معذب قلبي

البارت العاشر

بقلمي..ربى نبراس
بارت_10_

ايات..هاي شنو
هيثم..شبيج كاعدين نلعب
ايات..(باوعت للساعه) الساعه بل12 يلا يوسف روح للحمام وتعال نام
يوسف..(باوعت لهيثم بنضره خليني يمك)
هيثم..خلي يمي يلعب شوي بعد
ايات..لا ماكو هجي شي يلا تعال
يوسف..بس ما اريد (وعيونه دمعن)
اجيت يمه نزلت لمستواه وكلت...
ايات..اخاف ع عيونك الحلوات
يوسف..شنو تخافين
ايات..اذا تسهر عيونك يصير ما حلوات
يوسف..اي عادي خلي يصيرن
ايات..(هسه هذا شيقنعه اجتلي فكره) بس انا كتلك اذا اتشوفك انو (بت اسراء الصغير ام البنين) بعد ما تحبك
يوسف..شنوو ليش ما تحبني 
ايات...ههههه ولك هسه هي اتحبك بس اذا شافتك ما حلوو بعد ما تحبك
..
كبل كام وطفر عليه..
يوسف..يلا اريد انام بس اريد حليب
ايات..هس..
هيثم..انا اسويلك
ايات..تعرف؟
هيثم..طبعا ههه
..
راح هيثم يسويله حليب وجاب شربه شلته وخله راسه ع كتفه يعني نعسان (انا اخوي صح عمره 5 سنوات بس للاسف طوله مثل طولي وخفيف هههههههه ) حضنته بقى يكرص بأيدي لو يكلي عصري ظهري هههههههه اخير شي تعب ونام انا عفته رحت للمطبخ اسويلي شي اكله جوعانه ما عدنه خبز ولا جبن شسويلي فتحت الباب لزمني هيثم..
هيثم..وين بل الليل
ايات.. انته ما تعرفني من يجي الليل انزل ادور اكل مثل البزونه
هيثم..(ضحك) جوعانه؟
ايات..ايي
هيثم..امشي وياي
ايات..لحضه ليش
هيثم..تردين يضربج مره ثانيه حسن مو؟
ايات..(ما عرفت شنو ارد بس كلت فرحت من داخلي بس ما بينت عندي اخو يحميني اووي فدووه) نزلنا انا وياه رحنا للمطبخ شفت ورقه معلكيها مكتوب بيها ""بقيتلج بيزا صديقتج واختج سميره "" كللش فرحت لان امبقتلي بس انا وسميره ما نتفق يعني ما نكل وحده للثانيه اسرارها هي عدها دعاء وانا عندي روان..
ايات..شوف امبقيلي اكل
هيثم..امم جيد
..
احذته وكعدنا ع الدرج..
هيثم..اكلج
ايات..مم
هيثم..سميره بكدج
ايات..(ضحكت ضحكه خبيثه وهزيت حواجبي وكلت) ليش؟
هيثم..يعني مجرد سؤال
ايات..الزبده
هيثم..ماكو زبده
ايات..هاي هي اسكت لعد
هيثم..صاعد انام من تخلصين تعاي
ايات..ماشي
..
صعد ينام ونفتح باب غرفت محمد عزاا بسرعه درت وجهي..
..
طلعت اشرب ماي اشوف الساعه بل1 فتحت الباب شفت ايات دايره وجهها..
محمد..شبيج؟
ايات..
محمد..مو كاعد احجي
ايات..
محمد..(بصياح) جااوبي
ايات..(ياا الله عصب شسوي))
محمد..(بعصبيه) لا تتجاهليني احجي
ايات..(يربي شسوي احجي لو انجب اجسن شي خلي اشرد فوك كبل جاي اكوم ولزمني غطيت وجهي بسرعه)..
