله
واتجهت الي مكتب اختها تقي
تقي : ها خدتي علي الجو ولا لسه
ملاك :يعني بس تمام حبيت المكان
لمحها حسام
حسام: وديتي الملف
ملاك : ايوه سلمتو لأستاذه رحاب
تمام اجهزي بقي عشان في اجتماع بعد شوبه للموظفين كلهم مع استاذ كريم وانتي ياتقي
تقي : تمام انا جاهزه
ملاك : من اولها كده اجتماع
خرج كريم من مكتبه ونادي جميع الموظفين
كريم : يلا يا شباب علي الاجتماع
ذهب الجميع الي غرفه الاجتماعات
كريم : طبعا المفروض كان يكون ادم موجود بس هو النهارده مش في المود خالص وانا اللي هاخد اقتراحتكم
طبعا انتو عارفين ان الشهر خلاص واحنا عدد مجلتنا بينزل كل اول شهر
اتفضلو عايز اقتراحتكم للعدد الجديد
بدا الكل يعرض فكرته ولكن كان الجميع تقليدي
كريم : انا مش شايف ان في اي فكره جديده كل ده اتعمل قبل كده حد عنده راي تاني
كانت ملاك تستمع ولكن كانت خائفه ان تبدي رأيها ومتوتره بالطبع اول تجربه واول يوم لها بالعمل
لفتت نظر كريم بالطبع يعرف جميع الموظفين إلا هي
كريم : انتي مين
تقي : دي ملاك اختي وابتدت النهارده الشغل شهر تحت التدريب
كريم : اه طيب يعتبر موظفه معانا في المجله برضو اتفضلي قولي اقتراح لو عندك
ملاك : انا كنت بفكر ان العدد ده ينزل للام وبنتها الصغيره يعني نعمل نفس ستايل الفستان كبير وصغير وتكون الموديل اللي هتتصور مشاهير عندهم بنات صغيره اكيد ده هبدعم الفكره اكتر و هيرفع من الارادات كمان
كريم : برافو عليكي ياملاك فكره حلوه فعلا خلاص ياشباب هنشتغل علي ده وعايز اشوف التصاميم بعد بكره اتفضلو علي شغلكو
