عشق الغرير

بارت 8 والاخييير
مريم : انداريت لكيته كاعد يم ابنيه وجتفه على جتفها ويضحكون اني اتخبلت وماظل عقل براسي جان ايباوعن عليه البنات اني رحت ارگض عليه كتله هي هاي الي عفتها علمودي هاي بشنو احسن مني بصياح #هدو الدليمي
عبدالرحمن:اتعاركت ويه اهلي وميقبلون ياخذولي مريم كله بسببي اني كلت لابوي هي صادقت غيري وطلعت وامها تحجي ويايه وسمعتني حجي ايسم البدن طلعت حرگتي بمريم اجتي حبيبت صاحبي محمد كعدت يمي واحنه انباوع عليها وهي اجتنا واتصيح اني كلش انقهرت عليها بس كتلها يله امشي منا لتصيحين
مريم: شوف عبدالرحمن انت وياها وهاي 👟👠 وعفتهم ومشيت واني النار تاكول بيه لتكولولي عيب ميصير تغلطين عليه بوقتها من الغيره كمت ومااشوف كدامي وبعدين رجعت يم البنات جان ايكوللي بس هيج لج هاج هذا التلفون رگعي براسه واني ميته بجي
#هدو الدليمي
رجعت للبيت وجان يوم الاوف مالتي اي الاجازه ورجعت للبيت نمت وظليت ابجي بفراشي لحد الصبح داومت وظليت مااحجي ويا اسبوع بعدين صالحنه سرمد واشتاقيتله مااكدر بدونه واتصالحنه لان واحد ميكدر بدون الثاني ورجعنه مثل قبل جانت الدنيه بارده اخلي اديه بصفاحه جوه الستره والكل ايصيحون ارحموا الحدايق ونضحك صارت سمراء كلش صديقتي كلش بحيث شيصير احجيلها وورى فترى حجالي سرمد انو معجب بيها وحبها ومراقبها من زمان وامتحنه نصف السنه وعطلنه وظلينه نتخابر وورى العطله رجعنه طبعاً احنه اول الناس امداومين اني جنت لابسه فستان جلد النمر وهو لابس جنز نيلي وقميص سمائي فاتح وستره سوده والتقينه وظلينه ايد بأيد وجانت احلى ايام حياتي مراح اعيش مثلها بعمري
عبدالرحمن:مريم راح ارجع احاجي ابويه والله الي يستر
مريم :اوك ثاني يوم الصبح اخابرعلى عبدالرحمن ميجاوب دكيت عليه كوومه ماكو خابرت سرمد الووو سرمد
سرمد :هلاو مريم خير شبيج #هدو الدليمي
مريم :سرمد عبدالرحمن وين ليش ادك عليه بالبدايه دك وبعيدن انغلق تلفونه الله يخليك كلي وينه هسه؟ #هدو الدليمي
سرمد: مريم شوفي عبدالرحمن البارحه فاتح موضوع ويه ابو صاير امصايح بيناتهم وكايل لابو خلي ابالك لو مريم لو مااخذ وابو ضاربه اول مره بحياته ايمد ايده عليه وعبدالرحمن عايف البيت وطالع
مريم: انت صدوك تحجي ليش اني ماادري
سرمد:هو ماراد ايضوجج وهسه محد يدري بي وين كلها ددور عليه
مريم:اني انهاريت وبس ابجي خابرت ابن عمه جان ايكول والله مادري وينه ماخليت شارع مادورت بي ورى ساعه خابرني حسن ابن عمه
حسن : ها مريم لكينا لعبدالرحمن جان كاعد بالمكان الي صارحج بي بالزوراء وطالع من عنده وكاعد على جسر الجادريه يبجي ويشرب جكاير ولكيته منتهي عوفي هسه وبعدين احجي ويا
مريم :اني ماادري شسوي خايفه عليه وخايفه على مصيرنه احنه الاثنين عفته بليل خابرته كوه يحجي ايكول اذا ماصرتي الي شسوي بنفسي اني شلون بينه كتله استهدي بالرحمن والله تنحل لتخاف
عبدالرحمن:ولج انتي ماتعرفين ابوي اذا قفل بعد هاهيه والله مراح ايوافق
مريم :طبعاً اني بس ابجي سد التلفون وجان هاي اصعب ايام حياتنه داومنه وهو كال خلاص بعد كل واحد ايروح بحاله مابينه قسمه اني طبعاً انتهيت وماادري شصار بيه كتله والله مااكدر اعيش بدونك وضليت ابجي انهاريت جان اتخربط اغمى عليه هو وسرمد وسمراء شالوني كعدوني على كرسي اسمع بس صوته ايصيح صوته الوحيد الي اسمع بعدين من كعدت اخذت المحبس من ايده وكتله هذا راح يبقى ويايه لحد مااموت وبعد اسبوع اني جنت كاعده بالنادي اجاني سرمد يركض
سرمد:ولج مريم الحگي عبدالرحمن انسحگ وراسه ممرود وايكولون مات انسحگ من ديعبر
