عشق الغرير

بارت /1
مرحبا اني اني مريم عمري 21 سنة خريجه اعدادية تجاره راح اوصفكم شكلي شويه اني طولي ١٦٧ رشيقه عيوني مو كلش كبار وشعري طويل طبعاً الصورة مال القصه  تشبهني اني والبطل الي راح تتعرفون عليه خلال القصه ..راح اعرفكم عن عائلتي هي متكونه من ماما واخويه اسمه سجاد  هو مواليد ٩٩ ويدرس اعداديه قسم العلمي واخوات اثنين سها ومها توئم بثالث متوسط طبعاً حياتي صعبة شويه بس حالتنه الماده الحمدلله شويه زينه طبعاً راح ابدي قصتي وحتشوفون حياتي .....#هدو الدليمي 
جنه كاعدين ابيت جدي اهل ماما بس بابا اذانه كلش لهذا عمري وهو يضرب بيه اني واخويه وماما وخواتي قررت بعد مااعيش ويا لان صارت مشكله وضربنه وماما وسها اختي اتأذت وصارت حالتها النفسيه سيئه وماما صارت بيه ذبحة صدريه وقررت اطلع اشتغل واخذهم وااجر بيت ابغداد بالمنصور طبعاً هذا الحجي بنهاية العطله مال سادس اعدادي وراح تبدي الكليات اداوم
اخذت سجاد للمنصوروخليت سها ومها يم ماما حتى خاف امي تحتاج شي لكيت شغل بالمنصوروالراتب زين اشتغلنه اني سجاد اني بمحل ملابس نسائي وسجاد بمطعم واجرنه بيت هناك واخذنه غراض الي نحتاجهم واخذت ماما واخواتي وكعدنه بالشقه صح جانت بسيطه وماعدنه غراض هواي بس جنه كلش مرتاحين ..ماما تشتغل بالروضه ماما كبيره بالعمر ...بدت حياتي بين الشغل والبيت طبعاً اني محجبه وچنت ابد مااحب اختلط بالشباب لان عندي عقده منهم من ورى بابا
يوم ١١/٢٠ يوم الاحد بديت اداوم بالكليه  هاي اول سنه اليه
جنت ابد مااضيع محاظره اتعرفت على ابنيه اسمها سرى
هي مطلقه لان مااعرف احد ومو من النوع بسرعه اختلط
وجنت من البيت للكليه ومن الكليه للشغل وارجع بليل اني وسجاد
يبتبع ....
ان شاء الله القصه اتنال اعجابكم واذا حبيتوها اتركوا تعاليق حتى اكمل