أريد ان اعيش

الجزء الخامس

مر الوقت وبعدنا منتظرين خالي 🙄
وصار ٣ ساعات وخالي ماكو اجتي امي ،
ولج خابرتي لو لااااااا لييين وهب تعيط

__ ايي يمه خابرته وكال فد ساعتين ويجي

___ لعد وينه اشو لهسه ماكو

وهي تحجي دكت الباب وكالت
طفري هذا خالج اجه

__ شنو ارنب انا 🐰🐇

__ امشي لج ومن يجي خالج تسوين جاي وبسكت وتصعدين لغرفتج فهمتي ..

__ ان شااء الله يمه

ركضت فتحت الباب وطلع خالوا

__ هلوو خالي اشلونك
__ الحمد لله
__ همزين اجيت امي عصبت 😅
__ السياره عطلت مادري شبيها
__ تفضل تفضل

دخل للاستقبال وصدك جبت الجاي
والبسكت وكال تعاي كعدي كتله لا خالي اروح اكمل ترتيب ملابسي 😊

وطلعت سديت الباب ....
ووكفت وره الباب 🤣 اي لعد شبالكم الفضول يكتلني
وسمعتهم يكولون

امي : اكلك خوي انا اريد تنصحني،
امس جتي ام سامي وخوي ابو سامي يردون لين

خالي : وكطع كلام امي ، بس لايردون لين لسامي

امي : اي يخوي وانت تعرف سامي هسه ماعنده شغل لان طالب بس

خالي وكام يصرخ : لج خوي صدك تحجين البنيه بعدها طفله ليش هيج تعروسها ...

يمه من حجه خالي فرحت بشكل
متتخيلوا حسسيت بطمأنان فدوه لقلبك ياخالي ...

امي :يعني خوي اشيلها الفكره

خالي : لا يخوي اولا ميناسبها سامي ثانيا طفله

امي : هاي هيه خلص راح اتصل واكول الها ماكو نصيب ..

خالي : ييي خيتي بعدها

امي : الله كرييم ....

وصار حديث بينهم ، انا صعدت للغرفه اييي
خلصت منه وكمت شغلت الاغاني
وبس اركص 💃💃 خلصت من هم شكبره

ومره اشهر هم رجعوا وماعفوني براحتي ،
سامعين باللزكه صاروا هم لزكه وبقى
مصر ع انه اكون من نصيبه اووف ياربي
اشلون بيه ماريده وشكت حاولت وخالي
هم وكف وياي حتى اخو زعل منه بس خالي كلي ابد لاتوافقين وع هاي الحاله حتى صرت ثاني متوسط ....

بيوم من الايام من الصبح اسمع صووت امي وصراخ راح اخوي راح سند ظهري راح الهيبه ...

طفرت من مكاني الزمت ايدها كتلها شبيج يمه شنو الي صار وهي تخرط بوجها وتصرخ ولج
خالج احمد ماااات مااات وبعد مانشوفه ...
بدون شعور كمت ادك ع وجهي واصرخ وبجي ويا امي يمه بعد ماشوفه يعني خالي راح شبكتني وشبكتها وبقينا نبجي ونووح ووونووون وكل ونه حسراتنا تصعد .....

رحنا لبيته ولكينا هناك زينب وشبكتها وبقينا بس نبجي وخذنا من خاطرها والناس بدت تلمت جان خالي طييب والناس كلها تحبه ماعنده اعداء اووف راح الزين صدك راح ....

مرت ٣ يام ع وفاته ،
بليل اجيت يم امي شبكتها ونمت ع صدرها وكتلها يمه معقوله هذا سامي هو قتل خالي لان مجان قابل ،
ولج يمه سكتي اكو واحد يهج يسوي ،
ايي هذا مخبل وكلشي يسوي ...

ثاني يوم اجه التحقيق من الشرطه وشافوا بالكامره اشلون مات ،، جان حاط كامره بيته فهو يصلح بالسياره ويشرب جكاره ونفجرت عليه السياره ... سوده عليه ياخالي ماباقي شي بجسمك سليم اويلي عليك 😓😔 ...

زينب رجعت لبيت رجلها ومحد اله قلب يدخل بعد لبيت خالي ، كلشي يذكرنا بي ... وخطيه زينب لاابو ولا ام يعين قلبها امي صارت الها ام وكالت كلشي تحتاجين تعالي يمنا ... وهي صدك بين فتره وثانيه يمنا ....
.....
بعد شهور من وفاته ، رجع سامي وكال الي تريده اسوي ، تردون الصدك ، تحطمت من راح خالي ، هو جان اكثر من ابوي وامي يداريني وحجي ويا كلشي يمه ، ستسلمت للامر الواقع ، اذا هيج يحبني سامي وكاتل روحه يمكن راح ارتاح ويا ...

اجيت لامي دكيت الباب كالت دخلي امي لين ...
__ يمه رجع سامي يخطب مووو
__ ايي يمه ومادري شكول
__ يمه كولي موافقه
__ صدك يمه يعني موافقه
__ ايي يمه هو ابن خالي واذا الله كاتبلي السعاده اشوفها واذا كاتبلي الشقاء اشوفه لو جنت مرت وزير ...
__ عفيه بنيتي الله يفرح قلبج

يبتع .........