غيرت قدري

الاخييييييييييييرررر😍

#غيرت قدري
الجزءماقبل الاخير
ل ورد العامري
فاطمه :صار اسبوع صلخو جلودنه صلخ شكلي بعد مااحفو حاجبي كله تغيرك اليوم الحنه ولملالي ينشدن والناس كلها فرحانه اله انه خوفي ماكلني ومن يوم شفته لصكرماشفته بعد امي خذت زينب وخذولهن زاويه وانه خالتي خذتني
ام صكر: سمعيني يمه هذا الخوف لازم تبعديه خايب زلمه مووحش وانتي بيده ياتخليه زلمه ويحطج بين ضلوعه يا تخليه وحش وماتشوفين منه اله العذاب
فاطمه: شلون يعني باايدي/يمه طيعيه ان كلتيله عيني ماراح تروح عينج واني كتيله كلبي مايوكف كلبج بس هوه يلين كلبه ويكوم يتمنه الرضا الج يمه لمزامخ بين المره وزلمتهامايعمر دور يهجم ييمه وانتي سباعيه خليتيه بعد8سنين مجافي النسوان ومايريد طاريهن خليتيه يوصل للنهوه
علمتني خالتي وراحت وانا زاد خوفي خوف نمت وكعدوني من الصبح اناوزينب وجلفونه جلف تكول صارسنه مسابحين لزمونه مثل الجدر المحروك فرك فرك حسيت جلدي طلعله جلد بالولايه موذيج الصالونات وب 99ماكو مثل هسه تسريحه وهل خبصه كلهه حطولي كحل وماعرف شلطخو فوك عيني وباودر وحمره حمره وشعري بس سرحته وحطت عليه البركع وردونه لبيت عمي مجبل وعشو الوادم وكالو نزفكم  طببوهم هوه جان لابس دشداشه بيضه وغتره وعكال ولابس عباه بيضه مطرزه ذهبي طب باسني من راسي وكعدشوي والنساوين تهوس بعدها احمد خذه زينب وطلع واهو طلع بديوان صعدوني لغرفتي ضلت امي تحجي وياي وكالو راح يزفوه صعدوه بهوسه وكولات وانا خالتي طبت علي وكفتني وفتحت الباب طب اهوه وانا مابقه بجسمي دم نسيت كل العلموه الي ذب عباته وتقرب علي كالي ذبي ثوبج بين مااتسبح حته نتعشه طب للحمام وانا افتر بثوبي مثل الخبله طلع لابس سروال وفانيله ويفرك براسه بالخاولي
صكر: لسه ماغيرتي ثوبج بويه العالم تنطر مايصير
فاطمه: كمل كلامه وانا اشنهك وابجي /بويه شمالج راح تكضيها مناحه تعالي ناكل وبعدين بدلي كعدنه ناكل ايوكلني بيده وسمعنه صوت الجيلات/هذا بختي الناس تزوجو وانا كاعد اوكل بنيتي بويه كومي خلصينه من الوادم اوووو هم رجعت تنوح فطيمه كومي انتي مامنج رجه كومي
فاطمه :جرني انوب زادني رعب هوه موشكله موحلو لا مملوح اسمراني ومملوح بس من يوم شفته هوه عاكد حاجبه ويخزر فتح سحاب ثوبي ودفعني ع سرير تحركت ضربني ضليت من خوفي منه جامده بمكاني فض الشغله بسرعه ولبس دشداشته ونزل واني الالم كتلني سمعت صوت الجيلات وصعدت خالتي شافتني متلفله بالغطه وابجي كومتني لبستني وشافت خدي مصبوغ كالت ضربج اشرتلها اي براسي بوستني وكالت يمه تحملي ميخالف راعيج هذا بعد صبري يمه

#غيرت قدري
الجزءالاخير
ل ورد العامري
