قوتني امي بكلماتها وحسيت انه صدك لازم اشوف شبي
وصدك كمت لزمت تلفوني وخابرت سامي ...
__ مرحبا سامي شلونك
__ اهلا لين زين ع الله انتي اشلونج
__ انا موزينه سامي تعبانه كللش
__ لين ماريد اضوجج
من كال هاي الكلمه عرفت انه راح ينتهي كلشي
__لين انتي انتي طالك واتمنى تسامحيني ،
الي صار غصب عني ،
وبعدج صغيره والف واحد يتمناج ،
مرت اخوي جهال اخوي محد الهم وراح ازوجها ....
__ وانا سامي ، وحبنا ، وجهالنا الي فكرنا بيهم ، وضحكاتنا وفرحتنا ، كلهن نسيتهن
__ عذريني لين بس ماكدر
وسد التلفون ومن سده كلشي انتهى مادري منين جبت القوه ومانزلت دمعه بل بالعكس حسسسسيت
انه خلصت من هم جبيييير وكلت الحمد لله ع كل حال ...
جتي امي :وكالت ها يمه بشري شصار وياج
__ يمه انفصلنا انا وسامي
__ ولج صدك تحجين
__ اي يمه هو يريد يتزوج مرت اخوو ،ميريد جهال اخو يطشرون
__ اويلي ع حظج يايمه اويلي
__ لا يمه هذا قدر ومكتوب مو هيج تكولين
__ الله ينطيج الصبر والقوه
صعدت لغرفتي الاشياء الي جابهن الي كلهن حطيتهن بجنطه ودزيتهن بيد اخوي ،
وكال انه خلي تخليهن بس انا ماقبلت ...
مرت الايام ويوم يجر يوم وبدت حياتي
ترجع طبيعيه هواي ناس اجوي يخطبوني ،
رغم كل الي صار محد أيس مني ...
ولكم عوفوني بحالي اريد ادرس اكمل اريد اححق احلامي ،
الحمد لله وصلت لثالث متوسط ومااوكفت عن احلامي الجامعييه 😍
اجتي زينب بنت خالي المرحوم النا زياره وكعدنا سولفنا بعدها نتائج الثالث مطالعه ...
وبس انا وياها نضحك ومن ضحكنا كمنا نبجي وحده تحجي
همها وقهرها للثانيه اووف وجم اووف تنكال .....
وبين الكلام كالت ولج لين دريتي صار عند سامي ولد ...
هاااا الله يسعده
''حجيتها وبداخلي الف غصه وألم وجم ااااخ ....
وكتلها غيري السيره عفيه زوبه ماريد اتذكر الماضي ويا ..
اكلج صدك متردين تجيبين اخو لسرمد
ولج ماريد خليني اربيي ذوله بالاول
سرمد وايلاف جهال زينب تووم يخبلون جانوا صغار ووديهم نااعمه يمه صدقات 😍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
كمل اليوم بسرعه ويا زينب وجه رجلها واخذها جان انسان حباب معوضها حنان الاب وفقد الام الله يحفظهم ويخليهم ...
صعدت لغرفتي حطيت راسي ع المخده لييش هذه الولد مني المفروض يكوون ااااخ 😓😢
وبعدين ضربت روحي راشدي
كلت كااافي كوني اقوى الدنيا محتاجه الشخص الي يكسرها مو تكسره ... غمضت عيوني وانا اقوي بروحي ....
صار الصبح نزلت لكيت امي وابوي يهلهلون شعجب بيتنا وهلاهل شكو ...
كالت امي ربي يوفقج ويحفظج تصدكون نسيت انا بالثالث ونسيت انه اكو نتائج 😅
طلع ابوي جايب نتيجتي ومعدلي جان ٨٧ حلوو
اريد ادخل علمي اريد اكون طبيبه اسنان 😋
بوسني ابوي وامي واخيرا كعد حظي طمطمطحححح
هههههه وسولي حفله من الصبح جاب كيمر ابوي وصمون حار وامي شغلت ونجحنا والله نجحنا 😂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحمد لله رغم صعوبة الحياة اللهي انطاني اهل ميتعوضون ابد 😊
وبديت احلم يا كلية ادخل وانا الرابع مداخلته هههه
وامي فرحانه بيه هواي واي واحد يجي ابوي من يمه صار يرفض اي احسن كلت بداخلي ماريد بعد تعب ....
يتبع 😍
رايكم غوالي وفدوه سوا تاك حتى يقرون 😭
أنت تقرأ
أريد ان اعيش
Teen Fictionفتاة تصارع الدنيا لتعيش دووون لعنة الحزن التي تطاردها في احد الايام .... لكن هناك قوى خارج أرادتها تجعل من حياتها ...... حلبة مصارعه وتقوم الدنيا بضربها في كل جوله حتى وصلت للجوله الاخيره فهل ستموت بطلة القصه ام أنها ستقتل وتتخلص من تلك اللعنه التي...
