Pinapalaya na kita
ni MezoeySa bawat araw na lumilipas
ang pagmamahal sayo'y walang kupas
ngunit mundo ko'y tumigil ng wala sa oras ng sabihin mong ito na ang wakasMinahal kita ng higit pa sa sarili
ibinigay ang lahat ng minimithi
nagbulagbulagan at naging pipi
walang reklamong narinig mula sa aking labiGustuhin ko mang ipaglaban ka
nagmakaawa sayong subukan pa
ngunit wala na akong magagawa
kung piniputol mo na ang ugnayan nating dalawaMahal na mahal kita
pero kasi nakakapagod na
wala ng saysay kung lumaban pa
kaya mahal pinapalaya na kita