محمد..شبيج ليش تتجاهليني
ايات..(يلا خلي احجي عادي) انته كلت ما اريد اسمع صوتج ولا اشوفج صح؟
محمد..اهااا صرتي اتسمعين الكلام جيد بديت اسيطر عليج
ايات..(شنو يسيطر عليه وصح انا ليش سمعت الكلمه مالته مستحيل اسمعها كبل ووخرت ايدي وابتسمت) غلطت لما سمعت الكلمه عذرني وهسه اريد اكمل عشااي
محمد..رحعتي مثل قبل موو!!
ايات..يي عندك مشكله😋
دفعني وراح للمطبخ رفعت ايدي غميته وهو دار وشافني..
محمد..هاي كاعده اتغميني
ايات.. اي
محمد..ليش
ايات..تستاهل ولا تتدخل
محمد..(ركضت الها ولزمتها من ايديها) مره ثانيه ان عليتي صوتج اضربج
ايات..لا تنسه عندي سند وما راح يخليك تمد ايدك عليه
محمد..اهااا صاا هيثم سندج هسه مو ما متقبلتي وما تريدينا
ايات..ميخصك وشيل ايدك
محمد..(شلت ايدي وصعدت فوك واخذت صحن البيتزا الملهوكه ما تكول انطي لهذا الرجال شويه خاف جوعان ههههههه) شربت ماي ورجعت للغرفه ونمت ..
..
ووخر ايده وصعدت وي الصحن كملت اكل غسلت حلكي وخليت الصحن للمطبخ رحت للغرفه ونمت ..
الصبح..
ايات..
كل يوم اسمع صوت يوسف يقضني من اانوم يقول جوعان لن اسمع له صوت اليوم لماذا؟! ما هذا الصوت هل انا احلم؟! ام انه حقا صوت يوسف وهيثم ...
فتحت عيني شفت الساعه بل 1 اليوم مطوله بل النومه كمت من الفراش بكسل غسلت وجهي وطلعت براا الغرفه شفتهيثم ويوسف كاعدين يلعبون بلي ستيشن ما انطيتهم اهميه رحت للمطبخ صبيتلي جاي وكعك اكل واشوفهم يلعبون اريد العب قبل معاذ ما جان يقبل العب بل البلي ابتسمت واذكرت شغله...
Flash back?..
ايات..عليك الله لا تضم اليدات
معاذ..ووخري ما تلعبين
ايات..فدوه اخوي شبيك هجي تخبث الله عليك اريد العب يعني انته من تطلع اضم اليدات ومن ترجع تلعب ومن تنام هم اضمهم لعد انا وين انطي وجهج
معاذ..انطيج اياهن بس بشرط
ايات..شنو هو؟!
معاذ..تنطيني نقالج
ايات..خاب درووح بيه خصوصيات
معاذ..شنو خصوصيات يعني عندج حبيب مو؟!
ايات...اي عندي لو تشوفه فد حبيب خراا ومطي الي واكف كدامي
معاذ..انا مطي
ايات..اي حبيبي
معاذ...جلبه تعاي خلي نتعارك
ايات..يابه ولي شنو اتعارك ووخر مسوي روحه بروس لي
معاذ..اي عندج مشكله اي انا بروس لي
ايات..عووووووع انته ووين وبروس لي ووين وانته شايف شكلك استغفرالله
معاذ..يلا يلا روحي لا اخبث
ايات..يله بلى شلون تخبث
معاذ..يويوووو
يوسف..هاا
معاذ..تعال اكلك شغله عن اختك الخايسه
يوسف..شنو هيه
معاذ..تعرف هذا ابو ككاير (جكاير)
يوسف..اي صديقي
معاذ..ايات تحبه
يوسف..شنو اصطبريلي اذا ما اكل لماما
راح يركض يروح يكل لماما واصلا جذب لا احبه ولا شي بل كوه سكته..
