معذب قلبي

البارت الحادي عشر

بارت_11_
ننطي القلم لسجاد يعرف عن نفسه...(اخيرا انعرفكم ع البطل)
سجاد
انا سجاد عمري 24 سنة من اهل البصره بس اجي لأربيل لان عندي شركه اشتغل بيها مكمل دراسه هندسة كيمياوي واجيت اشتغل بل الشركه مال ابوي بس ابوي اتوفى وصارت بأسمي مواصفاتي حنطاوي وعيوني سوود وطويل طولي 188 وجسمي عضلات وعصبي وبارد وما ابتسم بين قوسين معقد مو بسبب احد بس انا هجي وعندي سلطه ع الناس يعني حياتهم امشيها بأيدي ما احب البنات بس احب استمتع وياهم وواتركهم
..
معتز..انا معتز بعمر سجاد بس اختلف عنه انا اسمر وعيوني قهوائيات وطولي 171 وجسمي هم عضلات بس مو مثل سجاد سجاد قبل جان ملاكم بس هسه اعتزل شكد اتمنى اشوفه يضحك بس ميضحك شكد ما احاول اخلي يضحك ما يضحك فد معقد
..
البصره
ايات..انا اكلك اكو واحد هجي
محمد..ماشي اكو احد بهاي المواصفات ااا يمه اجى الوكت اخطب
ام حسن..منيه هي
محمد..بنين
ايات..هله هله عرس محمد راح يعرس هله هله
محمد..فرحانه
ايات..اكيد شوف محمد بعد ما اريد نتعارك خلي انكون اصدقاء
محمد..ماشي بس اصدقاء
ايات..اي اي اكيد بس اصدقاء
محمد..ماشي
ام حسن..يمتى نروح يمه
محمد..يمهه بكيفج
ام حسن..زين همه وين بيتهم
محمد..ورانا
ام حسن..انشالله العصر انروح
ايات..اريد اروح هم
ام حسن..خوش
ايات..هياااااا محمد راح يعرس هله
محمد..هههه
..
كملوو الغداا وكعدنا نتغداا وهيثم ما اتغده رحت اله..
ايات..هيثم
هيثم..شتردين
ايات..راح اكلك شي راح تفرح
هيثم..شنوو
ايات..انا سامحتك ورى خطبة محمد ارجع وياكم بس ما اروح لبريطانيا علمود العرس
هيثم..شنووو يعني رح ترجعين وياناا ؟
ايات..اي ارجع ومسامحتك
حضني وبادلته الحضن ..
ايات..يلا تعال نتغدا
هيثم..وبابا سامحتي
ايات..انطيني وكت وبعدين اسامحه
هيثم..ماشي
..
رحنا نتغدا خلصنا غدا غسلت الماعين شفت ام حسن كاعده تلبس عبايتها..
ايات..راح ترحين لعد لحضه ابدل واجي
ام حسن..ماشي
..
صعدت فوك لبست قميص يوصل لفخذي وبنطرون بووري وحفايه وشعري سويته ضفيره صفح ونزلت طلع بوجههي هيثم..
هيثم..ووين
ايات..انروح انا وخاله نخطب لمحمد
هيثم..هه انتي شكو رايحه
ايات..بعد بكيفي عجبني
هيثم..يله ماشي بس لبسج..
ايات..اهوووو هيثم لا تصيير مثلهم كافي عاد
هيثم..اهوو انتي ديلااا روحي وخلصيني
ايات..ماشي
طلعنا انا وخالتي رحنا لبيتهم..
تعريف بنين..
بنين..ابنيه حبابه عمرها 23 مكمله دراسة ام محمد من قبل جانت رايدتها لمحمد هذاك اليوم محمد طلع وشافها وانعجب بيها فقرر يخطبها بيضه وعيونها جوزياات كبااااار وطويله ورشيقه وشعرها بني بس محجبه سأل عنهم محمد وبعدها قرر يخطبها..
..
محمد..سميره انا طالع قفلي الباب وراي علي نايم وحسن طالع وي ابوي بل السيبه وابوها واخوها فوك تكعدين بغرفتج وما اطلعين خوش
سميره..خووش يلاا ماشي
..
طلع محمد طلعت وراه سديت الباب طلع بوجهي هيثم بسرعه دار وجهه لان جانت ما لابسه حجاب لبسته نزلت راسها خجلت ودخلت جواا رحت لغرفتي مثل ما كال محمد
..
ام بنين..اهلا وسهلا تفضلو
دخلنا كعدنا اجت بنين جابت العصير حلووه عمي خووش اختياار اجنن وطلعت،،
ام محمد..خيتي احنا اجينا جايين من الباب(قابل جايين من الشباك 😂 هذا علمود واهس) نطلب بنين لمحمد شتكولين
ام بنين..ونعم بمحمد بس لازم نسئل اخوها واعمامها
ام محمد..وابوها
ام بنين..والله يا ام محمد ابوها متوفي الله يرحمه
ام محمد..الله يرحمه
ام بنين..منيه هاي الحلوه الي يمج بنتج
ام محمد..لاا من قريبنا يتيمه ما عدها غير ابوها واخوها
ام بنين..اي زين شكد عمرج
ايات..عمري 17
ام بنين..واسمج
ايات..ايات
ام بنين..الله يحفضج حبيبتي
ايات..(ابتسمت)
ام محمد..يله بعد احنا نروح وانتو ردونا الخبر
ام بنين..ما بقيتو هوااي
ام محمد..ع الجايات انشالله يله ايات
ايات..يله
..
طلعنا ..
اياتت..خاله ما اريد ارجع للبيت
ام محمد..لعد وين ترحين
ايات..ما ادري الساعه بل5 خلي انروح للعشار
ام محمد..وين بيه حيل امشي
ايات..هففف يله خلي نرجع للبيت
..
