مر يومين وساره تزور ابوها بوجود زوجها ...اليوم رح يتخرج من المستشفى
طالعت اختها اميره إلي تكلم ابو فهد ومتنرفزه كثير : ما يطلعلك تحرمها من زيارة ابوي !
رد وهو يحاول يكون هادي لاخر لحظة : اتوقع يا ام ليث هذي الامور ما هي من خصوصياتك ...قلت لك متى ما استقر ابوك في بيت له انا ارسلها بنفسي ...لكن في بيت ابو راكان ما رح تروح ...وقفلي
قاطعته بقهر : ترى ابوي ما رح يسكت لك ..ورح يطلقها منك ...وانا اول المشجعين لانه تسلطك ما ينطاق ... وتفكيرك
قاطعها بلامبالاه : ذيك المحكمه يروح لها
ام سالم بنبره غاضبه لاميره : وبعدين يا ام ليث ؟!
ما في احترام
قاطعتها اميره بقهر : سامعه كلام ولدك وساكته وكأنه جايز لك كلامه ؟
ام سالم خفت نبرة الغضب : زوج وزوجته لا تحشرين نفسك بينهم !
وليه تعترضين انت ؟!
اذا صاحبة الشأن ما اعترضت او علقت على الموضوع. ...وشهوله تعترضين انت ؟!
اميره بغضب مكتوم: اختي على نياتها وإذا ما وقفت جنبها في ناس رح تمحي شخصيتها بالكامل ..وانا ما رح اسكت او اقبل
قاطعها بضجر : ام ليث رجاء قفلي الموضوع ...يكون افضل
اميره طالعت ساره إلي حاطه يدها تحت خدها وكأنها بعالم اخر وبزجر :تكلمي اشوفك ساكته !!
هزت كتوفها ببرود وبصوت يا دوب ينسمع : وش اقول ؟!!
خلاص روحي لبيت عمي وما عليك مني ...ازوره مع ابو فهد
سكتت ونزلت نظرها ورجعت لسرحانها بهدوء ...متجاهله النبرات الغاضبه من اختها .......
تغيرات جديدة رح تصير في حياتها ...ظهور ابوها هل رح يغير شيء ؟!!
وش رح تستفيد من وجوده ؟!
تنهدت وهي تناظر بأمل ...وجوده لها افضل من العدم ..ما تنكر تبغى تجرب شعور البنات المتزوجات لما يزورون اهلهم ....متأكده شعور جميل ...
ما تنكر تلميحات ابوها حتى يطلقها من زوجها ...لكن الفكره هذي ملغيه عندها ...خلاص تبغى الاستقرار ....وتعيش مثل باقي الناس يكون لها بيت وزوج واطفال ويعيشون بسعاده ....
مستعده تتنازل وتسمع كلامه حتى تحصل على حياة هاديه جميله .....
ما رح تستفيد شيء من النكد والعناد ....رح تجرب الطاعه ...ما رح تخسر شيء كل الحياة تجارب ا
قطعت افكارها وإلتفتت لام سالم إلي تكلمها : وين سرحت ؟!
عدلت جلستها وهزت راسها بالنفي ،: معك خالتي ...وش بغيتي ؟!
ام سالم عادت كلامها باهتمام : ليه ما تغديتي يا ابنتي ؟!
طالعت حولها واستغربت اميره ما هي موجوده وابو فهد يقلب بالجوال وبهدوء ردت: ما لي نفس شبعانه!
ام سالم بحرص : ما يصير يا يمه ..جسمك له عليك حق ...شوفي نفسك كيف جلد على عظم ...باكر تصير عندك مضاعفات ...
ساره هزت رأسها: ان شاء الله خالتي !
طالعها بهدوء آمر: قومي للمطبخ تغدي الحين ...وبعدها جهزي نفسك نمر على ابوك بطريقنا ..وجهزي البنات معك ..
ما توقعت انه يوديها وخاصه جكر بأميره ...غريبه تصرفاته ..قررت تغير من نفسها وتكون العاقله الرزينه وبنبره هاديه : اذا فيه مضايقه عليك خلاص يومين وازوره في بيته ..يمكن عندك شغل الحين
قاطعها : اخذت اجازه علشان نطلع اليوم ومنها نروح لابوك شوي
ام سالم بضحكه قصيره : قومي استغليها ترى بالمناسبات السعيده تقدرين تشوفينه من هالشغل !
طالع امه وابتسم : لذي الدرجه ؟!
ام سالم : واكثر من كذا !!
المفروض يكون لنا وقت تجلس معنا مثل العالم والناس ....
مو خمس دقائق نشوفك باليوم
هز راسه : ان شاء الله احاول اضبط اموري ...
وطالع ساره : قومي بعدك جالسه ؟ !
ام سالم اشرت على ساره : يا برودك يا ساره ...بحياتي ما شفت مثلك!!
شوف بعدها جالسه !
وقفت ساره وهي تضحك من قلبها على ام سالم وحركتها ....ما تنكر انها حازمه وشخصيتها قويه لكن تحسها بالحق تمشي وما ترضى بالغلط .... والاجمل بشخصيتها لو زعلت وصدت ما تطول بصدها وتنسى إلي صار وترجع مثل قبل واحسن ..ما تحقد وتحفر بقلبها .....
