غيرت قدري

البارت 26/27

#غيرت قدري
الجزءالسادس والعشرون
ل ورد العامري
صكر : بعد طلعتي من الديوان رحت امشي بالبساتين ماعرف شسويت والي سويته صح ولاغلط لاصح صح صكر لازم متروح لغيرك لالاغلط انه شلون سويت هل شي اني ماريد اتزوج ماريد مره كلهن جذابات لاصكر هل مره احبسها لاتخليه اتشوف نور الشمس اي احسن حل هذا احبسها وممنوع تطلع رجعت للبيت والكل ملتمين تسحبت وصعدت لغرفتي مااريد اشوف احد
فاطمه: بس عيوني تتحرك بينهم مثل الي انعكدالسانه وانشده باله احس حته نص الكلام اسمعه ونص الباقي لا صكر انه وصكر شلون ياريتني راضيه برزاق وساكته ها يفاطمه ليش هوه منو مهتم ولاسئلج حته ترضين ولاتمانعين شوفي هذاابوج الي جنتي تكولين ماينطيني حاله حال امج بس يريد يخلص منج كومتني ام صادق وصعدتني فوك احس روحي مومتوازنه ماعرف خوف جوايه ربط كل اطرافي صعدت لغرفه زينب الي كانت ناصبه عزه بلاميت بعد ماسمعت احمد مايريدها تكابلنه ثنينه ونصبنه جادر العزه بروحنه هيه تنعي الي تحبه وكسر كلبها واني انعي روحي لراجت لجلاد
سدو السالفه لان الناس من مغرب الخميس بدت تجي باجر جمعه نيشان احمد وزينب لكن محداله روح بكل شي انا وزينب حابسين رواحنه بين اربع حياطين جو مصباح الجمعه واخذوها حته ايجهزوها وضليت انا بمكاني متلحفه بغطاي وبس عيوني تتحرك وغركانه بدموعي دخلت امي /خايبه بعدج بفراشج احير بيج بااخوج الي كانه مغصوب موهاي الي رادها وصبر عليها كومي خلصيني /ليش اكوم /خايبه كومي زهبي نفسج الوادم كلها التمت /وليش مهتمه موردتي تخلصين مني هاي اجه جلاد وسلمتوني اله/فطيمه عكدي السانج صكر خير الشباب وابوج اتفق ويه عمج يقرون فاتحتكم اليوم/انا بتكم ولادابه عدكم تسحلوني من ركبتي ومالي قرار /هششششش صمي حلكج وابلعي لسانج فطيمه راح تخزيني شيكولون ماعرفت اربي تردين راي ليش ياهو بينه تزوجت برايها /يمه ابوس ايدج والله شتردين اسوي مااضوج بعدمن تلبسيني وجهزيني حته ايشوفوني واتمايل ويه البنات واحجي ويه الكل بس فدوه يمه لاتطوني لصكر ابوس ايدج يمه /خايبه اتوخري ليش انتي موزين انه رادج يخايبه الوادم كلها اطيعه وج الشيخ هذا الشيخ من بعد عمج يعني راح تصيرين مرت الشيخ /امي تحجي وتحرك بيدها مبهوره بالكلمه وحاستها يمه ماريد ماريد لامرت الشيخ ولاغيرها يمه فهميني /ماافهم شي فطيم وروح ابوي اسلمج بيد خوانج وابوج وكلها موافقه ع صكر لايغرج البارحه احمد لواله قرار جان صار قراره ع نفسه كال ماريدها البارحه واليوم غصبا ماعليه يعقد عليها وسمعيني زين ياابت بطني سكتي وارضي ان خالفتي راح يكولون عاشكه وماتريدابن عمها يمسودنه ايذبحوج وتنكسين راس ابوج واخوانج /خل يذبحوني بالحالتين ميته /فطيمه لااطلعيني من طوري تسكتين وماالج راي غير راينه /اخخخ يمه شعري /فهمتي فطيمه ماالج غير راينه وان سمعت كلمه منج وروح ابوي اكص كص من لحمج وصل اخاف عبالج اموتج واعوفج لامثل مافاته كلبي افتج مابقه علي غير بت بطني تنزل روسنه

#غيرت قدري
الجزءالسابع والعشرون
ل وردالعامري
فاطمه: لطمت وملخت شعري من يوم الي شفته لليوم واني برعب وانوب عرفت قصتهه مريض نفسي ووكع ع كلبي وامي مافادبيها كل شي وياها صعدت خالتي بوستني وكالت انتي مومرت صكر راح تصيرين راح تصيرين بنيتي امج خذت زينب وانا منو الي يخالتج غير انتي تبقين يمي /يعني ابقه يمج بس ومالي شغل بصكر /ههههه خايبه لا مومالج شغل بيه يعني تلبين طلباته ويايمه اخذيها مني يمه ابنج عله ماتربيه ورجلج عله ماتعلميه المره يمه بعقلهاا تكدر تغير طبع زلمتها كلنه يمه تزوجنه صغار ومثلج خايفين ومااريد بس ييمه تعلمنه ع طاعه زلمنه ومشينه بل يردوه هاي انا وامج والحمدلله الله رزقنه بيكم زينتو حياتنه وبعدين تره هوه ابني انه مارضه عليه صح هوه اكبر منج بس يايمه عمره مامبين عليه وهذا عمج اكبرمني ب12سنه شوفيه جن انه اكبرمنه كل ماجان يمه الرجال اكبر احسن خايبه احنه من الضيم نكبر قبلهم يبعد خالتج شحلو هل مبسم تعالي يمه تعالي بحضني بعد بيتي /خاله بس ابقه يمج وانام يمج ماريد صكر اغسله هدومه واكويهن مثل ذاك اليوم بس ابقه يمج وهيج انام بحضنج /ههههههههههه سمعتي بنيتج يامناهل تريد اتنام بحضن اي يمه باجر جاي موبعيد وانشوف اذا كمتي تردين حضني ولاحضن غيري هههههههه كومي يمه كومي حبيبه اريد اشوف الثوب عليج يله مناهل حضري البت وهيده هيده ويه بنيتج ترها بزر وخايفه ماشافت من صكر غير الصارخ / خالتي شاورت امي وطلعت وامي جتي حضنتني اوووف ياحضنج ييمه رغم قساوتج بس حضنج شكثر حنين ضليت اشاهك بحضن امي وهي تمسح دموعي مشطت شعري وتنشد عله حلو الطول باجر يزفوني كومي يبمه وعليه وديني ودعيلي ييمه كون يباريني لبست ونزلت وكلهه تعرف صكر نهه علي واكو الي يكول هنيالها اخذت زينه الشباب واكو الي يكول مكروده صكر ماينحمل جنت انتضر يوم الجمعه فرحانه بثوبي القصير اباوع ثوبي ومالي نفس بيه جتي زينب وبدت الهلاهل وهوسات النسوان وكولاتهن