وجع قلب ❤

الجزاء الخیرات

قصة اليوم 💖💖💖💖💖
الاجزاء  من 25 الى 30

اسم القصة
وجع القلب

الجزء الخامس والعشرون ❤❤❤❤

جمانه ..رجعت للبيت اعصابي مفورة نااااار اريد اعرف منو كايل لسجاد ع حملي ..
طبيت للبيت لكيت امي بالمطبخ ..
هلا الله يساعدج ..
الله لا يساعدني ..
ليش يمه خيرج ؟
منو كايل لسجاد اني حامل ؟؟
اني كتله ..ليش ؟
استغفر الله استغفر الله ربي ..اي يمه ليش تتصرفين من كيفج شبيج وياي اني مو بنتج داريني شويه راعي الي احس بي الي اريده الي مأذيني .. شوكت رحتيله وين لگيتيه ..
جنت عصبيه واصيح ..
حيلج حيلج اكلتيني وشربتيني لارحتله ولا دورت عليه هو اجه اليوم الصبح وحجه ويه ابوج يريده يتدخل ويقنعج علمود ترجعين ..
وبابا شگله ؟
ابوج كال ماعندي مانع بس قنعهه ..
سكتت هذوله يريدون يجلطوني ..ليش كولهم صافين بصف سجاد شمسويلهم سجاد شنو الي بي همه يشوفوه واني ماشوفه ..
طبيت لغرفتي منهارة من الاعصاب بس مابجيت بطلت ابجي ..وهي الحامل اصلا بفترة الحمل تصير اعصاب ..
ثاني يوم طلعت لمدرستي بدون نقاب بعد الي جنت خايفه منه صار ..
لكيت سجاد واكف بالباب بسيارته ..وضرغام واكف يمه ديسولفون ..
باوعلي سجاد وابتسم ..اجه تقرب ناحيتي ..
ديسلم بس حركت شفافي همس ..
شكو ليش جاي من الصبح ..
كالي ..
الناس اول شي تسلم وتصبح ..صباح الخير ..
صباح النور ..شكو جاي ؟
باوعلي ضرغام سمعني عضلي شفه عود عيب ..
مو تريدين تروحين للدوام .؟
اي ..
يله صعدي ..
ما اصعد ..منتظرة خطي ..
ضحك سجاد ودنك ..
ضرغام حاجاني كالي ..
اي اجه خطج وكناله يروح زوجهه يوصلهه ..
صارت عيوني بكصتي وخزرتهم ثنينهم ..
سجاد طلع اديه من جيوبه ورفعهن كالي اني معليه واشرلي ع ضرغام ..
هو سوة هيج اني معليه ..
ضرغاااام !!
باوعتله بخزرة وهو عضلي شفه عيب منا شارع ..
وظليت واكفه ..
كالي سجاد ..
يله راح تتأخرين مو وراج دوام ..صعدي ..
يعني گوة گوة ديغصبوني ع اشياء اني ماريد اسويهه اعرف هاي دروبهم شو كولهه متفقه عليه وكولهه تحب سجاد ..
افتريت من يم ضرغام وضربته بجتفه حيل ..
اخ ولج ..
حسابك وياي بعدين ..
هو صاح بصوت عالي ..
اليوم اني ما ارجع للبيت اروح ابات يم نسابتي ..شتكول سجاد ..
احطك بعيوني نسيب ..
ضحكوا ثنينهم ..طبعا ثنينهم متفقين عليه وهذا ضرغام ...كون الزمه ..خيااانه ..هذا مو كلامه ..
صعدت بالسيارة وصعد سجاد سدالباب وشغل السيارة بدة يسوق وثنيناتنه ساكتين ..
عود انت شمسويلهم ؟
شنو ..منو ؟؟
اهلي ..هيج يحبوك ويردون خاطرك واني بنتهم ممعتبريني ..عود شمسويلهم ؟
ضحك ضحكه طويله ..
خير ان شاء الله ..
وانتي شنو تكرهين اهلج يحبوني ؟
اريد اعرف شكايللهم ..
مكايللهم شي ..بس انتي مضغوطه ..
ومنين انضغط عيني ؟
مني طبعا ..
هم كايللهم تريد تكسرني بمرة عود ؟
منو كال ؟
انت ..مو البارحه كلت تريد ترجع طليقتك ..
اي هذا حلال الله قابل همه يعترضون ع حلال الله ..
بعدين بتهم معانده متقبل ترجعلي شسويلهه قابل ابوس رجليهه ؟؟
سكتت ..
وهمه يدرون بيج تريدين تتطلكين مني ؟
اي يدرون .
ههههه ومن هاي مسوين حرب عليج ..
صدوك استفزني كلامه ..
سجاااد ماكو شي يضحك بالموضوع ..مشكلتك وياي مو ويه اهلي وانت اذيتني اليه مو اهلي وطلكتني اني مو اهلي و4اشهر شمرتني اني مو اهلي ..
من الاخير اكولك بالعناد اني ما اجي ..مشكله بيني وبينك اذا صدوك الك نيه تكمل وياي حياتك وعلمودي مو علمود الطفل لازم نعرف شنو هالمشاكل ونكعود نتفاهم عليهن وحده وحده بدون ماتدخل وسيط بيناتنه محاوله منك علمود تغير رأيي خاصه ابويه لان تعرفني ماكسرله كلمه وادوس ع نفسي لخاطرة بس الي ينبني ع غلط يظل طول عمرة غلط واذا استمرينه هيج مشاكلنه راح تزيد مراح تنقص ..