معذب قلبي

بارت الثاني عشر

بقلمي..ربى نبراس
بارت_12_
ايات
كعدت الساعه 7 بقيت كاعده ع الجربايه اكول..
ايات..اكوم اصلي لو لا زين يعني الصلاة حلو ليش ما اصلي اي بلى راح اصلي كمت غسلت وجهي وتوضيت فرشت السجاده لبست المحرم كملت صلاتي قريت شويه قران ارتاحت نفسيتي شفت الساعه بل7:45 كمت رحت للمطبخ احضر الجاي خلصت صبيتلي وبيدي التلفون فتت ع الانستا شفت الرسايل الي دازهن الي عصبت كللش لان انا ناشره صور خوواني شلون يحجي عليهم رديت عليه..
اولا استاذ اعذرني اجت بل الغلط
ثانيا احترم نفسك والقراءن ان حجيت اي كلمه ثانيه تسمعك حجي انته ما سامعه
ثالثا انته واحد ما تستحي لو بيك خير مجان حجيت هجي شلون كدرت تحجي هجي
رابعا هذووله الصوور صوور خوااتي الله يرحمهم 💔 واليحجي عليهم اموته
..
شمرت النقال كملت ريوك ووديت الصينيه للمطبخ ما غسلت الكوب رجعت فتحت التلفزيون شفت الفلم الهندي ما سمران وراهول خلص الفلم طلع يوسف ويحك بعيونه...
ايات..ها حبيبي تعال
اجى حط راسه بحضني اوف والله حاسه بيك ادري تريد ماما وانا هم اريدها ماكو ادفن من حضنها بعدها كام وعقج ووجها..
يوسف..ليش
ايات..شبيك
يوسف..ليش ماما تركتني ليش
ايات..(كاتمه البجيه كوه) حبيبي ماما كاعده تباوعنا هي ما تركتنا
يوسف..لا بله تركتنه  ليش هجي يوميا جنت انام بحضنها محد جاي ينومني بحضنه ليش؟**وهو يبجي**
ايات..اشش لا تبجي تدلل حبيبي يوميا انومك بحضني
يوسف..بس ماكو مثل حضن ماما 💔
ايات..اششش يلا كافي تعال
خليت راسه بحضني وابجي بسكوت دنكت شفته نام جريت المخده خليت راسه رحت للمطبخ صعدت ع الكاونتر حطيت ايد ع حلكي وايد الثانيه ع ااكاونتر اذكرت..
Flash back
..
منار..ها اي حبيبي
ايات..عزاا وولج منو حبيبي
منار..شششش سكتي لا ماما تجي
ايات..عندج حبيب
منار..ها اي اختي اجت احاجيك بعدين باي باي
ايات..احجي ولج
منار..سكتي راح احجيلج (حجتلي كلشي)
ايات..شيليني وحطيني ع الكاونتر
منار..درووحي
ايات..خووش مام..
منار..يله يله راح اشيلج
شالتني وحطتني ع الكاونتر
..
ايات..سويلي كابتشينو لا مام..
منار..اسويلج
جاي تحمي الماي ونحجي ..
ايات..صارلكم شكد
منار..5 ايام
ايات..فتحت عيني )اتسمين هذا حب
منار..ولج شبيج يعني حبيب صديقتي صديقه وجان يريد حبيبه وصديقتي كلتلي ووافقت
ايات..عزاا بعينج وبعد
منار..وحبينا بعض
ايات..عزاا شكد عمره
منار..23
ايات..اهاا زين شيشتغل
منار...بطل
ايات..شنو
منار..بطل مال ملاكمه (لا تحكمون مو سجودي💔)
ايات..اهاا
منار..تردين اخوه عمره 17 يفيدج
ايات..خاب دنجبي شايفتني مثلج عيني اناحبيبي ما اريد جاهل
منار..شلون لعد تردينه
ايات..انا الي عمره من 16 ال 23 اعتبره جاهل جذاب ميحب بس اليحب يكون بكد كلمته واصلا انا مقرر ما احب واحد بل المدرسه لان بعدين بس يصير بل الكليه راح يشوف اشكال والوان
منار..نجبي مين متعلمه هذا الحجي
ايات..انته وش دخلك وضحكت 
منار..ههههههههههه مخبله
..
اااخ ي منار شكد مشتاقتلج منو يسولفلي عن حبيبج منو يسولفلي عن صديقاتج البرعات يبووي شكد مليت من هاي الدنيا ..
شفت نقال صوت اشعار رحت فتحته لكيته نفس الولد..
..
كعدت الصبح اتريكت وطلعت للشركه لزمت النقال شفت هااي ردت عليه شكد كرهت نفسي شلون احجي ع العالم بس شقصدها بحجيها انا اعلم هاي المغروره..
انتي هييي ما تعرفين منو انا
ايات..منو لا لحضه انا اعرفك منو انته اوباما لان تشبهه كللش
شقصدج انتي
ايات..قصدي واضح وديلا ما احجي وي مزعطه
لجج شلون تحجين عليه هجي تدرين اكدر اجيبج بدقيقه عد رجلي
ايات..وه وه وه ع كيفك عيوني شدعوه عليك انا اجيبك لرجلي تكعد تبوسها ياا نذذل
شلون تحجين وياي بهاي الطريقه احجي
اياات..اهوو احسك مخبل وولي يلا بلووك
..