((الراوي..طبعا ابو ككاير جيرانه هم فهو يشتغل بل الاسواق هذاك اليوم طلعت انا واخوي اجيب عشاا فجبت كباب وعبرت الشارع جبت صمون جاي نعبر الشارع انا واخوي الصغير الاسواق يم المخبز فكلت لاخوي شوف هسه بس اعبر الولد مال المخبز كلهم يباوعولي كلالي حمى حمى المهم عبرنا وكلهم باوعولي طبعا اخوي ضاج دخلنا للاسواق ابوككاير جان كاعد مزوجله وحده مواليدها 2004 شيسوي بيها 😐😐😐😐😐👐👐 المهم دخلنا جاي اخذ العصير اباوعله يباوعلي من فوك ليجوه يمةة فد خفت سألني رباوي انتي شگد عمرج كلت بكلبي (عزاا شدرااه بسمي هذاا )هاا ء١٤كال امم وبقى يباوعلي فد خفت كبل ركضت طلعت من المحل اخوي كلالي شبيج كتله شفت صرصر 😂😂😂😂😂 طبعا انا اخاف من الصرصر كلالي ثوول ورى اسابيع سمعت من اختي الجبيره طلك طبعا ما رحنا لعرسه لان امي ما تقبل تخاف علينه يسوون العرس بل الشارع ما ادري ليش تخاف علينه عساس احنا ملكات جمال العراق وما ادري 😂😂😂😂 قبل اسبوع اجت امه دخلت وديت العصير سمعتها اتكل لامي اجيت اريد ربى لعلي انا هناا ما ادري شصارلي عزااا هاي شبيها تخبلت امي كلتلها صغيره ولزكت يوميه جايه من وراها شلنا ورحنا لغير مكان وطبعا انحرمت بعد ما اطلع اجيب صمون وعشاا كله بسبب ابو ككاير الخراا 😂😂😐😐😐😠😠😠 حجيت عني ونسيت القصه كملوو بس حبيت انطيكم واهس حتى تكملوها ❤🌚))
..
هيثم..ايات وين صافنه
ايات..لا مصافنه (مسحت دمعتي )
خلصت الريوك وديت الماعين اخذت الصحن ونزلت لكيت سميره جاي اسووي غدا خليت الصحن
سميره..ها اضاهر اكلتي البارحه
ايات..اكيد حب
سميره..هههه
ايات..شنو الغداا
سميره..الغداا فاصولياء
ايات..عووع ما احبها
محمد..ليش تحجين هجي ع النعمه؟
ايات..هاي شجابك مو عساس بل الدوام؟!
محمد..اليوم جمعه
ايات..ليش العسكريين عدهم عطله الجمعه ؟
محمد..غبيه
ايات..استغفرالله يعني ليش غبيه
.
.
.
شفت نزل هيثم ويوسف لابسين لبس رياضي ..
ايات..ووين
يوسف..نلعب طووبه
ايات..بدووووني
يوسف..يعني اختي ليش اصيرين لزكه هففف
ايات..انجب ولك يا هي اللزكه هسه اروح ابدل ملابسي واجي اذا لكيتكم متحركين من مكانكم موتكم صار ع ايدي
..
صعدت لبست برموده وتشيرت وشلت شعري ليفوك ولبست طووك ونزلت ...
ايات..يله يوسف انته وي هيثم وانا لوحدي
هيثم..لا لا يوسف وياج
ايات..لا عيني اهزمكم اخذه وياك يساعدك
هيثم..لا انتي اخذي ما اريد احد
ايات..لا بلى معليه يوسف وياك
هيثم..وياج
ايات..وياك
هيثم..لا وياج
ابو ايات..ها شو سويه سامحتي حبيبتي 
ايات..شعليك اذا اسامحه لو لا شيخصك
ابو ايات..ليش هجي تعامليني مو ما بقى بيه من عمر راح اموت .
هيثم..اسم الله عليك ليش تحجي هجي جم كتلك لا اجيب سيرة الموت
ايات..(بدلع وتكبر )لعد كون اتموت وارتاح
ما اشوف اله هيثم مد ايده وضربني حسيت نفسي غلطت لما حجيت هجي ..
