مراح اخلي صورة بس راح اوصفلكم شكلي وانتو تخيلو
اسمي .....
رانيا عمري 16 سنة بيضة ثلج عيوني سود شعري اسود طويل واصل لفخذي ..... عندي خدود كبار وحلوة وعندي غمازات واضحات كلش يعني بدون ما اضحك هي مبينة ....... رشيقة جسمي مرتب كأنثى عيوني كبار ومكحلة من الله و رموشي ثخان وطوال ....... ابوي مات قبل لا اولد بشهرين وأمي ماتت وهي تولدني يعني ضليت يتيمة وما عندي إخوان اني الوحيدة عايشة وية بيبيتي ام ابوي ويانة بنت عمي قمر وبنت عمتي ملك طبعا اني اعتبرهن خواتي مو بنات عمي هن نفس عمري ونفس المدرسة طبعا اني عندي عم واحد الي هو ابو قمر اسمة سالم وعندة مهند ابنة عمرة 19 سنة أخو قمر يدرس كلية صيدلة
...... و مريم اخت قمر الصغيرة عمرهة 4 سنوات ....... وعندي عمتين اسراء وسناء طبعا ملك بنت عمة سناء وعدهة سيف عمرة 20 سنة كلية قانون وهو أخو ملك و اختهم رند الجبيرة ومزوجة عمرهة 29 سنة عدهة بنوتة حلوة اسمهة مي عمرهة سنتين ..... اما عمة اسراء فماعدهة بنات وعدهة ثلاث ولد اكبرهم مصطفى عمرة 26 يشتغل بمحل والثاني اسمة محمد عمرة 18 والثالت اسمة حيدر عمرة 16 طبعا كلهم عايشين باربيل بس اني وبيبي وملك وقمر من هن اصغار احنة سوة يم بيبي عايشين وهم كل فترة يزورونة بغداد بس ابن عمة اسراء محمد عايش ببغداد يم عمامة طبعا هو يحبني واعترفلي اكثر من مرة وحاول وياي بس ما كو فايدة اني اموت منو اكرهة ........ اما بيت خوالي فاني لا اعرفهم ولا يعرفوني ولا شايفيني ولا شايفتهم ولا اريد اشوفهم ....... بيبي مريضة وخطوة تمشي ونضرهة ضعيف حيل جانت غرفتهة جوة واني وملك وقمر بالطابق الثاني كل وحدة غرفة وحده لأن البيت كلش جبير تلاث طوابق كل طابق بي اربع غرف بس الجوة بي غرفة بيبي وصالة ومطبخ وهول وبكل طابق حمامين و برة حديقة جبيرة كلهة ورد ومرجوحة وكراج جبير بس احنة ماعدنة سيارة ههههه لمن يجون عمامي ينترس الكراج ههههه المهم ارجع على نفسي شخصيتي كلش قوية ما اضعف أبد كدام احد ولا ابجي الي يضوجني بكلمة اردهة بعشرة حتى اذا اكبر مني يمية سنة ويسموني ام السان ..... طبعا اني محد علمني الحرام والعيب لأن بيبيتي جبيرة و مريضة كوة تحجي فمن وصلت المتوسطة شفت البنات وتصرفاتهن ويتواعدن وية ولد ويخابرن ويفشرن اتأثرت بيهم كلش اني وملك وقمر صرنة نخابر ولد ونطلع وية ولد طبعا احنة سافرات ولبسنة يخلي الولد يركضون ورانة صحيح جنة نحجي وية ولد بس كلة جذب اكلة احبك وكذا وهو يصدك بس اني ما احبة حاولت هواي احب واحد بس ماكو واني ناوية ما اتزوج إلا عن حب لهكذا حاولت احب بس مد اكدر احب من كل كلبي
طبعا اني وقمر منحب بس ملك تحب واحد تعرفت علية من السناب ( طبعا احنة ننشر صورنة على السناب والفيس والانستا وكذا ) اسمة امير عمرة 21 كلية طب عام وهو كلش حلو عيونة صفر و اشكر وابيض وعضلات جسمة يخبل تستاهل ملوكة ..... وعندي صديقة مقربة كلش حتى تبات يمنة مرات اسمهة سمر اني وياهة وملك و قمر شلة المخابيل فديتنة طبعا هي نفس تصرفاتنة ههههه
ملك ....
عمري 16 سنة بيضة عيوني عسليات وشعري كستنائي طويل لخصري رشيقة عايشة وبيبي و رنو بنت خالو زيد و قمر بنت خالو سالم احب واحد بكلية الطب اسمة امير اكيد رنوش حجتلكم عنة المهم هو يخبل ويموت علية يكول بس اخلص كلية اخطبج هو هسة مرحلة ثالثة
قمر ......
عمري 16 سنة بيض عيوني سود وشعري بني طويل الفخذي بس مو اطول من شعر رنوش رشيقة وحلوة نفس محجت رنو ما اريد اعيد نفس الحجي ههههه
سمر..........
عمري 16 حنطاوية عيوني خضر وشعري كستنائي طويل جوة خصري رشيقة و حلوة ما احب ولد بس احجي هواي وية اكثر من واحد عندي اخ واحد اسمة عباس عمرة 27 سنة يشتغل بشركة وأخت وحدة اسمة ريم عمرهة 31 سنة متزوجة وعدهة اثنين ولد نمر عمرة 5 و حسين عمرة 3 وعدهة أزل عمرهة 3 طبعا هي التوم مال حسوني .... بيتنة قريب من بيت رنوش ودائما امرلهة و تمرلي هي والبنات ونضل سوالف هههههه فديت شلتي طبعا اهلي ميدرون بسوالفي لأن اذا يدرون يطيحون حضي بس محد يدخل ويكلي ويامن تحجين او يأخذ فوني
.
.
.
.
.
هلو شباب بنات القصة جريئة فاتمنة الي ميحب قصص جريئة ميقراهة ولا يحجي علية لأن اني نبهتكم
اتمنى تعجبكم القصة اريد دعم حتى انزل البارت الاول حبايبي
