هلوو حبايب كلبي
شلونكم ؟
اسفة على التأخير بس الدعم و التفاعل كلش ضعيف و اني هاي اول قصة الي
بليززز تفاعلو و حطو نجمة فوديتكم
.
.
.
.
.
.
.
نبض گلبي
البارت (14)
مرت الايام و صار الجو ثلج و سمر و محمد مثل الكتاكيت واحد يحب الثاني و سمر كامت دائما تجي تبات يمنة و محمد نفس الحالة همة يكولون مشتاقيلكم بس جذابين اصلا يرحون يكعدون بالصالة وحدهم و يسولفون و اذا نروح يمهم يطردنة محمد و احنة نعوفهم على راحتهم و مرات اتنسط عليهم اسمعة يكلهة احبج و هية تكلة اموت عليك وكذا هههههه اما الشباب فبالصدف انشوفهم و منهتملهم و همة نفس الحالة بس احس قمر بعدهة تحب امير بس تكابر صارت امتحانات نص السنة و ملك طلعت معدل 99 و قمر 97 و سمر 80 و اني 57 ..... ما شاء الله كلهم شطار بس اني مصخمة و ملطمة عرفت الشباب محد مناجح اربعتهم اكمال اما محمد فطلع معدل 95 هو شاطر و ذكي دائما يقري بس سمر الحيوان اكلة قريني ميقبل بدة النص الثاني و الجو كام شوي شوي يزيد حرارتة الى ان صارت امتحانات نهاية السنة و الجو يشوي شوي كمنة اربعتنة نقرة سوة و محمد مشفنا لان بكلورية و كاعد يقرة و اصلا محد من عدنة خابرتة و هوة غالق تلفونة احنة هم التهينة بالدراسة و سمر ضلت يمنة بدت امتحاناتنة و الجو يسمط و اني كلساع اأشر لقمر تردلي الحل و هية ترد و تدزلي اوراق و محد ينتبه إلى اخر يوم بالمتحانات جان عندنة احياء و صعب و الاسالة جتي تشوي بس البنات يكولن سهلة بس اني اكول صعبة رجعنة للبيت و سمر راحت لبيتهم
رانيا : يااااااي و اخيرا العطله
ملك : بيبي شبيج شبيهة عيونج حمر شنو جنتي تبجين
قمر : شنو بيبي شصاير
رانيا : بيبي احجي شكو
الجدة : رانيا بيبي اليوم اجة خالج
رانيا ( بعصبية) : و انتي طردتي مو
الجدة : كال. نريد نشوف حفيدتنة اسبوع و نرجعهة و اني خايفة ترحين و تحبين الوضع هناك و بعد مترجعين و اني اموت بدونج
رانيا : بيبي اصلا ما اريد اروح لتخافين راح اضل هنا يمج
الجدة : لا بيبي كالو تصير عشاير لان همة بس يردون يشوفوج
رانيا : و وين جانو قبل هسة يلة تذكرو عدهم حفيدة
الجدة : رنوش باعي باجر يجون ياخذوج من الصبح و همة عايشين بالبصرة و ناس عشاير حضري روحج لباجر
رانيا : اوك اروح بس بشرط اخذ ملك و قمر و سمر و ياي
الجدة : بكيفج يا بعد گلبي
رانيا : بنات تعالن وراي فوك
صعدت غرفتي و دخلن البنات كعدن على الجرباية
رانيا : بنات راح تجون وياي و اني عندي فكرة كلت نسويهة اني وياكم
قمر : فكرة لو قصدج مصيبة ؟
ملك : احجي بلة
رانيا : بما انو همة ناس عشائر فاكيد عدهم اهم شي العادات و التقاليد فكلت شوي نحرك دمهم بملابسنة شنو رايكم
قمر : حبي بلة متكولين اني مراح اغير لبسي علمودهم
ملك : و الله خوش فكرة
رانيا : فديتكم ضلعاتي روحو حضرو ملابسكم و اني اخابر سمر
راحن البنات و اني خابرت سمر راسن ردت
سمر : الو رانيا شبسرعة شتاقيتيلي
رانيا : اكلي نعل اني اشتاقلج ؟ بس ردت اكلج و حجيتلهة كلشي
سمر : اي و الله يا ريت لان ضايجة بس اسال اهلي و اردلج جواب
رانيا : اوك انتضرج
سديت التلفون و رحت سبحت و لبست تراك قصير طلعت شفت سمر دازة رسالة فتحتها كاتبة « اسفة رانيا بس اخوي ميقبل ما اكدر اجي »
راسا كمت لبست هاي
