رانيا
دخلنة للمدرسة بنات دورنة على الصف ودخلنة كعدت اني وسمر برحلة و ملوك قمر بالرحلة الكدامنة والي هيية الرحلة الثالثة واني الرابعة ........ بدت الدروس واحنة كاضيهة سوالف و ضحك ...... بالدرس الثاني
قمر : بربجن بنات شوفو المدرسة شلابسة
البنات : ههههههه
رانيا : اي عزة هوة هذا هم لبس هههههه
المدرسة : تعاي ماما ليش تضحكين ها
رانيا : هه لا ست اتذكرت شي يضحك
المدرسة : وشنو هذا الشي ضحكينة وياج
رانيا : ههههه لا ههه ست است ههه حي
المدرسة :شسمج ماما حتى اخلي اسمج وية الوكحات
رانيا : اسمي رانيا زيد
خلص الدرس الثاني وفرصة الله
سمر : وفشلة الفشلات
ملك : خوش رزالة رنوش
قمر : سجلو اسمج وية الوكحات ههههه
رانيا : أكلي خرة انتي كلة من وراج
البنات : هههههههه
ضلينة نتشاقة ونضحك ... طبعا بما انو مدرستنة يم مدرسة الولد فالولد يتشلبهون الحائط ويكفون فوكا بس مينزلون
سمر : شوفو هذاك حسن و الشلة مالتة فوك الحايط
قمر : اكول شبيهة البنات ملتمة هناك
رانيا : يمعوددة الي يسمعج يكول شايفة ملك جمال العالم هو جنة قندرة
ملك : ههههههه لا والله حلوين
سمر : هاي بت خالج لو مخبلة لو مخبلة وحدة من الاثنين
رانيا : اكلن خرة
قمر : امشو دك الجرس
البنات : يلة
علي : لك حسن عجبني ذن البنات شتنتضر يمعود روح جيبلي رقمهن
حسن : اصبر علاوي شبيك هسة اجيب ارقامهن كلهن واوزعهة عليكم
امير : هههههههه بس استعجل حسون
حسين : اي يمعود بسرعة
حسن : يلة امشو دك الجرس قبل لا نترزل
الشباب : يلة
رانيا
دخلت للصف ونفس الحالة كلشي مفتهمت بس سوالف وخلص الدوام
سمر : يلة بنات امشو للبيت
قمر : يلة
رانيا
طلعنة وازدحام كومة طلاب ولد وبنات
ملك : شوفن بنات شلة حسن
رانيا : شخبصتونة كلساع حسن حسن هم ياريت حلو (هو اني اجذب على روحي هو يخبل )
قمر : ترة حلو شبيج
سمر : رنوش آسفة على الصراحة بس ذوقج صاير زبالة
رانيا : اكلي نعل وين توصلن لذوقي
امير : لك حسن يلة طلعو من المدرسة
علي : لك ضلع شتنتضر امشي
حسن : امري لله يلة امشي
الشباب : يلة
قمر : اجو اجو
سمر : عزة جوي علينة
ملك : عزة اي والله
رانيا : استغفر آلله ربي و اتوب اليه
حسن : السلام عليكم
سمر : هلو
قمر : هاي
ملك : مرحبة
رانيا ( شكد لوكيات هسة يكولون مصدكن سلمنة عليهن ) : وعليكم السلام
علي : صدقة لله
امير : حلوات نريد نتعرف ممكن
قمر : اي ممكن ليش لا
رانيا : قمر شنو هاي السخافة
ملك : اس رنوش عوفيهة براحتهة
حسن : رنوش عوفيهة هههه
رانيا : شكد سخيف
امير : ممكن الرقم
قمر : اي عادي
امير : هاج هذا رقمي ولمن ترجعين خابريني
قمر : اوك
رانيا : يلة اذا خلصتو خلي نروح
البنات : اوك باي
الشباب : بايات
علي : لك صدناهن
حسن : هههههه اي بس رنوش مبينة صعبة
حسين : امير بس تخابرك دزلنة الرقم
امير : مو تدلل اوزعة عليكم
رانيا : بنات شنو هاي اللطلطة
ملك : شبيج رانيا شنو اول مرة مو انتي دائما تاخذين ارقام لو بس قمر
رانيا : أوي شعلية بس هذول مبينين مو راحة
