وجع قلب ❤

الاجزاء من 19 الى 24

قصة اليوم 💖💖💖💖💖
الاجزاء من 19 الى 24

اسم القصة
وجع القلب

الجزء التاسع عشر ❤❤❤❤

سجاد ..كعدت ثاني يوم الصبح ع احساس حلو جمانه جانت تبوس بخدي وتلعب بلحيتي ..
لزمتهه من خصرهه وخليتهه فوكايه ..
ترة دتلعبين بالنار انتي ..
هههه لا بطلت ..
مو بكيفج .
بست شفايفهه عضت شفتي بخباثه صحت ..
ولج دميتي شفتي ..
والله مو قصدي ..
جريتهه عليه وووووو تقربتلهه مرة ثانيه ..
رجعنه نمنه وكعدت متأخر تقريبا الساعه ب 10ندهتهه لجمانه ..
حبيبي .. حياتي ..الساعه ب 10اكعدي ..
كعدت مخترعه ..
يااا اخذتني النومه ..راح الوكت ع شغلك..
رادت تكوم سحبتهه ..
اهدي ..اليوم اني عريس ماروح للشغل ..
هههههه ..
بست شفتهه ..فدوة لهل ضحكه ..
فدوة لعيونك ..
تحبين عيوني ؟
بس؟؟بس احبهن ؟؟ مضغوظه منهن ..
هههه ليش ؟
حلوات مشايفه بلونهن من قبل .
كدامج اشلعهن واطيجياهن ..
همستلي بدلال ..احبك ..
فتحت عيوني ع وسعهن ..
عيديهه ..
مااه ..
خزرتهه وضربتهه كله بكصتهه ..
يله ترة ترة  ..ها ..لاتستفزيني ..
احبك ..
فدوووووة ..
هههههه خليني اكوم اسويلك ريوك .
مجوعان خليج لاتكومين ..
حضنتهه جانت نايمه صفح صرت بظهرهه واهمس باذنهه غزل وكلام حلو ..
لاتعلمني ع هيج دلال ..
واذا علمتج شيصير ..
اتعود ..
واذا تعودتي ..
جنه نحجي بهمس ..
اتعبك ..
شلون اتعبيني ؟
اگوم احاسبك اذا تقصر عليه ..
بشنو ممكن اقصر ؟
مو قصدي بالماده ..بالمشاعر بحبك باهتمامك بدلالك بحنانك ..
لعد اني اريدج تحاسبيني ..
ليش عود ؟
علمود حبي بكلبج يكبر ويزيد ..
علمود من اروح لشغلي تشتاقيلي ..
علمود لوعة الفراك هاي الزرعتيهه بيه ازرعه بيج ..
ماسويتلك شي ..
يتهيألج ..من اول ماشفتج وگعتيني بيج .
شلون بله ؟
هادئه ورزنه وثكيله وحلوة وشفايف مضروبه فلر طبيعي من الله ..
ضحكت بصوت عالي ..
ههههههههههههههههه ..
وج شنو هالضحكه الطايح حظهه بنت الاوادم ..
شبيهه ؟
مابيهه ..
لعد شكو تقلد عليهه ؟
مامقلد بالعكس احبهه .
شتحب بيه بعد ؟
خشمج .
ههههه ليش ؟
ناعم اقجم ..
تغار منه .
ماغار منه ..اغار عليج اذا احد باوعلج ..
اممممم احبببب نظرة عيونج ..
لييش ؟
لانج تخصيني لان كولشي بيج يخصني تابع الي حته نظرة عيونج ..
تحب بتملك ..
هذا اني ..
واني احبك مثل ما انت ..لاتتغير ..
ابتسمت ..
تدرين انتي طفله بالنسبه اليه ؟
ههههه لا مو لهل درجه ..
بلي لهل درجه ..
ليش شكد عمرك ؟
متعرفين ؟
كلولي 33.
اي صح وانتي 24 مو ؟
مو ..9سنين فرق ..ترة مو هواي ..
ههههههه هاي شنو عود دترفعين معنوياتي لوتقنعين بيه ؟
لا اقنع بنفسي ههههههه ..
ولج ملعونه ..