هيثم..انتي شلون ينطيج كلبج هجي اسووين تدعين ع ابوج ليش راعي مشاعري حرام عليج هجي اسووين
ابو ايات..شبيك ابني قابل الله يعوف كل اعماله ويجي ياخذ روحي شبيك اهدى
هيثم..اذا انتي ما عندج مشاعر واحاسيس انا عندي وراعيهن هم انتي عشتي ع الاقل يم عائله جبيره واخذتي منهم الاحترام اما انا عشت بس وي بابا واحسها كافيه بل النسبه اليه بس محد احترمني تدرين عمي احنا من طلعنا لخارج العراق كبل اجى ورانا وراح كل لمدرستي كلهم انا ولد حرام وحتى من صرت بل الكليه هم يكلولي نفس الشي وللان بعدهم بس بابا مجان يريد يشوفني ضايج او زعلان شنو جنت اريده اخذه ولحد الان انا بنفسي شنو اريد اخذه الشغله الي أأشر عليها اتصير ملكي فهتي (عافها بدون ما يسمع ردها )
ايات..اسفه
ابو ايات..ميخالف بابا
اجيت يمعا خليت ايدي ع خدها بقت تباوعلي حسيتها تريد تبجي تريد تبجي بحضني ع صدري جريتها وحضنتها..
ابو ايات..اذاج حبيبتي
..
ضربني اذاني حاى خدي عوورني بقى يحجي وكلبي انكسر يعني حتى مت طلعوو خارج العراق اجى الخايس عمي ليش هجي اجى بابا خله ايده ع خدي بقيت اباوعلي بهاي اللحضه ردت احضنه وابجي بس ما استسلمت اله هو جرني وحضني وبقيت ابجي واكول..
ايات..💔 اسفه بابا والله اسفه ما ادري شلون كدرت هجي احجي ما ادري محد يحس بيه اخلي فقدتهم كلهم وانته هم رحت شكد جنت اتمنى يكون عندي اخوو جبير يضحكنا ونضحك وياي وشكد جنت اتمنى انو بابا يرجع من اادوام وكلنا انروح لحضنه ويطلع جايب النه كاكاو وجبس وعصير شككد جنت اتمنى 💔💔واني مستمره بلبجي
ابو ايات..اسف حبيبتي بعدت عنكم كل هاي السنين اسف سامحيني
ايات(وخرت عنه) ..ما ادري اخاف اسامحك وامهاتي ما يرضون عليه لان سامحتك
ابو ايات..ادري اذا امج كلتلي اعتني بيها واحميها وانا ما وفيت بوعدي انطيتج لرحاب (ام منار) ورحت بعد ما شفتج ما وفيت بوعدي اكيد هسه هي ما سامحتني اكيد اما الثانيهه مع انو ما ازوجنا وعرفت بيه فقير اهلها كلولها اطلكي منه بس هي ما اطلكت مني وكلولها نتبرا منج وصدك اتبروو منها وبقت وياي تدرين من جبتج الها كلت هسه تطلب الطلاق لان خنتها بس هي ما طلبته وكالت انا اربيها واخليها بعيوني وكالت هم الطلاق ما ينفعنا شكد حلوه تصرفاتها واسلوبها بس ما كدرت احبها لان حبيت بس امج اخذت كلبي وراحت اكيد هاي هم ما مسامحتني
ايات..بس الي اعرفه لازم قبل كلشي يسئلون عليك يعرفوك اذا زين ينطوك اياها واذا مو زين ما ينطوك اياها
ابو ايات..ما سئلو لان اهلها جانوو جابريها
ايات..جبروها ليش؟!
