عشق الغرير

بارت 5
عبدالرحمن:يعني مراح اتكولين شي اوك
مريم:يعني شراح اتسوي ؟؟🤔🤔
عبدالرحمن :هسه اتشوفين قررت اصيح بعلو صوتي اصيح ياعالم ياناس احبها ومتقبل بيه شسوي وكمت اصرخ والعالم اتباوع عليه
مريم : عززه اني شفته ايصيح وكمت عليه اريد اسكته كتله خلاص خلاص اني موافقه بس ‎اســــًّﮕـــــ😒ت والعالم اتباوع عليه جان ينزل .. #هدو الدليمي
عبدالرحمن:يعني خلاص وافقتي واخيراً
مريم اي اي خلاص ☺️☺️
عبدالرحمن:يله لعد خلي نتمشي انروح لسرى وعلي انبشرهم
مريم :اوك يله وتمشينه
عبدالرحمن:علي وافقت واخيراً واني الفرحه ماواسعتني
مريم: طلعنه وشاعلين اغاني
عبدالرحمن:مريم اريد رقمج هاج هذا تلفوني سجلي
مريم :اوك اخذت تلفونه وسجلت رقمي ومن وصلنه للكليه اتلكونه اصدقائه سرمد ومحمد وعمر جان ايصيحون هااا بشرر قبلت
عبدالرحمن:اي قبلت واخيراً هههه وظلينه نحجي وبعدين مريم رادت تطلع كتلها من توصلين طمنيني
مريم اوك يله باي وطلعت من الكليه اووووف اول مره احس هيج احساس ايجنن وصلت للشغل واني الفرحه بعيوني امبينه خلصت شغلي وبعدين رجعت للبيت اتصل عليه عبدالرحمن وجاوبته كتله بس اتعشه وابدل ونحجي
عبدالرحمن: رجعت مريم للبيت واني رجعت بس افكر بيها وصليت ونمت كعدت المغرب اكلت وصليت وانتظر مريم ترجع من شغلها وبعدين اجاني ابن عمي حسن ظلينه انسولف لحد ماصارت الساعه ب١١:١٥ اتصلت عليها كالت راح اتعشه وابدل ونتخابر
مريم:كملت عشه وسبحت وبدلت واتصلت عليه مجاوبني انطاني رفض واتصل بيه واني مااعرف اوصف احساسي وظلينه نحجي لحد الساعه خمسه الفجر ونمت من التعب كعدت الصبح ميته نعس بس نشطه وطلعت للخط واني نعسانه نمت بالخط وصلت للكليه
ولكيت عبدالرحمن واكف بالباب ينتظرني
عبدالرحمن :طلعت للدوام واني متلهف ظليت انتظر مريم وبعدين شفتها نزلت من السياره صباح الخير مريوم شلونج
مريم:صباح الخير الحمدلله بس نعسانه ههههً
عبدالرحمن: يله امشي انروح للنادي
مريم:ظليت امشي بصفه وهو اطول مني رحنه للنادي ولكيت جماعته كاعدين وكعدنه وياهم وضلينه نحجي ونسولف وظلينه على اسبوعين واحنه نحجي بالتلفون من الساعه ٨:٠٠ لحد الساعه ٧:٠٠ الصبح لحد يوم الاربعاء جنه كلنه كاعدين
عبدالرحمن : اني حجيت ويه اهلي ووافقوا على مريم والجمعه انروح نخطبها وكلها فرحتنله باركولنه اني ومريم
مريم:اتفاجئت من سمعت عبدالرحمن حجه بس اتفاجئت اكثر من سرى ماحجت شي وكامت كالت اني عندي شغل وراح اطلع
رجعت للشغل فرحانه وخلص الشغل ورجعت للبيت لكيت ماما صايره اعصاب واتكول منو هذا الوهابي الي اتريدين تاخذي
اني ظليت صافنه ومااعرف شنو احجي ظليت ساكته سرى خابرتني وكالت شكو شنو صاير كتلها ماكو شي مرت هاي الايام عليه مثل الجحيم لان كوه احجي ويه عبدالرحمن لان كوه احجي ويا
اجه يوم الاحد داومت جانت امتحانات نهايه السنه وجان امتحان قبل النهائي داومت واني عيوني مورمه من البجي حجيت ويه سرى كتلها روحي لعبدالرحمن كوليله مريم اتكول خلينه نبتعد هاي الايام لان ماما موصليلها حجي موحلو عنه كالت اوك
سرى: من سمعت عبدالرحمن راح يخطب مريم كلش ضجت ورحت لامها الفت عليه حجي انو هو ارهابي ووهابي لان امها اتخاف عليها وادري بيها  متعصبه ومراح اتوافق ورحتلها وحجيت وامها ظلت صافنه وبعدين داومت وحجتلي مريم ورحت لعبدالرحمن وكتله مريم اتكول بعد مابينه شي مااريدك بعد ودبرت لعبه حتى اتبين انو مريم شايفه غيره حجيت ويه ولد اسمه محمد انو يحجي وياها
مريم :راحت سرى تحجي ويا واني ابجي شبعانه بجي ورى شويه اجتي سرى وكالت ايريد يحجي وياج رحت ولكيت عبدالرحمن بس ايصيح وعصبي وايكولي ليش شنو سويت اني واني مااعرف شحجي بس ابجي انهاريت وكتله لان انت سني وبعدين طلعت ابجي وجان اتخربط اباب النادي وشالتني سرى وعلي واجه محمد هذا الولد الي حاجيه سرى ويا جابلي مي وعبدالرحمن شافه اجه عبدالرحمن واني ابجي وكتله خلاص وخر عني بصياح ....
اخر يوم الامتحانات داومت واجتي سرى تتوسل بيه اروح وياهم يطلعون هي وعلي واني جنت مراضيه مااعرف شنو جانت اتخطط
المهم بعدين حلفتني كالتلي بداعتي عبدالرحمن خليني اطلع والله بعد مااشوفه وسايق راح ياخذنه كتله بس اكعد يمج كالت اي اوك
سرى: اخذت مريم ورحنه لسيارة محمد كعدتها يمه بالتوسل واني وعلي ليورى...
يتبع...