غيرت قدري

28/29/30

#غيرت قدري
الجزءالثامن والعشرون
ل وردالعامري
صكر :صعدتلي امي وكتلها لاتبلغين احداني موجود لامتني ع الي سويته وحسستني بغلطي صح اني غلطان مادام اريدها ليش عاندت نفسي ومن صرت امام الامر الواقع يله رضخت للامرالواقع حضرت روحي وكلت انزل وواكع عله عمي كدام الزلم التمت الوادم والسيد اليعقد هم من عمامنه وجهه ولدعمي وياي ثكيل وخصوصا احمد قبل مايعقداحمد استئذنت من الحاضرين
السموحه منكم يالربع بعداذنك ياشيخ اليغلط ماهو معصوم وماكو بشر بينه معصوم وانا غلطت واعترف بغلطي شهدو يلحاضرين بنت عمي انه رايدها الي ع سنه الله ورسوله وسويت الي سويته لاني رايده الي مره كرامتها من كرامتي واحترامها من احترامي عمي انا رايدبنتك وشاريها واتمنه انك ماترد طلبي وكدام كل الحاظرين ان صارت الي بعيوني اخليها وان كلت لا ياعمي مالي كول بعد كولك واشهدكم اني ساحب نهوتي عنها
الكل صاح ونعم منك نشهدانك شيخ وابن شيخ
ابوفاطمه :انه البارحه كلت للشيخ البت بنتكم كبعها واخذها واليوم بعد هذا موقفك كدام كل الحاضرين والانسان الي يصلح الغلط ويعترف بيه هذا جبير بعيون الكل ويطيح غلطه اسمعني ياعمي انا ناطيك البت واليوم قبل ما ابني يعقد ع بنت عمه خيتك تعقد انت عله بنتي
الكل بارك وبوست عمي وولدعمي وتسالمت ويه احمد
احمد: البارحه جنت شايل هم اخيتي بس اليوم انه اعتذر منك يخوي زينت الشباب انت ومرتاح انها صارت الك بس اكولك شي واحد هله هله بيها تراها عيونه المركبه ووحيدتنه
صكر: بعيوني طلعت من اخوتها طبت ابيت واليها ان ضامها الضيم ضامني قبلها

#غيرت قدري
الجزءالتاسع والعشرون

ل وردالعامري
فاطمه: ننتضر ايعقدون لزينب تعرفون عادات اهلنه لبسي بياضه وحطي رجلج بمي وياس وبيدج هيل كلها محضريها لزينب ننتضرهم اجت مرت هادي شاورت خالتي وطلعت هيه وياها وره شوي جتي عله امي وكوموني شكومادري كوموني ركض ركض جابو سيت ابيض من غراض زينب وبس اسمع يله يله ومرت حسين ع سريع فتحي عينج حطتلي كحل جان كحلنه ايحطوه بعلبه يسموه حجر مكه يحرك العين حركت عيني حرك وحمره هاي السحريه حطت لخدي وتكرص اكرص بيهن وحطت لشفتي ومرت محسن لازمه خيط وشالت شواربي كلها تركض واني اكثر من ايد لازمتني وخالتي اصيح بسرعه وامي تصيح زين الله خلاني اخذ سيتين بيض لزينب المؤمن كلبه دليله ونزلوني ركض ركض وهذا كله واني مثل اللعبه ايحركون بيه بس حطولي كرسي كبال كرسي زينب وجابولي قران وخالتي ع راسي من الهوسه الي حواليه والركض احس اني مده استوعب لحد ملسمعت رجال صاح فاطمه علي تقبلين بزواج من صكر مجبل شهكت مثل الجان كاتم النفس خالتي لزمت ايدي عاده الرجال كم مره واني جسمي كله يرجف امي كرصتني حيل كالت كولي نعم جاوبت نعم والله طلعت مكطعه كال لا عيديها بنتي حته ايسمعوج الحاضرين قولي نعم وانت وكيلي امي اتاشر براسها كولي جاوبت نعم وانت وكيلي ونزل دموعي صعبه تحس اقرب الناس الك ممفتهميك سمعتت الرجال سئله وجواب نعم بصوته الخشن الجهوري كان صوته بس كافي يكون رعب الي بدت الهلاهل وبوستني خالتي وامي وكالو تستعد العروس الثانيه وعقدو لااحمدوزينب ونخبص البيت بلهلاهل رجعونه للديوان وكالو حيطبون العرسان امي جانت مشتريه روب ابيض وطويل بي تطريزمن الياخه نزلوه لبسوهياه لان ثنينهم حيطبون واني خالتي ذبت عليه عباه بيجي فاتح شطولها وشعرضها عليه سكينه تعدلني كالتلها لخالتي يمه عبات صكر غطتها للبيت لويوكف هوه يمها شلون بعدمانلكالهااضفر عرفت هاي عباته زادن دموعي وامي تكرص بيه خزيتينه وخزيتينه طببوهم بهلاهل بس دموعي مااكدر ارفع راسي واشوفه خالتي فتحت علبه بيها كردان وزنجيل بي قرأن جبير والبتوت السته الي دزتني اوديهن لصكر لبسني الكردان ايده طوقت ركبتي عطره صار بخشمي زادني رعب منه هوه طويل وضخم يعني يمه اني نمله انوب لبسني البتوت والقران وهلاهل مستمره طبعا محد حاسب حساب ايصير نيشاني اليوم فمااكو حلقه باسني من راسي وكعد وكعدوني يمه واحمدلبس زينب والجكليت والكولات
صكر: رغم شكي وخوفي من الموضوع لكن فرحان بداخلي عقدولنه وطبيت شفتها لافيها بعباتي وصايره عليها بدله تسحل وشعرها فاتحيه وهيه مدنجه امي جابت علبه من ذهبه كالت يمه لبسها العالم تعرف محاسبين حساب اليوم تعقد وهذا هديه الها وعودنجيبلها حلقه بعد لبستها وهيه مدنجه ومقلصه ايدها ترجف كعدوها يمي شاورتها مبروك بت عمي هذا مونيشانج نيشانج اجيبلجياه ع راسي بس رفعي راسج اشوفج شمالج ماكو معبرتني استفزيتها اكول ليش لابسه عباتي هسه اذا تخربطت منو ايسويها الي وانتي مدمغه هسه تشكينها دارت وجهه بسرعه عليه خزرتني عيونها مليانه دموع جنها طفل ماخذين حلاوته ضحكني منضرها احمدلبس زينب وطلعنه للديوان