جذب جذب والله جذب ..والله مقتنعه وحامده ربي ع النعمه ربي يخليك اليه ولايحرمني منك اصلا بس شيباتك يخبلن ..
باع اللسان ..ينكط عسل ..
بستهه من شفايفهه جانت متلفلفه بالبطانيه جنهه دولمايه اريد الزمهه ماكدر ملفلفه روحهه زين ..
عود هاي شيسمونهه ..؟
خباثه ..ههههه ..
وج بردان ..
اني ادفيك ..
اي هيج هاي النسوان المعدله ..
هههههه ..
حضنتني عود تريد تدفيني وهي عبالك دودة بحضني من احضنهه تختفي بحضني تنغمر ..
يله ترة جعت ..
هسه حبيبي كايمه ..
كامت سحبت الغطا وياهه وركضت ظليت اضحك ع سوالف قزومتي ..
ظليت بالفراش دقايق وصاحتني جمانه حته اتريك كمت سبحت وصليت الفجر قضاء ورحت اتريك ..
كعدنه نتريك سوة سوالف وضحك وصارت الساعه 11 بعد مترهم اروح للماركت خليهه روحتي للعصر واني اعرف العمال هسه فاتحينه من الصبح ..
كملنه ريوك ورحت للغرفه تمددت اكنك بمبايلي ..وجمانه مالهه صوت بس اسمع طكطكه ..
رحت شفتهه شدتسوي جانت مبلشه تطبخ ..
هاحبيبي الگوة ..
ابتسمتلي ..شكرا ..
شدتسوين ..؟
غده غير ..
وشنوراح تسويلنه غ الغده ؟
عادي تمن ومرك ..اشوف شعدي مسواك حته اقرر شاسوي مركه ..
هاا اساعدج بشي ؟
لا حبيبي ارتاح انت ..
راحتي انتي ..
باوعت عليه بنظرة كولهه حنيه بس بتعب ..
تقربت منهه عيونهه ذبلانه عبالك نعسانه او تعبانه ..
شبيج حبيبي ؟شو مبين عليج تعبانه ؟
بس شوي ..
حضنتهه .
رادت تسحب نفسهه مني خاف لا اشتم بيهه ريحه طبخ لان دتطبخ بس جريتهه اليه ..
بست راسهه وخليته ع صدري ..
يمكن تعبتج اني البارحه..
حسيتهه ضحكت وهمستلي لاحبيبي بس عندي دوخه.
مرت ايامي بسعاده ويه سجاد وبعدني اسوي شغلي ع اكمل وجه ببيتي وجوة يم عيالي وعمتي وحمواتي يسمعني حجي وماعايفاتني بحالي بس ما اشتكي لان سجاد عوضني عن كولشي  ولخاطرة اتحمل كولشي ماطوله زين وياي ..الحمدلله ربي من عوضتني بي .
حته شيرين مرة اخويه يوم الي تجي ينكلب عليه يوم عزة تكعودتشكي وتسولف ع امي ولينا وحته ع ضرغام سودة عليه ميطي بامي تشتكي منه واني اعرف ماطول هي نفس طينه هالنماذج العندي عمتي وبناتهه معناتهه لاراح ناخذ حق ولا باطل ..
كمت بيوم جيه شيرين لاهلهه اتهرب اظل بشقتي فوك ما انزل وسجاد اشوفه يتضايق من هاي المشاكل بس ميحجي ابد بس مجرد انو يمنعني انزل يمهم علمود ميغثني بحجايه ..
صار عندي هواي وقت تعلمت الخياطه ورحت لاهلي مرة او مرتين وجبت منهم مكينه الخياطه البرذر علمود ابلش افصل واتعلم خياطه ومرات سجاد يطيني موبايله ادور فصالات جديده ع النت وانفذهه وجنت اوصي امي اي احد يسال ع خياطه من الكرايب والجيران تدليهم عليه واني ماخذه الاوكي من سجاد وعندي باب ع الطارمه يعني اذا اجتني مرة تريد تخيط يمي مااضايق احد استقبلهم ببيتي وما اخيط من سجاد موجود الا شي بسيط لان خطيه يجي تعبان واكيد يريد يرتاح والمكينه صوتهه عالي فما اضايقه ..
