دخلت للبيت وامي تهلهل والكل يباركلي وانا دخلت اببجي ركضت للغرفه امي ضلت صافنه وصعدت وراي وكالت ولج شبيج ...
وكتلها انه علاء يشرب وانا بعد ماريده
وكمت اصرخ صووت
وعمري ماانسى كالت انتي فكر والنحس ميعوفج
وانا تعبت منج ومن هاي الصخامات الي تصير وياج وطلعت ...
ابوي من سمع الخبر كلش ضااج بعدين كلي ماكو زواج ،
بعد فتره اسبوعين خلص تعبت من حجي الناس شيخلصه 😔
بقيت اتوسل لابوي حتى يوافق ،
وصدك وافق وكال معليه بيج متجين زعلانه ...
المهم حجزنا القاعه وتفقنا بأي يوووم راح نزوج 😊
وظنيت الفكر والنحس راح ينساني 😝🤪
ورحت للصالون وفرحتي بيها خووف اريد يعدي الوقت بسرعه تعبت بعد مابيه أي خيبه ثاانيه .....
بس نسيييت بعض الظن اثم خابروني وكالوا ابوي بالمستشفى وصاريه بي جلطه .........
نرجع للمستشفى يم لين لان مكدرت تكمل القصه ......
نور (الكاتبه) كمت من الكرسي ركضت
يم لين وكمشت القلم كسرته
وتبجي وتصرخ ودموعها شلال
وكمت اصيح حتى تسمعني
ولج لليين فدوه سمعيني شبيج لين ليين
اجوي الدكاتره والممرضات رجعت لوره
خفت منظر لين وبجبها وصراخها خوفني
شفت دكتور أيمن شبكها وهي تكوله لاتعوفني انا خايفه ....
سحبتني ممرضه وكالت تكدرين تاخذين
راحتج ست نور هسه ماتكدر اعتقد تخلص لين كتابه
__ انا ادري واكيد هسه متكدر بس كوليلي تصير زينه
__ اصلا اول مره لين تبجي وتصرخ هي من يوم الي اجتي
ولين كلمه متطلع منها هسه حتى صراخ صرخت
__ ان شااء الله خير بس فدوه ردولي خبر عنها
__ ان شااء الله ولا يهمج
طلعت شفت السماء بجيييت
وكلت ربي شووف بحالها خطيه مااشافت راحه بحياتها اللهي وفقها وطول الطريق احجي وبجي 😔 ....
رجعت للبيت شبكت امي وبجي
امي : شبيج مماتي نور
انا : يمه خايفه يصير بيها شي واكون انا السبب
امي : مماتي دكولي يالله البنبه يكولون جانت متحجي
انا : انا راح اروح انام احس روحي تعبانه كلش 😔
مرت الايام عليه وكل يوم اموت بي خوف ع لين حبيتها حسيتها بنتي رغم مو كلش فارق العمر حسيتها طفله تتحمل هيج مسؤوليات وتعب ليش هيج النحس لاحكها معقوله ربنا لهاي الدرجه يحبها فكان يبتلبها .....
اووف اتمنى اسمع عنها اخبار
خابرتني علياء وكالت تعالي نروح نزورها
واذا كانت مو زينه نعوفها مندخل عليها فكرتها جانت حلوه ...
وبسرعه بدون تردد رحنا ...
ودخلت شافتني الممرضه الي طلعتني من تخربطت لين وكالت واخيرا جيتي ركضت كتلها اشلونها ...
كالت تعالي الج عندي رساله من لين وانا مشغوله كلش هسه اخلص شغلي وجي احجيلج
لعد وين هي لاااا بس لاااا .....
اخذت الرساله وانا ابجي وكانت علياء تهدء بيه
(( صديقتي الكاتبه نور احبك جدا فانتي من كانت لها يدا في شفائي ، كان مرضي اانني مكتئبه ولا اتكلم وحتى صرخاتي لا احد يسمعها كان كل شيء فيي داخلي حتى جاء اليوم الذي التقيت بك يااااجميله ، سأكمل الرواية واتمنى ان تنشريها واكوون جدا ممنونه 😊 .....
تكمله ...
من سمعت ابوي بالمستشفى هنا بقيت صافنه الكل يركض ويبجي وانا لاحس ولا خبر بس هوه يصععد وينزل ومن وصلتني امي للبيت دخلت ، وع نفس حالتي ماتحرك ، من اجه ابوي من المستشفى ماسلمت عليه وعيوني تريد تحجي وماكدر احرك روحي صرت احب الظلمه واحب الوحده اكثر ، الي فهمته اخوي وعلاء وسامي خطيبي القديم جانوا يعرفون اشخاص بالمخدرات وعدهم صديق ميت بالايدز فابوي تعارك ويا اخوي ...
والشرطه اخذتهم ٣ وطلعوا وابوي خله علاء يطلكني وطرد اخوي من البيت حتى يتربى .....
وانا من بعد ذاك اليوم ولا كلمه بس كتلهم اريد ادخل مستشفى لو اقتل روحي وصدك بقيت بالمستشفى وكل احد يحاول يجي ماقبل ارجع .....
وكان دكتور ايمن كلش يحبني وحاول شكد وياي بس ماكدر انه ارجع طبيعيه وحجي حتى شفتج يانور صدك نورتي طريقي وبيوم الي صرخت وطلع صوتي كال الدكتور ايمن وافقي بزواجي اخذج ونطلع خارج العراق حتى ، وهاي انا كتبت البقيه من قصتي بالسويد بعيده عن الكل وماريد اي شي يذكرني بالماضي ، عذريني ماكدرت اودعج بس رقمج ضااع ودورت شكد انا وايمن مالكينا ، شكرا يا دكتوره وكاتبه وروائيه وكولشي ....
وهذا رقمي اتمنى نبقى ع تواصل
اختج الصغيره لييين ......
خلصت قصة لين واتمنى تعجبكم ، بس ثقوا باللله انه مايفعله اكيد خير وسعاده هاي لين لو ماخذه واحد من اولاد خالتها كان هسه ويا ناس خماره وسكاره بس ربها انطاها دكتور وكد الدنيا مدللها ومخليها مثل المي الي بالصينيه 😊
دمتم في امان الله
اريد رايكم وشكرا لكل عين قرأت كتاباتي 😊😍 احبكم
أنت تقرأ
أريد ان اعيش
Teen Fictionفتاة تصارع الدنيا لتعيش دووون لعنة الحزن التي تطاردها في احد الايام .... لكن هناك قوى خارج أرادتها تجعل من حياتها ...... حلبة مصارعه وتقوم الدنيا بضربها في كل جوله حتى وصلت للجوله الاخيره فهل ستموت بطلة القصه ام أنها ستقتل وتتخلص من تلك اللعنه التي...