مر ع زواجنه 7شهور وماصار عندي شي زينب حملت واني الله مكتبلي طول فتره السبع شهور اني ممنوع 🚫 افتح شباك ممنوع 🚫 اشوف احد اواروح لااهلي حبسني بالبيت حته خبز مايرضه اخبز حته لااطلع للبستان واذا بيوم مر وشافني فاتحه شباك غرفتي يضربني لحد ماايكسر شي بيه ويفكوني منه كوه جت زينب اكثر من مره لااهله وانه ممنوع 🚫 اروح لهلي احضرله هدومه والبسه بيدي واريدله الرضه يرضه وماكو منه رجه اتفاجئ بوجوده يمه اوكدامي يتسحب اتسحب ويراقبني اذا ضحكت ويه احد من اهل البيت بذاك اليوم مايتركني اله وانه دمي بطولي واخر شي ضربني ضرب موت يكولي انتي الي مانعه الحبل ماتردين بزر مني انتي من كلتي مااريدك عرفتج عاشكه واحده بغداد بس كلت بت عمي واسترعليج  خلصني خلاص اخرشي اذكره ضربني ووكعت من طولي ماذكر شي بعدها صحيت انا بالمستشفى ايدي مجبره وعيوني مااكدر افتحها وجهي كله يوجعني راسي مشدود مااكو شي بيه صاحي خالتي واكفه ع راسي تبجي بست ايدها تخلصني بعد مااكدر مااستحمل فاتت سنه وانه انهان وانضرب ممنوعه علي الطلعه لااهلي مااوصل جتي ايام يحبسني بغرفتي يوم كامل توسلت بخالتي ادز ع اهلي مارضت بس اجانه صكر للمستشفى ومتحلف يذبحني شلون طلعت بعدها فهمت ان عمي الي ماخذني للمستشفى غصبا عن صكر وهوه متخبل يصيح اكيد الدكتور سوالها شي اذبحه واذبحها طلعونه من المستشفى وودوني لبيت عمي قاسم وهوه يتهدد علي عمي قاسم خابر ابوي جانن التلفونات ارضيه وابوي كايله لاتردها الك امانه بركبتك فاطمه باجر انه جايكم
اجه ابوويه طب ويه طرت الفجر انه الليل كله مانمته من الوجع شافني ابويه تخبل راح لبيت عمي مجبل من الفجر ومتعارك ويه صكر وكايله لعمي مالكم مره يمي بعد صكر مجاوب ابوي صار مرتين تطلع اذا طلعت الثالثه بدون شوري هيه طالك ابوي جاب سياره ورجعني لبغداد بس انه مثل المخبل اتفزفز من كل شي اذا ورقه شجر اتحركت انه اصارخ راجعو بيه اطباء وناس رايحه راده عمي يريد ايرجعني بس ابوي رافض وره 4شهور يله كدرت استجمع نفسي ابوي كان مقدم طلاك بالمحكمه لان صكر كايله اذا خذيتها اطلكها ورحت للمحكمه وحضرت غصبا عن امي الي جانت تصيح راح اجيبلنه العار شيكولون بنت مناهل المطلكه حضرت وهوه حضر وماقبل ايطلكني واتاجلت الجلسه لبعد شهر كاعدين اني وابوي بعد اسبوعين من المحكمه واندكت الباب طلع ابوي لكاهم شرطه كالوله بنتك مطلوبه ببيت الطاعه والبلاغ ومبلغيكم صار مرتين ومحاضره بنتكم وهسه صدر حكم برجوعها لزوجها لبيت الطاعه ابوي حجه وياهم وراحو وثاني يوم من الصبح راح لبيت عمي مجبل متعارك وياهم وكايله لعمي تجبر ابنك ايطلكها غصب عنه محاول وي صكر مفايد وياه وصار لازم ارجع رجعت ولكيت السئ اسوء حاطني بالغرفه الي بضهر البيت الي يحطون بيها الفرش ومقفوله الباب خالتي تتوسل وعمي وهوه مايرضه ومحد يكدرله شهر انه بهذي الغرفه اطلع ع كد الحمام واكلي يجيبه الي للغرفه مر شهر ع هل حال وطب علي خلصني خلاص ماعرف شنو السبب يكول ردتي تطلكين وتردين لعشيقج هوه من يوم الجابني يضربني يجر شعري بس اليوم ماخله شي حته شعري كصه كسر الباب اخوه هادي وطلعوني بالموت وعمي ضربه وطرده وخذاني عمي بعد ماوكعت ع رجله ردني لهلي وانه الالم الطريق كله ياكل بيه اكل طبينه بغداد ساعه 9بليل تلاكفني ابوي وداني للمستشفى بس هل مره صار شاطر سوه تقرير يثبت الضرب ماله وقام دعوه ثانيه وبسبب التقرير تطلكت منه طبعا ابوي مارضه ان زينب تدخل بنص لان احمداخوي كال مثل ما اختي اخته ابوي مارضاله خصوصا صارعدها