عادي استمرت ايامي اطبخ الوجبه مرتين ومرات اطبخ فوك واعزل فد ماعونين النه وانزل الباقي لعمتي وتبارك بس لليل والكه الي داخل الكدر مختفي وعرفت وين يروح ..
طلعت عمتي تنتظر الكدر يبرد وتفرغه باكياس او حافظات بلاستك وتجمدهن بالمجمده علمود من تروح الخاتون حماتي الجبيرة للقسم تاخذهن وياهه علساس امهه مسويتهن الهه ..
تعجبت ع هاي العالم خوب تكولي اني اسويلهه ..
والتنظيف ماجنت انظف يوميه لان عليه لود شغل والخياط وياهن ..
صح سجاد ممخليني محتاجه شي بس الخياطه شي اني حابته وبنفس الوقت يطبلي فلس زايد اجمعه واضمه يفيدني لوكت عوزتي ..
مر شهر ثاني ع زواجي وسالفه انو خلصن الشهرين وراح يطلكني سجاد راحت عن بالي لان ايامنه احلا من العسل واحنه سوة .
فديوم من الايام طبخت وكملت شغلي وصعدت كملت شغلي ببيتي وصاح الاذان صليت ونزلت اصب غده لعمتي لكيت سجاد جاي من وكت وعمتي مستلمته شكوى منعندي ..
اسمعهه تكوله وصخه متنظف حايرة بالسوالف ويه هاي النسوان التجيهه تخيط اشكال الوان .
اني صدوك اليوم ماجنت منظفه بس البيت نظيف واستغليت وقت التنظيف طلعت غسلت الطارمه وصعدت كملت شغلي ببيتي حته مالحكت اخيط شي لان والله ركض بركض كولهه تريد مني واني وين راحتي شنو هذا عقد زواج لو عقد خدمه ؟؟
اسمعهه تسولف عليه وجسمي يرجف اخاااف سجاد ساكت واخاف من ردة فعله من يسكت وابد ميقبل اعانده لو اناقشه لو اتلاسن وياه بس هالمرة غير ماردت اسكت ..كافي سكوت ..ماكلاتني وشارباتني عبالك مستعبديني حته سجاد وياهم ادري شسويت كفرت ؟؟
طلعت صوت واني دا انزل الدرج حته يعرفون اني اجيت ..دخلت عليهم للغرفه ..
جانت عيوني متروسه دموع ..
ليش عمه ..ليش بشنو اني قصرت وياج وهيج تحجين عليه كدام رجلي ؟
باوعتلي عمتي من فوك ليجوة ميعجبهه تحجي وياي التفتت ع ابنهه كالتله ..
هاي مرتك ام لسانين خلي تولي عن وجهي ..
فتحت عيوني صفنت مصدومه شوكت اني راده ع احد حاجي عليه شوكت مدافعه عن نفسي شوكت وشوكت وشوكت حته تكول عليه ام لسانين ..
والصدمه الاكبر سجاد ..لادافعلي ولاحجه ورد امه ولاكف كلامهه الشين عني ..
سجاد انت احجي شوكت اني متنفسه ويه وحده منهن امك او اخواتك ؟؟اشو اسمع الاهانه والحجي الموزين بحقي باذاني وانجب واسكت شوكت هاي صرت ام لسانين ؟
سجاد تريد ترفع ضغطي انت ومرتك ؟
شلون درب سليمه (سليمه ام سجاد )عساج بجلطه ماتكومين منهه ..
سجاد صاح بيه ..
امشي اصعدي فوك ..
سجاد !!
صرخ عليه كدامهه ..
ووجع صعدي فوك .
صعدت فوك وبس فتحت الباب انهاريت بجي ..
دقايق وسمعت صوت خطواته تقترب من باب الشقه كمت مسحت دموعي ومشيت للمغسله غسلت وجهي
دخل هو ..
وينج ؟؟
طلعت انشف بوجهي ..كتله ..
نعم ..
من جبتلج المكينه مو كلتي ماقصر ع بيتي مو حجيتي هالكلام بلسانج ..
اي حجيت ..