قمر : يلة يمعودة قابل حكلة تعال اخطبني هه
سمر : يلة بنات اني وصلت للبيت العصر امرلجن اخذ ملابسي لان عفتهة
البنات : اوك باي
رانيا
وصلنة للبيت دخلت
ملك : هلو بيبي احنة رجعنة
ااجدة : هلة بنياتي هلة شلونجن بالدوام
قمر : الحمدلله
ملك : بيبي شربتي الدوة
الجدة : اي شربت بس خلص الباكيت
رانيا : بيبي هسة اني اجيبلج الدوة بس خل اتغدة
الجدة : يلة روحو بدلو وتعالو حصبلكم
قمر
صعد سبحت وبدلت ونزلت تغديت وية البنات اول مخلصت ركض لغرفتي فتحت الفون ودكيت على الصاگ جاوب
امير : الو
قمر : الو اني قمر الي انطيتني الرقم قبل شوي
امير : هلة شونج قمورة
قمر : تمام بس معرفت شسمك
امير : اسمي امير
قمر : عاشت الاسامي
امير : اكلج قمور شنو رأيج نسوي كروب احنة الشباب وانتن اربعتجن بس
قمر : ام ما ادري عادي بس عوف رنوش
امير : ليش
قمر : هسة تسويلي مشكلة بلا شي هي مطايقتكم
امير : هههه ليش مطايقتنة
قمر : ما ادري بس من رجعنة لهسة تحجي عليكم
امير : يمعودة بقيهة علية متسوي مشكلة واذا متريد تطلع من الكروب مو مشكلة .... دزيتلج الرابط مال كروب
قمر : اها اوك بعدين اخابرك لأن بيبي تصيحني باي
امير : بآيات
امير
جنت كاعد يم اصدقائي بالگهوة ودك الفون شفت رقم غريب عرفت هي رأسا اصدقائي كمزو لأن دينتضروهة تخابر كالوو منو كتلهم رقم غريب كالو اكيد هي شيلة وافتح سبيكر حتى نسمع وكللهة على كروب ضليت احجي وياهة وأصدقائي ياشرولي لحد مكالت بيبي تصيحلي
حسن : يعني طلعت صدك صعبة هل رنوش
علي : مبين عجبتك ضلع
حسين : ليش متعجبة غير تخبل هل رنوش
امير : اني حاجزهن اربعتهن
علي : خاب اكل خرة كال حاجزهن كال
امير : لعد مجان انطيتهة رقمك
حسن : اموري نتشارك بيهن لجنة اصدقاء
رانيا
رجعت للبيت تغديت وطبيت سبحت مشطت شعري وسويتة ذيل حصان عالي ولبست جينز ازرق وتيشيرت أبيض قصير ونص ردن و خليت ميك أب خفيف ورحت للصيدلية طبعا ابو الصيدلية صديقي يعني دائما اخابرة ويخابرني وكذا اسمة أثير
أثير : هلة رنوش
رانيا : هلة بيك اثير
اثير : شونج هالايام ما كو
رانيا : تمام بس تعرف اليوم دوام وبدة الملل والكعدة من الصبح
أثير : شدي حيلج حتى تصيرين صيدلانية و الدومين وياي
رانيا : ههههههههه أنطيني *****
أثير : تفضلي رنوش
رانيا شكرا باي
أثير : بايات
رانيا
طلعت من الصيدلية وصلت يم البيت وشفت سيارة محمد ابن عمة اسراء اهو طبعا اني كلت هو يحبني وحاول هواي وياي بس منطيتة مجال وتصرفاتة مزعجة
رانيا : بيبي بيبي وينج جبت الجوة
الجدة : هلة رنوشة شكرا
رانيا : ولو بيبي
محمد : هلو رنوش شونج
رانيا : هلاوات محمد تمام وانت
محمد : هسة صرت زين
رانيا : أوكي اني رايحة انام شوي
صعدت فوك تمددت على جربايتي فتحت الفون وشفت رسايل جاية من ارقام غريبة بس اظاهر ولد بس شلون يعرفون اسمي بعدين شفت قمر ضايفتني بكروب دخلت وشفت الكروب بي البنات و حسن وشلتة وكاعد يسولفون ..........
.
.
.
.
.
هلو اتمنى عجبكم البارت
بليز دعممم