وليد سموه محمد سمعنه بصكر مسافر بس مااحد يعرف وين طبعا علاقه خالتي وامي مانكطعت وتجي تشوفني دوم مر سنه وشهرين ع طلاكي وجه صكر ايرجعني وعرفنه انه سافر اتعالج ورد بس انه ماااطيقه ولااريد اشوفه بيوم وصله ردي موراضيه وراح بكل هدوءوبعد شهر هم جه هوه وعمي ويتعذر امي تكولي ردي هذا الرجال كلشي يسوي ردي نزلتي راسي يسموني ام المطلكه فات اسبوع وجات خالتي وكعت. علي صكر بس يريد ايحاجيني ولخاطر خالتي رضيت واجه ببيت ابوي كعدنه انا وياه بالاستقبال تعذر وراد يحجيلي قصته كتله اعرفها تفاجئ اني اعرف وضل يتعذر وحلف الف يمين بعد مايمد يده علي كتله افكر عزمونه اروح للزياره واهو الي عزمنه ورحنا كلنه زرنه وحلف بالعباس مايمدايده علي بعد كتله تعبانه ومااكدر اصيرلك زوجه خليني ارتاح كال ردي وانا مااكربلج اله برضاتج وهذا شاربي ع حرمه ان خليت بوعدي رديت وعقد علي من جديدبس هل مره باب البستان مفتوح بس مايرضه اطلع بوحدي ودوم نسير لبيت عمامي ونضحك ونسولف موصكر الاولي عدن شهرين وهوه مالامسني يفرش بالارض وينام وتعامله وياي بكل احترام
اليوم حاره الشمس تلهب هو بغرفته الحمام طبيت اسبح والمي بارد يرد الروح هذا مووكت جيته لفيت روحي بالمنشفه ولفيت شعري بثانيه وطلعت فكيت شعري انشفه اول وكلت بعدين اللبس ومااشوف اله صكر فتح الباب ودخل هو مصدوم وانه مصدومه ضل عينه علي تتفحص كل شي بيه تقدم لزم شعري شم ريحته وبعدها نزل راسه ع ركبتي بقه دقيقتين ومثل الي تذكر وعده ابتعد وكالي السموحه ياغاليه خذي راحتج انه طالع لزمت ايده هو ضل باهت/ موبلزوم يعتذر الزلمه من حرمته /بس انه نطيتج وعد ياغاليه ومجبور انفذ وانا تقربت ولمستج/وانه راح اتقرب واحط راسي ع صدرك واريدك تضمني بين ضلوعك حضني بكل قوته/والله انج ساكنه بين ضلوعي ويوم الي ترضين وتسامحيني هذا يوم هنه وسرور الي يشهدالله اني عشكتج من يوم شفتج /وانااعشكك ومسامحتك ع كل شي واريدن انسه كل الي صار بس وانه هيج بحضنك مثل محاضني بين ايدك
لااول مره يكون صكر بكل شي حنين وهادي وياي من يومها صار صكر ثاني كمت مااعرف انام اذا مو لافتني ايديه وانفاسي تشم عطر صدره وهوه ان ناداني بين اهلنه كال ياغاليه وان كان بيني وبينه كال يا قدري وعشكي صار عدنه ولله الحمد معصومه ومرتجى وفليح وصاحب ويقين استلم صكر الشيخه بعدعمي الله يرحمه وشيخ الناس تحلف بيه وتهابه وانا روحي تعلكت بيه بس حجايت خالتي طلعت صح رغم اهو اكبر مني بس مداري روحه وبينت انه اكبر منه بس لساني البس كعب
ان مشيت وياه ورغم هذا ارفع راسي حته اشوف عيونه
مودايما حجي الناس صح ولاادوم الزواج والبت صغيره صح ولا عدم اعطاءفرصه ثانيه صح سامح واصبر بس لاتضل دوم منزل ركبتك وتخلي الناس تتولاك بصكعها واكو ناس ماتنتبه عله الكدامها اله تخسره اتمنه لكل بت ماتشوف الي شفته واتمنه لكل زوجه عدها زوج مثل صكر زمان الله يهديه واحمد ربي هدالي صكر
وشكراا….

حكايات كثيره لكل يوم قصه حياتنه مسرح كبير ونحن الممثلين فيها دمتم في حفظ الله ورعايته انتضروني بقصه جديده حقيقيه
اختكم وردالعامري😘