#غيرت قدري
الجزءالسادس عشر
ل وردالعامري
رجعت لغرفه زينب لكيت امي وخالتي ولج وينج لسه مالابسه شناطره صارساعه من طلعتي من الحمام/يمه موزينب طبت تسبح وصكر راد هدومه اطيتهياه /ام صكر منو اطاهيهياه يمه انتي /اي خاله خايبه صكر بكدج وتصيحيله بااسمه موجنتي تصيحيله عمو /خايب مناهل اسكت عمو ايش هوه متعقد تعقديه اكثر اروح ابدل كملي لفاطمه ولحكيني /
صكر: اندكت الباب ادخل هلايمه/ هلابيك حبيب خلصت يمه /اي والله هسه اعدل عكالي واطلع /ماتكدر تنتضر شوي يمه /لايمه ماعندي شي بس اخاف النسوان يجن /عادي يمه عوداطلع من الباب الوراني /ليش يمه تردين شي/اي والله اريد ادز بيدك لسوار تطيه لصايغ يلمعه بعد امك انت تضغط عليه ايكمله اليوم /تددلليين يالغاليه جيبه انتضرج
فاطمه مشطتلي امي وشالت وجابت مال جهه اليمنه ذبته ع جتافي اليمنه والباقي عدل مفتوح كله وعدلت كذلتي وكرصت خدودي شويه وعطرتني بيومها اذكر لبست فستان كصه عدله بس كصيف بارز معالم جسمي وبي حزام ينشد من جهه البطن كله ورد ناعم وهوه الفستان مجشر تجشير ناعم ورود ناعمه ردانه طوال وهوه طويل مستور حلو وحذاءعالي جتي زنوبه تركض تلحك اتبدل كالت امي تريدج امي كالت اوكفي اني جايه وياج اروح البس
نعم خاله/يعيون خالتج اخذي هل علبه لصكر وكوليله هذا لسوار تلمعه وتحطه بعلبه بااسم سكينه وذني لبتوت هم ايلمعهن /ها هسه اصيح زنوبه/لايمه ده تلحك تخلص ركضه بنيتي /ماشي بس البس عباتي /ياخايبه اكولهاركض حيطلع هوه اخوج سعره بسعر حسن /روحي ماما روحي صكر اخوج الجبير لو ولو ماخضر جان بنته بكدج /فطومه يمه مثل مكتلج اطلعين لبتوت بت بت اتحطيهن بيده حته يعرفهن شكد موتطيهياه وتمشين ابني واعرفه مينتبه حسبيلهياه لايبلعله واحد الصايغ /ماشي خاله اليوم صكر طالعلي بالبخت غرفته بعد غرفتين عن غرفه خالتي سحبت نفس ودكيت الباب/ادخلي يمه/رجعت دكيتها /ادخل ادخل عبالي امي تالي اسمع طكت كعب وفاطمه كبالي /خالتي دزتني اطيك ذني هذالحضه هوه كاعد ع كرسي وكباله طبله حطيت علبه ع طبله والاخ ده افتحها كتله هذا ايلمعه وايسجله بااسم سكينه بالوصل وووهذني خالتي كالت حسبيهن واطيهياه هذا واحد هذاثن/لحضه الي تحسبيه حطي بيدي حته افهم /تقدمت شويه هوه فاتح ايده حسبت واحد واحد ذني سته اتلمعهن وتنضفهن ذني مالات خالتي خوش /احم احم لامفهمت هسه ياهنه مال امي ياهنه مال سكينه /صكر اشببييييك هذا الواحد بس لسكينه وذني السته مالات خالتي/اي اعرف ذني بس شسويلهن /اتنهدت ثنينهن اتلمعهن بس سوارسكينه سويله وصل بااسم سكينه وكول هم مفهمت/ليش كالولج غبي مثلا/لاكالولي استعجلي حته اتلحكين/ع شنو تلحكين هياتج جاهزه مناقصج شي /الحك انزل اصب العصير
#غيرت قدري
لجزءسابع عشر
ل وردالعامري
صكر:دخلت صوت كعبها لحد موصلت كدامي هيه تحجي واني عيوني تتمعن بكل شي بيها طول شعرها وثنه ولون الاسود جنه ليل حاضن الخصر والباقين مسحوب من صفحه لصفحه كذلتها الي ع حاجبه الثخين المروسوم رسم رموشهاوفتحه عيونها وشفافها كلش بيها مرتب وحلو جسمها الي بارز الانوثه العدها رغم ضعيفه لكن عدها بروز بترتيب خصرها ناحته الثوب الي لابسته كتلها تقدمي حطيهن باايدي كف ايدها مدبدب هههه ضعيفه الجسم ومدبده ايدها عجيبه اتمعن وادقق بكل شي اشوفه بيها هيه تحجي واني عيني وكل شي بيه ويه حركاتها ولوبيدي مااطلعها اخ يمه كلتي اني اجيبهن دزيتيلي فطيمه شعلت ابوي اتذكرت حجه انزل بيها طلعت من الغرفه شفتها هستوها تنزل فاطمه فاطمه٪نعم٪تعالي٪نعم ٪اكول هسه اذكرت شو انتي متصغين ع قرارساعه حجاب وعباه وساعه مفرعه كدامي٪بكلبي شكد غثيث خالتي كالت روحي بسرعه ليطلع وده اروح اجيب عباتي كالو هوه اخوج ده احجي وطلعت خالتي هاايمه فهمت صكر اي اي يمه ٪هاا جاخوش موسمعتك تنده ع فاطمه عبالي مفاهم ٪واكفه كبالي رغم لابسه عالي اني اطول منها هاا خوش ماتنزلين ٪لاانازله ٪نزلت واني وراها طبت للمطبخ واني طلعت صكر شبيك تفهي من تشوفه خايب طفله شجاك
