طفوله مغتصبه

البارت11

الحلقة الحادية عشر

افتكر اسر ان شريف كان قاعد معاة لما خد الورق من السكرتيرة فقرر انة يروح ويسالة  يمكن يكون عارف مكان الورق

خرج اسر من مكتبة وتوجة الى مكتب شريف وكاد ان يفتح الباب ولكنة توقف حين سمع شريف وهو يقول

شريف: يعنى كدة كلة تمام كل حاجة بقت تحت ايدك
٠٠٠٠٠٠٠٠٠٠٠٠٠٠٠٠٠٠٠
شريف: لا متقلقش انا عارف كويس انا بعمل اية ومحدش هيعرف ابدا

وقف اسر مصدوما مما سمعة ولم يتوقف عقلة عن التفكير

اسر لنفسة: مش معقول هو ممكن يكون هو٠٠
فتح اسر باب المكتب بغضب شديد وصاح: شرررريف

فزع شريف حين راى اسر وهو فى تلك الحالة فاردف بارتبالك: اااسر فى اية مالك

اسر بغضب وصوت عالى : يعنى انت مش عارف مالى

شريف: وانا هعرف منين

اسر: ماشى يا شريف اتفضل قولى فين الورق حالا

شريف: ورق اية ما تهدى كدة وفهمنى

اسر بغضب: ورق الصفقة الاخيرة مفيش غيرك اللى كان قاعد معايا وعارف انا حاطة فين

شريف بذهول: اية اللى انت بتقولة دة انت مفكر ان انا ممكن اسرقك دة انت اخويا

اسر : واية يمنع انت اة اخويا بس طول عمرك بتغير منى وبتحقد عليا طول عمرك حاسس بالنقص علشان انا صاحب اكبر شركات وانت شغال تحت ايدى وعلشان انت اتحرمت من ابوك ومن كل حاجة وانا اخدت كل حاجة
طول عمرى كنت بشوف فى عينك نظرات الكرة نحيتى بس كنت بحاول اكدب نفسى بس دلوقتى انا متاكد انك فعلا بتكرهنى وانك انت اللى اخدت الورق وخصوصا انى سمعتك وانت بتبلغهم انك قومت
بمهمتك

شريف بصدمة : انا مش مصدق اللى بسمعة منك انت ازاى بتفكر كدة على العموم انا من دلوقتى هبقى برا الشركة دى ومش هدخلها تانى  وهبقى برا حياتك كلها وعندك حق انا فعلا كنت متقل عليكوا اوى بس من دلوقتى انا هعيش لوحدى وهبعد عن حياتكوا

تركة شريف وغادر المكتب بينما وقف اسر مكانة لا يدرى ماذا يفعل

فى كلية ندى

كانت تقف ندى تنتظر صديقتها فى حين اتى اليها وائل

وائل باستخفاف: اية يا جميل واقف لوحدك لية
ندى وترفع اصبعها فى وجهة محذرة : ابعد عنى يا وائل احسنلك مش كفاية اللى انت عملتة

وائل بتريقة: هههههه عملتة هو انا عملت اية دة انتى ايامك اللى جاية معايا كلها٠٠٠٠

لم يكمل وائل كلامة حتى وجد احد يمسكة من قميصة ويلكمة فى وجهه بقوة

ندى بذهول: حازم

حازم موجة حديثة لوائل : دة انت اللى ايامك اللى جاية كلها سواد معايا