لعد شنو هسه تقصيرج هذا ؟؟
سجاد انت جاوبني ..مقصرة وياك بشي اني ؟
احلفك بروح ابوك ..مقصرة ؟
بيتي وصخ ..اني وصخه ..مكانك وصخ ..ملابسك وصخه وممكويه ..اكلك تجي تلكاه مو جاهز ؟
حلفتك تجاوبني ..
لا ..مابيج قصور ..
ذني كولهن من سوالهن عمتي لو خواتك ؟
صاح بيه ..
گنالج مابيج تقصير لاتظلين تعيدين وتصقلين بالكلام .
واني هذا بيتي وبيتي ممقصرة بي ماخليت بوعدي الك ..
وعتبي عليك تسمع يهينوني ومترد عليهم ..
ساكت سجاد اعرفه يستعملي ويعرف كلامي صحيح ..
مو لان بنت اصل واهلي خوش اوادم اشتغل شغل الخدامه متشتغله وما احجي ولا اشكي وموعاجب امك ولا حته عاجبك بحيث مانطقت بكلمه تدافع عني وبالاخير اطلع اني وصخه !!!
خواتك منو بيهم صغيرة شنو مشلولات ميكومن يشتغلن ببيت اهلهن لو مرة اخوك الي بالمناسبات اشوفهه ليش متجي تساعد لو ذيج عدهه لسان ورجال يدافع ..
اجاني راشدي سطرني ..
وكعت بالكاع ..
ماكمت بعد ..لزمت خدي ورفضت ابجي ..كافي ظلم ..
منتظرته يطلكني لان شهرين الستر خلصن ..
اخويه رجال واني مو بعينج ؟ماترست عينج من سترت عليج ؟
كمت وكفت بوجهه ..ضحكت ضحكه خفيفه باستهزاء شوف المرجله شلونهه يتقوة ع مرة ويشيل ايده ع مرة ويطلع بطولاته عليهه ..
كتله ..
لو حاط اخويه لو ابويه طلقه براسي ارحم من وكفتي هاي كدامك وانت تعيرني بشرفي واني صرت شرفك وعرضك ..
جمانه ..انتي طالك ..
شهكت ..بجيت ..ممتوقعه يبيعني بسهوله عبالي يحبني ..والله صدكت يحبني ..
ابجي ع حظي ..ابجي...
ابجي بحركه من الظلم والقهر الي ماشفت غيرهن بحياتي حته الفرح والسعاده حرام وهواي عليه ..
رحت لميت غراضي ملابسي شعندي شي مهم ..اسبوعياته الي جمعتهم 10اسابيع هذا بالضبط الوقت البقيته يم سجاد وبذمته ..
فلوسه شمرتهن عليه وهو عصبي ..
راح كسر الغراض وكسر مكينتي حرك كلبي عليهه  فوك قهري فوك ضيمي ..
سجاد الهادئ الحليم هاي مجرد صورة كدام الناس تغطيه لصورة رجال شرقي نموذجي اذا سمع كلام زوجته يصير مو رجال واذا سمع كلام امه لا يصير زلمه خشن وينحسبله حساب وعادي تنهان زوجته ..هاي العقول متعرف هي كرامه الزوجه من كرامه زوجهه ..
كملت لم غراضي وملابسي اخذت تلفونه واتصلت ع اخويه ضرغام علمود يجي ياخذني وسديته وهو ماعرف وينه ..
دقايق وصار ضرغام يمي ..
نزلت من الدرج الخارجي لشقتي ع الطارمه واخذت حته المكينه الي كسرهه وقطع القماش الملتزمه بيهه وبخياطهه ويه العالم ماشلت هم لهاي الشغله لان اصلا النسوان الي تجيني يجن عن طريق امي معلمات وياهه وجيران اهلي فماكو مشكله يوصللي واني يم اهلي ..
سالني ضرغام ..
شكو شصار ..شنو تعاركتوا ؟
لا طلكني ..
صاح ..ليش ؟؟
بالبيت نسولف ضرغام الله يخليك ..
لا اله الا الله ..
كلت اني ..حسبي الله ونعم الوكيل ..
رفعت عيني ع شقتي جان هو واكف يم الشباك شفته نظرة اخيرة ودرت وجهي لبيت اهلي ..