أريد ان اعيش

الجزء الثاني

تقدمت لسرير البنيه وكعدت كبالها ...
انا : مرحبا

ماكو اي جواب

انا : تدرين شكلج كلش يخبل وعيونج صدك سحرتني بيهن حجي وبيهن لمعه ماشفت منها ابد

السكوت بعده بس نظراتها ولمعة العين زادت

انا : انا اسمي نور طالبه

( ملاحظه طبعا اسمي ملاك بس حبيت اغيره بالقصه 😘)

تربية اساسية وكلش احب الكتابه وعندي كوومه كتابات لبنات وصديقاتي
حتى ام احمد كتبت عنها وعن احمد
ابنها اشلون مات وليش دخلت هنا بسبب هذا الحادث ...

واحب اذا اشوف شخص حلو اكتب غزل عنه 😅

نزلت دموع وهنا حسيت روحي داسوي
شي غلط اجيت يمها مسحت الدمعه بيدي
وبستها وكتلها انا جددا اسفه حبيبتي
والله مكان قصدي انزل دمعتج فدوه
لدمعتج انا اعتذر مره ثانيه بس تكدرين
تشربين الدوه وأروح حركت براسها لااااا

اووف ياربي سويت لو الدكتوره منطيتها
ولا الي صار هسه خفت لا سويت شي بيها ومادري

كمت اريد اروح لزمت ايدي وكالت

اسمي لين
ياربي من سمعت صوتها مادري صار بيه اكو شي بداخلي تحرك فرحه بدمع ياربي
اكون سبب لان هاي البنيه ترجع تحجي

درت وجهي رأسن وكلت الها فدوه اشلون اسم يخبل ع صاحبته

لين : انتي مو كاتبه

انا : اي ييي واكتب قصص وراويات تردين اقرالج

لين : لا اريد تكتبيلي

انا :هااا

لين : واذا متكدرين خلص انسي

انا : لاااا اكتب اكتب واذا تردين يوميه اجي واسمع الج ونكتب الي تردي

لين : اليوم ماكدر غير يوم

انا : لين صدكيني راح ترتاحين من تحجين
مرات الكبت الي بداخلنا من نحجي
نرتاح ومن ندري ان الناس راح تسمع قصتنا
وتتعايش وياها نرتاح اكثر وانا عندي
حساس راح تكونين افضل بعد ما تحجيها ...

لين : اتفقنا اشوفج بعدين هسه اريد انام

انا : زين عادي شربين الدوه

لين : ايي اكيد ولو ازحمج اريد ماي

وركضت جبت الماي ونطيتها الدوه وبستها وباستني ورحت يم مريم وعلياء ...

مريم : والله عرفتج تكدرين تخليها تحجي

علياء : ولج بلوه هاي نور ههههه

وصار وقت نرجع للبيت لان وقت الزياره ميصير اكثر من ٣ ساعات

بوسنا مريم وجانت لين نايمه او مسوية روحها نايمه وطلعنا ....

شفت الدكتور أيمن كتله انه اكدر اجي بعد ، اريد التقي ويا لين...

كال متعجب شلون عرفتي اسمها ؟؟
حجيت وياها

أيمن : هاااااا حجت وياج

انا : اييي وتفقنا اكتب قصتها

أيمن : يالللله الله يبشرج بالخير البنيه عبالنا خرسه
اصلا جنت اخاول وياها بكل الطرق ومتنطي ابد مجال ...

انا( وبفرحه بس ربي يدري بيها) يعني اكدر اجي

أيمن : اصلا بأي وقت تردين تفضلي ....

انا (نور) : دكتور أيمن من هي تطلب انه تشوفني هذا رقمي وتمنى تتصل عليه حتى اجي ....

وطلعنا انا وعلوش جنت بقمت سعادتي 😍

رجعنا كل وحده للبيت علياء وصلتها لبيتها ووصلت لبيتنا ..

دخلت بوست امي وكتلها ع الي صار

امي : ايي وانتي اكيد فرحانه لكيتي قصه جديده

انا : هاي المره مو قصه هاي المره حاسه
راح اساعد وحده

أمي : الله يوفقج بوستها كوومه ورحت لغرفتي خليت راسي ع المخده وانا كوومه أفكار براسي تجي وتروح شنو قصتها وليش اجتي للمستشفى وليش تركت اهلها ......
كومه افكار براسي غمضت ونمت ... ...

للحكايه بقيه 😊
هل لامست قلوبكم 😍
اتمنى تشاركوني حروفكم 😋