مريم:شنو انت شدتكول جذاااب والله انت دائماً اتسوي بيه مقالب
سرمد:صدكيني مو جذب حتى الولد راحو يرگضون
مريم:اني حيل مابقه بيه اكوم الدموع تنزل شلال طلعت اركض جان اشوفه كبالي وانداريت وومن الهبطه صار عندي هبوط قوي ووكعت وبس اشهك اجه عبدالرحمن يحجي ويايه
عبدالرحمن : بعد ماانهيت كلشي وياها بس اني مراقب كل تحركاتها ورى اسبوع اني واكف ويه جماعتي بالحديقه شو اشوفها طلعت من النادي تركض شافتني ومشت اشويه ووكعت وسمراء اصيح الحكولي رحت اركض عليه خليتها على ايدي وهي بس تشهك كبيت عليها مي شربتها جان اتفتح شافتني ورجعت تبجي واتكولي يغني انت عايش مابيك شي كتلها والله مابيه شي
سمراء :والله اليوم اله اخلصك ياسرمد مثل ماسويت بمريم هيج
عبدالرحمن :شكو سمراء احجي
سمراء جنه كاعدين واجانه ايكول عبدالرحمن انسحك وراسه مطشر ومات والولد راحوله
عبدالرحمن: الله يطيح حظك يا ادبسز لك ليش هيج اتسوي بيها
كومي مريم يعيوني والله مابيه شي
مريم:والله اموت اذا صار بيك شي امووت وابجي #هدو الدليمي
كمت بس جسمي يرجف ووجهي اصفر المهم رجع يحجي ويايه وبقت علاقتنه اتخبل بس مااحجي ويه سرمد وكمت شيصير ويايه احجي لسمراء صارت اعز من روحي اجتي امتحانات اخر السنه امتحنه وطلعنه مرت فترت ٣اشهر مثل الزبده على العسل اتجنن الى ان اجه اليوم المشؤوم الي راسلني بي كرايب بابا ودازلي رساله على الماسنجر كاتبلي بيها ايحبني ويريد يتقدملي طبعاً اجتني الرساله بالوحده بليل اني جنت نايمه ونزيت على صوت التلفون لان جانت السماعت بأذني كعدت دزيتها لسمراء كتلها شوفي هذا البطران بس امانه لدزيها لعبدالرحمن اله اني اكوله كالت اوك
ثاني يوم اتصل على عبدالرحمن ميجاوب احجي ويا بالماسنجر ايرد عليه ايكولي هو هذا الي خنتيني ويا اتسوين نفسج نايمه واتحاجي
اني اتخبلت هذا شبي جان ايكول سمراء دزتلي الرساله الي دازها هذا الولد اناي موكلتيلي راح انام شلون شفتيها ودزيتها لصديقتج وظل يحجي عليه ومخلاني افهمه وكلي روحي خلاص الله يوفقج اني بعد مااكدر اكمل وياج اوووف لو تدرون اشصار بيه بساعتها بس ابجي اعيط سمراء اتهدء بيه هذا الولد حاجه امي ودز خالته حجت وياها وماما وافقت واني ساكته مااحجي احجي بس ويه سمراء وهي اتهدء بيه
سمراء:مريم خلاص شوفي حياتج والله ميستاهل هيج اتسوين علموده كافي الله ايخليج عيشي حياتي شوفي الولد احجي ويا طبعاً انس سكتت ودائماً اتصل عليه مغلق ميجاوب لحد مااجتي المشيه مال الدلم وعقدت على گرايبي بس جنت جسد بلا روح خاليه
عقدت يوم ٩/٥ اتزوجت يوم٩/٢٥ اتخيلوا بيوم حنتي شبعت بجي وكمت ايصيح اريد عبدالرحمن مااريد اتزوج بطلت وماما اتفرفح ويايه اجتي يوم الزفه الي اكثر يوم ماانسى بحياتي اجه اخذني من البيت للفندق واني مااعرف شنو ديصير وصلت للفندق طبيت للغرفه حاول يتقرب عليه ماقبلت لحد ما كمت اتخيله عبدالرحمن ياله صرت زوجه رسمي اتخيلوا حياتي لحد هسه هو عايش ويايه بكل لحظه وثاني لحد قبل ٣ايام كالتلي سمراء انو هو خطب اني اتهسترت كلش كمت ابجي واضحك سوى وصارلي مزوجه سنة و١١شهر واني لسه احبه ومتيمه بي ومراح انسى بحياتي اعرف هذا الشي غلط بس مااكدر واني وزوجي ميصير عدنه اطفال وهاي حياتي ....
شكراً لكل من قره قصتي وشكر خاص للكاتبه الي حجتلكم قصتي اتمنى تنال اعجابكم
ملاحظ الي ايحب خلي ايحافظ ويحارب لاجل الي ايحبه لا تتخلون عن بعض ابد ابد لان جذب الحب مينسي ابد طبعاً اني اكتب وابجي على الي صار
النهاية ...........