انطيته بلووك
..
انطتني بلوك هاي شحاسبه نفسها شمرت النقال ع القنفه مخبله بس انا غلطت ؟لا ما اتوقع اصلا اناما غلطت الكلبه مسويه روحها ما ادري منو؟
اخذت موبايلي واتصلت ع بنين.
بنين..ها سجاد شكو
سجاد..شبيج؟
بنين..كلشي ما بيه انته شبيك
سجاد..اتعرفين وحده اسمها ايات
بنين..اي اعرفها من قرايب محمد
سجاد..اخته
بنين..لا يا اخته قريبته بس
سجاد..ها ماشي
بنين..ليش تسئل خو ما صاير شي
سجاد..لا لا مصاير شي
بنين..اهاا مااشي لعد
سجاد..انا بل الليل ارجع
بنين..ماشي باي
سجاد..باي
..
سديت النقال رحت للبيت لميت ملابسي رحت للمطعم قريب اتغديت وورحت لسيارتي بقيت اسووق واخيرا وصلت لبيتنا..
..
من ورى ما انطيته البلوك بس كوون اشووفه والعن والد والديه اذا قبلوو بمحمد راح اشوفه يوم الخطبه لان اخوها وراح انرفزه بل الحجي ههههه بسيطه ي نسيت شسمك حتى ههههه صارت بل 12 نزلت سوويتا غداا واتغدينا كلتلي ام حسن باجر يجون اخو بنين وامه يشوفون محمد
ايات...ههههههههههههه
ام محمد..هاي شبيج
ايات..ههههه خاله تحسسيني جايين يخطبون محمد حتى يشوفنا ههههه حتى اذا حلو يقبلوو واذا مو حلوه ما يقبلون
ام محمد..ثوول
..
تسريع الاحداث صار يوم جديد الساعه بل5:30 دك الباب جنت لابسطه بنطرون وقميص قصير وشعري فاتحته وكدلتي مسويتها باف وبيدي مصاصه رحت فتحت الباب بدون ما اكول منو اجواا فتحت عيوني وحلكي بقيت صافنه الي ان طاحت مصاصتي 
..
رجعت للبيت كلت لامي انروح لبيت محمد باجر العصر وكالت اي كيفك صار يوم جديد رحنا للبيت دكيت الباب طلعت ابنيه صفنت بيها شكد حلووه بس هي فتحت حلكها طاحت مصاصتها شكد جاهله شويه وتبجي
.
ايات.. اتفضلوو
انتبهت لسحاب البنطرون مالته مفتوح يممهه متتتت عودك كاشخ تهي بهي دخلوو جواا وانا بسرعه رحت كلت لمحمد..
ايات..محمد اجوو اهل خطيبتك
محمد..اجووا شوو بسرعه
ايات..الساعه بل5 شنو بسرعه لعد تريدهم يجون بل12 ليل
محمد..ديلا طلعي خلي ابدل
ايات..ماشي.
..
طلعت رحت للمطبخ حضرت العصير دخل محمد انتظرت فد دقيقه يلا بعدين دخلت انطيتهم العصير وصلت اله سويت روحي طحت وشمرت ع العصير ككككك خباثه ..
ايات..(بدلع) اوي اسفه مو بقصدي
سجاد..(حس بيها متقصده بعصبيه) لا عادي
ايات..بعد احسن
محمد..اعذرني سجاد الحمام براا اخذي ايات
ايات..(بدلع) وليش انا اخذه
محمد..لانج ذبيتي عليه العصير
ايات..(بحده) ما متقصده تراا اتفضل..
..
اخذته وصلته للمغسله واحجي ويااه..
ايات..شلون هسه قميصك كسرت خاطري
سجاد..متقصده مو
ايات..انتقمت
سجاد..انتقمتي؟
ايات..اي
سجاد..ليش
ايات..لا..
شافت يوسف جاي يلعب طوبه ركضت اله وشالته..
ايات..ها ولك تلعب طوبه بدوني
يوسف..اهوو لازم وياي بكلشي
ايات..اهووو بعينك اي لازم بكلشي
يوسف..هففف (شاورتها) منو ذاك
ايات..(شاورته) وواحد ووكيح
يوسف..همست صديقج
ايات..همست لا لا عدووي
يوسف..(حط ايده ع حلكه) يوووو
ايات..هههه ايي يوو يله روح جواا خلي اكمل شغلي
نزلته وراح رجعت اله..
ايات..اجيبلك قميص تبدله؟
سجاد..ما يحتاج
ايات..بعد احسن وين الي خلك اجيبلك قميص
سجاد..انتي شنو
ايات..شبيه
سجاد..ووين اهلج امج خواتج ووين
ايات..(برطمت وردت ابجي من ذكرهم) شعليك انته
سجاد..شبيج
ايات..معليك ما يخصك
سجاد..استغفرالله مو صوجج صوجي انا الي كاعد احجي وياج
ايات..هسه شبيك كبر
سجاد..شكلتي
ايات..كلت كبر
جاي اروح درت وجهي وكلت اله ..
ايات.اااااا شغله سد سحاب بنطرونك غمزت وضحكت
شفت شكله شلون اتفشل درت وجهي واضحك بصوت عالي..
.
..