عشق الغرير

ام مريم :مريم ماما يله اگعدي
مريم اي ماما كاعده، كعدت غسلت وبدلت دك عليه الخط مال الكليه وطلعت، وصلت للكلية شفت صديقتي سرى
سرى:صباح الخير مريم
مريم:صباح الخير حبي شلونج ؟
سرى:الحمدلله تمام ،يله امشي انروح للنادي نشرب شي بين متبدي المحاظره
مريم: يله خوش فكره ،رحنه للنادي كعدنه وبعدين صارت ب٨:٠٠
طبينه محاظره واستمرت حياتي على هذا الروتين ورى شهر تقربياً اجتني سرى ،لج وين جنتي واني ادور عليج مو تدرين ماعندي احد
سرى:لج تتذكرين الولد الي كتلج عليه عاجبني هذا علي شبيج الي بشعبه ؟
مريم:اي عرفته شبي ؟
سرى:صارحني اليوم وكلته بعدين ارجعلك خبر 😍😍😍
مريم:لج عزه انيمو كتلج مااحب اكعد يم ولد 😡😡
سرى: شبيج مريم خليني اعيش حياتي بعد ماجنت محبوسه ومظلومه !!!
مريم:اوك اوك لتبجين اي وشراح اتكوليله ؟
سرى:راح اوافق لج لان اني معجبه بي وبلكت يتزوجني 😁😁
مريم :اي امبين يتزوجج ظلي بهاي احلامج الي متخلص رجعت للشغل وعادي روتيني اليومي ،ثاني يوم ادور على سرى ماكو خابرتها هلاوو سرى انتي وين؟
سرى: بالحديقه دامشي ويه علي هههه
مريم:عزه بعينج لج وين لحگتي توافقين؟
سرى:البارحه خابرني وحجيت ويا ووافقت ☺️☺️
مريم :اوك لعد اني حروح للنادي ماشي ؟
سرى :ماشي
مريم: رحت للنادي صارت الكليه ممله اخلص محاظرات اروح للنادي اخلي السماعات بأذني واسمع اغاني ومرات اقره بس مالي دخل بأحد ،خابرتني سرى :هامريم وينج
مريم :اني بالنادي
سرى:اوك جايه /مريم :اجتي سرى هي وعلي يتمشون عليه
سرى:هلاوو مريم
مريم :هلاوو عيني من لكه احبابه نسه اصحابه هلا علي شلونك؟
علي: هلاو مريم الحمدلله ، اكولج مريم ليش گاعده وحدج ممكن نگعد وياج ؟
مريم :اي عادي هلا بيكم ، وصار علي من ضمن اكروبنه كلش حباب ومهتم بسرى ويحبها،اجتي امتحانات نصف السنه لان الكليه الي اني بيها نظامها فصلي مو كورسات وجانت عدنه ماده كلش صعبه الدكتور انطانه سؤال ماعرفت احله من الكتاب وجان علي حبيب سرى شاطر كلش فسألته علي هذا السؤال شلون احله عفيه وين جوابه ؟# هدو الدليمي
علي: باعي ذاك الميز كاعدين اصدقائي همه مرحله ثانيه ويعرفون حله روحي وكوليلهم دزني علي ؟
مريم : اوك ، رحت الهم وبيدي الكتاب وورقه بيها السؤال جنت بيومها لابسه بنطرون جنز وبدي اسود وستره ثخينه حمره وشال اسود وجنت البس نظارات جانوا كاعدين شباب سلمت عليهم
السلام عليكم !كلهم جاوبوا وجان واحد كاعد ظل صافن عليه كتلهم اني علي دزني اريد حل هذا السؤال جان الشاب ايكول وينه كتلها هذا اني جنت كاتبه اغنيه على الورقه كلمات منها صديقه كال قصدج الاغنيه اني متت خجل كتله لا هذا السؤال ضحك الشاب كال اوك هذا حله.رجعت وصار الشاب ابد ميشيل عينه مني
فديوم كالت سرى ليش كاعده وحدج تعالي اعرفج على جماعتنه
كتلها اوك. رحنه وطلعت نفس مجموعة الشباب الي رحتلهم بيوم الامتحان، والولد اسمه عبدالرحمٰن الغريري وواحد اسمه محمد وواحد اسمه عمر واحد اسمه سرمد صرت يوميه اكعد يمهم سومد هو وحبيبته ومحمد وحبيبته واني وسرى وعلي وعمر هذا صار اكروبي .فديوم اجتي سرى
سرى: مريم اليوم جبت كيك تعالي خلي ناكول
مريم:اوك ، كعدت مقابيل عبدالرحمن وهو ظل هاي الايام كلها عينه مني ابد ميوخرها ظلينه كاعدين فأني بالغلط دست على رجله هو ظل ايباوع عليه واني كلش استحيت كتله اسفه جان هو رجع داس على رجلي اني ضحكت وراها رحت لسرى كتله سرى عبدالحمن عنده حبيبه ؟#هدو الدليمي
سرى :هامريم شكل السناره غمزت ههههه
مريم:انجبي سرى والله مجرد سؤال ؟
سرى : اي عنده واسمها هدى بس متعاركين
مريم : كلش انقهرت بيومها بس مااعرف ليش اجاني هذا الاحساس المهم رجعت للبيت وخابرتني سرى ،
سرى: هلاو ميمي
مريم: هلاو هلاو حبي
سرى: لج عبدالرحمن عاف هدى اليوم گايل لعلي
مريم صدوك ؟؟❤️
سرى: والله وكال لعلي عاجبتني بنيه واريد اصارحها لان شكلي حبيتها ..
مريم :جذابه شبسرعه حبها ومتعرفين منو ؟
سرى لا بس راح اعرف من علي وبعدين اكولج
يتبع.......