#غيرت قدري
الجزءالثامن عشر
ل ورد العامري
فاطمه: بدن الملالي وشكدحلو اينشدن بس نضرات امي الي متخلص كعدت يم خالتي وصاحتني امي اسلم ع مرت ابن عمهه ضلت تتفحصني المره هيه نفسها الذاك اليوم دخلتني فحص حجت وياي ورديتلها ع اسئلتها وخالتي صاحتلي رحت يمهاكالت كعدي هنا يمي خلصت الحفله وكمنه نركض بدلنه ونركض انضف وانعدل وامي وجناين يم العروس سادات الباب ضلينه بس اني وزينب وكم وحده من بنات عمي وخالتي كاعده اتسبح وتدعي طبو الزلم الي همه اخويه محسن وعمي وصكر واخوت صكر جتي خالتي للمطبخ احنا كلنه واكفين بالمطبخ وحده ع مواعين وحده ع طباخ واني امسح الكاع بالمطبخ مسوين مثل المخزن صاحتني نعم خاله
يمه فطومه صبي جاي وجيبيه لديوانيه / زهره بنت عم جبار: شيخه اني اجيبه فطيمه ده اتكش الكاع /لايبعدامج سالمه كون بس فطيمه لان عمها يريدها يمه زينب اخذي بمكان فاطمه/غسلت ايدي وعدلت حجابي الجاي 24ساعه جاهزصبيت ورحتلهم خالتي كاعده وياهم قدمت لكل واحد وصلت الصكر مرتاح اذا مسمعني حجايه/
صكر: من طلعت وهيه ابالي وصراع بيني وبين نفسي الي تريدها وتريد شوفتها وعقلي الي يكولي لاتنسه لصار لااتأمن لمره طبت تقدم جاي دنجت تقدملي بس عيونها ع صينيه وفضول بداخلي يريديشوف عيونها قدمت نفسي بحجت اخذ الماعون والاستكان وحاجيتها همس كلها ملتهيه اسولف محدايحس بويه صفي ع بر ياتلبسين الحجاب ياتعوفيه رفعت عينها ورافعه حاجب هل حركه مستفزه بس رغم تستفزني تحرك شي بداخلي/شكد مكروه باوعتله وكملت تقديم لحدموصلت لخالتي الي جانت ابتسامتها بوجهي كلها حنيه ياريت امي مثلج رحت كملت شغلي وصعدت انام حته عشه مااريد اريداسبح وانام تعبانه كلت اسبح بسرعه مادامهم ملتهين بالعشه لفيت الخاولي ع راسي وطلعت صاربوجهي صكر صاحني/نعم/ليش متعشيتي/مااشتهي /وليش متشتهين عاشكه ومسدوده نفسج/لا نعسانه وارد انام عفته مشيت صاح تصبحين ع خير بنت العم انداريت عليه وانت من اهل الخير
صكر: كمت اشوف امي لكيتها كاعده هي وخالتي يمه عشاكم ماجهز /لايمه جاهز هسه اصيح ع بنوات يفرشن السفره يمه زنوبه /نعم يمه/بعدعيون امج حبيبه انتي وفاطمه همن بالعشه /فاطمه صعدت تنام راح انده مرت هادي وياي/اوووف هل بت راح اتسودني اكلها جنهه بلبل تنتف ونص الوجبات طايره صايره جنها عود/تركي لبنيه مناهل لاادققين بكل شي قدرتها هذي عين الله تحرسها مابيها لوله /سحبت روحي وصعدت ليش وشنو غايتي ماعرف دكيت باب غرفه زينب محد رد الباب مردود ماكو احد هذي وينها خلك الله كلها ع عشه وهيه مدري وين تخور تقدمت ع حمام سمعت صوت مي رجعت وكفت اباب غرفتي مكتف ايدي انتضر تطلع وحته جني بغرفتي وطلعت وشفتها حته لاتفكر واكف لجلها سمعت انفتح قفل الحمام مديت ايدي ع يده الباب عوداسدباب الغرفه عدت من يمي وكفتها حاطه خاولي ع راسها خدودها حمر والمي اينكط ع ركبتها اريدها توكف باي طريقه حاجيتها ومشت عيوني تريد شوفتها ناديت عليها بحجه تصبح ع خير دارت راسها ردت ودخلت للغرفه بوياي يكولون صغيره جاغير تشعل لجدنزلت امي صارت بوجهي وياها بنات عمامي ثنين سلمن ورديت السلام واناعيني بالكاع /هايمه العشه بديوانيه بعدامك وين رحت/رايحه ياغاليه بس احتاجيت شي من غرفتي كملت صعدت انام شمالك ياصكر ليش ويه بنات الدنيه تغظ البصر ليش وياها عينك ماتنغض هي بنت عمك والباقيات بنات عمك واقرب الك كل مااغمض عيني صورتها تجي بعيني من دخلت علي وحركتها وهيه تحاجيني ستغفرالله وارجع اغمض تجي صوره طلعتها مت الحمام والمي يكطر ع ركبتها وتاليها يصكر شبلاك فاتن سنين وانت شايل جنس حوه من راسك شرجعك ضليت للصبح مثل المزهور ماكدرت انام اله طر الفجر 🌆
اعتذر ع لتأخير وراح اعوضكم بالنشر
أنت تقرأ
غيرت قدري
General Fictionتجارب يمر بها لبعض فيغلق ع نفسه في ضلمه هذه لتجربه ليحكم ان الجميع متساوي