#غيرت قدري
الجزءالثلاثون
ل وردالعامري
صكر: ضليت افكر بيهاا جنهه طفله فضت العالم واحنا اهل مابينه غريب دخلنه للديوانيه الداخليه وصعدت اذب عباتي وشفتها طلعت من الصاله الثانيه وهم تريد تصعد بس من شافتني ارتبكت ورجعت عديت منها سويت روحي رايح للمطبخ سمعت صوت كعبها صعدت وراها هيه بنص الدرج واني شبختين يمها ضلت واكفه جريت ايدها وصعدتها
فاطمه: شفته راح للمطبخ صعدت اركض امدايه مكيفه امي بنسيبها هيج نسيب ميراد صرت نص الدرج وسمعت دبجه ع درج شفته هوه ثواني صار كبالي سحب ايدي ويجرني البايات شلون صعدتهن مادري صرتي بنص الغرفه
صكر: منضرها ايضحك مخروعه وفاتحه عيونهه ع كبرهن شبيج جري نفس تره مااكلج ههههه ولج كتلج جري نفس موابجي
فاطمه: صكر بداعت ابوك لاتضرب /لا شمالج ليش اضربج بس هدي اريد احجي وياج /شنو احجي بسرعه /اللهم طولج ياروح فاطمه تره كلبي خلصان انه موحيل مناهد شريد منج انه بس اريد احاجيج تعالي كعدي سمعيني بت عمي انتي صرت زوجتي وانه مواي شي يعجبني يعني لزوم تعرفين انج صرتي جبيره مره بااسمي صرتي حركات البزر مااريدها الاوله شرط اخره نور /هااا وهسه اذكرت تكولي الاوله والاخره/شقصدج/قصدي حجيت هسه وره ماعقدت وكملت كل شي جاي تكول احجي وياج واوله/افهم من كلامج بت عمي ان مالج خاطر بهل زواج ليش سكتي جاوبي شتقصدين /لاتضرب /ياصبر  مضاربج حركت يدي داكولج احجي مالج خاطر بهل زواج هااااا احجي /لا /ليش عاشكه ولج/شعري صكر شعري لاعاشكه ولاشي بس مااعرفك واخاف منك واصلا جنت ادعي مااتزوج /هذي حجج بت عمي المره تعرف زلمتها وره الزواج وتتعلم عليه وعله اطباعه الناس لسه ملمومه وعيب انزل اكول مااريد بت عمي حته ميضنون بيها الشين اطلعي ولاتخليني اشوفج /مصدكت كلي اطلعي وصلت لباب الغرفه وصاح اوكفي/شهل لبس هذا انتي ماعندج حيهه /خالتي اشترته الي /وخالتج كالتلج لبسيه وطلعي رجلج وتفرفري /لابس النسوان موجودات وصعدت ابدل وانت لحكتني /فطيمه روحي من وجهي بسررررعه /طلعت اركض اعوذ بالله موبشر ياربي اني شسويت وجبتلي هل صكر

تسريع للاحداث
متواجهت وي صكر بعد ورجعنه لبيتنه وممنوع افتح موضوع زواجي لان قرارمنتهي لانقاش وره اسبوع اجت خالتي لبغداد واخذتني جهزتني وبقت يومين وراحت  اتفقوا العرس بعد اسبوعين و سوه يزفون احمد وصكر بس بعدين كالو صكر ماقابل رايدها بعد شهر بس احمدمستعجل   رحنه قبل اسبوع لان مايكدرون من بغداد للولايه درب طويل اتفقنه اروح لبيت عمي قاسم ومناك ايزفون احمد ودخلته هم ببيت عمي قاسم وانا وصكر ببيت عمي مجبل رحنه لبيت عمي قاسم بعدين كالوالزلم زفتهم ابيت عمي قاسم والعرايس يبقون ببيت عمي مجبل وكل واحد ياخذمرته احمدلبيت عمي قاسم يرجع وصكر ابيت اهله رحت لبيت عمي مجبل وشفت صكر ع كدالسلام وراح
صكر: من كالت مالها خاطر كلت خلص انتهه اني هم مااريدها موصكر الي ماتريده مره بس مااكدراكول ماريدها وتصيرحجايه عليها هي بت عمي من كالو ع زواج كتلهم شهر بس احمد مستعجل وابوي كال نزفكم سوه امي حست اني متغير من موضوع فاطمه وكلتلها كل شي
ام صكر: يمه البت صغيره وفطيره ماتعرف شي وانت من يوم شفتها خوفتها منك وهيه كالت اخاف منه خايب تكولي اخاف ماابقه يمه بس اابقه يمج انام بحضنج هيده هيده ويه البت يمه
قررت اني اغير من طبعي وياها خذيت هدومي ورحت لبيت عمي قاسم شفتها من طلعت كلبي. رف عليها بس لازم اخليهاتحبني