ابو ايات..ابوها جبرها كلالها اذا ما تزوجي اخلي ابن عمج ينهي عليج وهي وافقت
ايات..ينهي عليها شنو يعني
ابو ايات..اسمها النهوه الحق بس لابن العم يكدر ينهي ع بنت عمه يعني يا اما تزوجه يا اما ما تزوج غيره واذا ازوجت يكتلوها وجان ابن عمها اكبر منها 20 سنة وجان قاسي فقبلت بيه علمود ما تزوج بأبن عمها
ايات..يعني هي انطتك الثقه انو انته راح تعيشها بسلام بس انته ما عيشتهها خنتها حتى من ازوجتها ومن درت بيه ما طلبت الطلاق لان بيناتكم اثنين بنات والطلاق حرام بل المجتمع هجي قصدك عيشت امهاتي ثنياتهم بعذاب محد ماتت مرتاحه تدري امي بيها توسع بل القلب
ابو ايات..(فتح عيونه من الصدمه) توسع ؟
ايات..اي توسع جانت دائما تدعي ربها لا ياخذها قبل ما تشوفنا بل البدله البيضه واتزف خواني بيدها بس ما كدرت تعبت من ورى ضيمك حبتك حب من طرف واحد وانته ما عبرتها وتدري الحب من طرف واحد شكد يأذي
ابو ايات..سامحيني
ايات..مثل ما كتلك اذا اسامحك اخاف يغضبون عليه فخليني هجي نتواصل بس من بعيد يعني تبتعد عني بخطوات اذا ممكن 💔💔
..
عفته وطلعت برا بل الطارمه يوسف يلعب طوبه بتوعلي هز براسه شبيج هزيت راسي ماكو شي بقى يلعب وانا افكر اسامحه لو لا ولازم اروح اعتذر من هيثم لا شنو اعتذر منه هو ضربني بس بل الاخير انا استفزيته بل الحجي دخل علي شافني كاعده..
علي..شبيج
ايات..ما بيه شي لا يشغل بالك
علي..شعجب ما جاي تلعبين وياه
يوسف..ما ادري شبيها يدلت وكالت لا ما العب وياك
ايات..ما ادري تعبت
علي..يلا دخلي جوا وامي شخبارها وياج يعني علاقتج وياها شلونها
ايات..مو زينه وانا هسه رايحه اراضيها ما اريد احد يضوج مني
علي..عفيه وانا العب وياك
يوسف..هياااااااااا
علي..ههههههههههه
ايات..ههه
رحت دكيت الباب..
ام حسن..منو
ايات..ادخل عادي
ام حسن..دخلي
..
دخلت لكيتها ستوها مخلصه صلاتها رت يمها بست ايدها وراسهه وكتلها ..
ايات..انا اسفه بيبي
ام حسن..شعجب!
ايات..ما احب احد يضوج مني اسفه سامحيني
ام حسن..(ابتسمت) يلاا سامحتج
ايات..ههه حلوو
ام حسن..بس تراا ما ازوجج محمد
ايات..يااا كاتله روحي عليه ما اريده اصلا مو مواصفات فارس احلامي
محمد..ااا صدك
ايات..محمد! ما اجوز لازم تسمع كلش ما ملاحظ نفسك
محمد..عادي امشي واسمع بل الصدفه
ايات..امم
ام حسن..ما كلتيلي شنو مواصفات فارس احلامج
ايات..امم اريده حنطي وعيون سوود وطوويل وجسمه كله عضلات وكفشه وكوون عصببيييي حييييييل عصبي وبااااارد وما يتحاجى ويكره البنات ويحبني بس انااااا بس انااا
محمد..ما اتوقع اكو احد بهاي المواصفات
....
في مكان اخر وتحديداا في العراق اربيل شخص يجلس ع كرسيها ينتظر السكرتير يأتي ليحضر لها القهوه الساده كما يحبها وجالس بقربه صديقه يحاول ان يضع الابتسامه لوجه صديقه ولكن صديقه ما زال يقلب بأوراق الشركه من اجل صفقه مهمه وهذا الشخص...."""""" سجاد"""""" صديقه"""معتز"""
..
يتبع..
راح اعرف عن سجاد بل البارت القادم وراح تكون احداثها غريبه شويه ومستحيل احد متخيلها انتظروني..