هلو حبايب
اتمنى يعجبكم البارت
بليز دعم و دوسو على النجمة الجوة فوديتكم حبايب گلبي
.
.
.
.
.
نبض گلبي
البارت (15)
الولد : رانيا روحي غيري ملابسج بسرعة
رانيا ( باستهزاء ) : و ليش بلة اغيرهة
الولد : لان لبسج ممستور و احنة ما عدنة بنية تطلع بدون عباية و انتي هيج لابسة
رانيا ( بدلع ): و الله اني ممضطرة اغير ستايلي علمود كم
الولد الثاني : يمعودة مو تجيبينة الحجي
رانيا : و الله هذا لبسي عجبكم عجبكم معجبكم ترة اني ما اريد اصلا اروح وياكم
قمر : لتحاولون ترة رانيا متسمع لاحد
الولد : يلة صعدو بالسيارة
صعدنة بالسيارة اني و البنات ورة و همة ليكدام
رانيا : صدك معرفتونة على روحكم
الولد : اني ادم ابن خالج و هذا ثائر اخوي
رانيا : همم تشرفت
ثائر : احنة اكثر بس ممكن اعرف البنات
رانيا : يي اكيد هاي قمر بنت عمي و ملوك بنت عمتي و احنة نفس المرحلة و عايشين سوة هنا
قمر : صدوك انتو شكد عمركم
ادم : اني عمري 24 سنه مخلص كلية هندسة
ثائر : اني عمري 19 سنه بس ماجل سنة يعني هسة بالسادس و بعدهة امتحاناتي مبادية
رانيا : هممم زين اكدر اعرف شكد عندي خوال
ادم : اي اكيد عندج ثنين خوال و تلاث خالات
رانيا : و امي شنو ترتيبهة بيهم
ادم : امج اصغرهم
ثائر : ملوك مسمعنة صوتج
قمر : لا ملك خجولة
ملك : ههههه نجبي قمور و تشرفت بمعرفتكم
ادم : الشرف النا
ضلينة نسولف الى ان وصلنة بس الطريق حيل طويل تعبت من السيارة ..... وصلنة طبك السيارة يم بيت جبير أو قصر جبير نزلنة و ادم قفل السيارة و اجو ويانة دكو الجرس جان يفتح الباب رجال جبير بالعمر و لابس دشداشة بيضة و عكال باوعلي من فوك ليجوة و مبين عصبي ابد محبيتة
الرجال : ادم منو ذن
ادم : عمي هاي رانيا و ذن كرايبهة
رانيا ( بدلع ) : يعني انت خالو بس تدري متشبه ماما
ثائر : رنو هذا اكبر واحد بخوالج خالج يوسف
رانيا ( باستهزاء ) : اهااا هو مبين اكبر واحد بخوالي
ادم (بارتباك): يلة طبن جوة بساع
دخلنة جوة شفت مثل الهول مفتوح على المطبخ بي كومة ناس كاعدين نسوان و رياجيل و شباب و جهال بس شافونة دخلنة كلهة سكتت و صفنت علينة خوب الشباب فاتحين حلكهم اني عرفت سبب التفاجئ مالتهم غمزت لقمر و ملك و كلت
رانيا : هلو
قمر : هااي
ملك : مرحبة
الجد : و عليكم السلام و رحمة الله و بركاته
رانيا ( بدلع ) : اوووي شنو هلرسميات قابل احنة غربة عادي اخذو راحتكم اعتبروني بنت اختكم
الجد (بعصبية ) : ادم منو ذن
ادم : و الله يا جدي هاي. رانيا و ذن كرايبه
الجد : رانيا جدو روحي رتاحي و بعدين تعالي عندي موضوع احجي وياج
رانيا : تمام جدو
الجد : امينة اخذي البنات للحجرة
امينة : صار يابة يلة تعالن وراي
رحنة وراهة ودتنة لغرفة دخلت و سدت الباب
امينة : انتي بنت المرحومة
رانيا : يس
شبكتني و ضلت تبجي و تكلي بيج ريحة المرحومة اني هم حضنتهة بس اضحك ما ابجي يعني على شنو ابجي و اني مشايفة لا امي و ابوي صحيح هو شي يقهر انو تولد يتيم الام و الاب بس اني بيبي عوضتني عن حنان الام و الاب أما ملوك و قمور فهن اخواتي المجابتهم امي
امينة : يلة يوم نامولكم فد ساعة و اني اكعدكم
رانيا : اوك
طلعت هية احنة طفينة الضوة و نمنة هية جانت غرفة جبيرة كلش و بيهة جرباية ام النفرين نمنة عليهة اني و البنات راسا نمت لان صدك الطريق طويل يعتي من ساعة 9 طلعنة و وصلنة 8 المغرب كعدت على حس خالة امينة تكعد بية
امينة : يلة يوم رنوش ساعة 10 كومي جدج يريدج
رانيا : اوك كايمة
كمت على حيلي شفت البنات بعدهن نايمات كلت خل اروح اشوف جدو شيريد و بعدين ارجع اكعدهم لبست هاي