رجعنا للبيت دخلت شفت هيثم يدخن..
ايات..ها ولك ادخن
هيثم..عادي
ايات..هههه
هيثم..وافقوو
ام حسن..يردون يسئلون اهلهم
هيثم..ماشي
..
ام بنين..اكيد سمعتيهم
بنين..اي سمعتهم
ام بنين..ماشي لعد خلي نسئل ع الولد ونشوف اخوج
بنين..انا راح اخابره
ام بنين..ماشي
..
في اربيل
رانيا..سجودي حبيبي ابقى
سجاد..غير مره عندي شغل
رانيا..اوفف اشتاقلك
سجاد..كتلج غير مره
رن تليفوني..
سجاد..هلو بنونه شلونج
بنين..زينه الحمدالله انته شلونك
سجاد..الحمدالله شعجب متصله!؟
بنين..عساس انا ما اتصل عليك
سجاد..اي
بنين..اجولي خطابه
سجاد..صدك
بنين..ايي والولد اسمه محمد مطلك من مرته وعنده طفل عمره 8 اشهر وضابط
سجاد..اهاا هذا كله شنو مخبل انطيج اياه
بنين..بس خوش ولد
سجاد..وشدراج بيه بنين تعرفي
بنين...هووووف شبيك سجاد نفسه الي مره امها اجت بس جنت صغيره بوكتها
سجاد..اي ادري بس شنو مزوج وعنده طفل بعد شكد عمره
بنين..26 سنه
سجاد..عنده خوات
بنين..ما ادري ها اذكر قبل جان عنده وحده واسمها سميره بس شو اجت اليوم وحده اسمها ايات ما ادري يمكن اخته
سجاد..راجع للبصره
بنين..ماشي يمتى
سجاد..بعد يومين
بنين..ماشي وشنو ردك
سجاد..كلت من ارجع لا تناقشين يله سدي النقال
..
بنين..اوووف ي الله شبيه هذا عصبي
ام بنين..شكال اخوج
بنين..يرجع بعد يومين ويتناقش وي عمامي يله هفف شعليه بعمامي
ام بنين...بنين لا تنسين ذوله اعمامج
بنين..اعمام؟ يمه اي اعمام من مات ابوي ما اشوفهم اله مره بل السنه يوم العيد وبس يمتى صاروو اعمامي واصلا انا ما احبهم لان حشريين ويدخلون بكلشي
ام بنين..بنين ايااج ترفعين صوتج هنااك وتفشليني
بنين..هاي عود اذا قبل اخووي يمه سكتي كافي
ام بنين..استغفرالله
..
هيثم..ايات عندي حجي وياج امشي فوك
ايات..لا هناا احجي
هيثم..ماشي كعدي
ايات..كعدت اتفضل
هيثم.. اول شي اجيت احاسبج ع لبسج بعد ما تلبسي واذا تردين تلبسين ذني القمصان تلبسهن وي تنوره وثانيا بعد لازم تتحجبين انتي مو صغيره
ايات..شنووو
هيثم..شكد عمرج ايات
ايات..امم راح اصير 17
هيثم..هذاا كله واتكولين صغيره هاي هي باجر انروح للعشار تشترين ملابس مستوره شوفي سميره شلون ورده وتسمع الكلام
ايات..روح اخطبها شسويلك
هيثم..ولج شنو اخطبها شبيج انتي
ايات..اخوي ادري بيك انعجبت بيها روح اخطبها حتى يصير بدال العرس عرسين
هيثم..وولي وباجر من الصبح انروح نشتري ملابس
ايات..لا ما اروح اروح السبت
هيثم..اليوم اربعاء
ايات..اي ادري لان اهل البنيه كالو 3 ايام ونرد الخبر حتى اذا وافقو بنفس اليوم اشتري البدله
هيثم..خوش لعد حسبي حساب ما اطلعين من البيت مناا ليوم السبت
ايات..اوففف خليني اودع طفولتي
هيثم..حبيت اوضح شغله بعدج طفله
ايات..(ضريت ايده بشقا) اسكت يلا انا راح ادخل
هيثم..ماشي
..
دخلت صعدت فوك كعدت ع الجربايه اكول يعني انا ليش فررحانه لان راح يزوج محمد معقوله علمود ما ابينله ضعفي لو هاي هي بعد ما احبه لو احبه جان كضيتها بجي بس مجاي ابجي ليش يعني هاي هي ارتاحيت يعني ما احبه الحمدالله اصلا انا كاعده افكر بفارس احلامي الحنطي ابو عيون سود والطويل ابو عضلات يبوووووي (خليت ايدي ع وجههي استحيت عوود ) يمتى اشوفك يااا شبيه اناا شنو يمتى اشوفك ثول..
بدلت ملابسي لبست بجامه وتشيرت اسود قررت من تخلص هاي السنه اذب الاسود اي بعد شهرين طلعت شفت يوسف يلعب بلي..
ايات..العب
يوسف..لاا
ايات..شنو بكيفك هو
يوسف..ايي
ايات..شنو هو مالتك
يوسف..لا مالت هيثم بس انطاني اياه
ايات..يلا يلا اشش حول طوبه شنو هاي مصارعه ويلا اختاريلي ريال وهسه اجي من تبدي اللعبه صيحلي .
عفت يوسف يكمل نزلت جواا شفت سميره كاعده تاكل شاميه...
ايات..اهااا شاميه انطيني لو اكولل امشي فوك يمنه ؤاح نلعب انا ويوسف
سميره..لا ماكوداعي
ايات..كيفج اكلج انتي ليش بطلتي من المدرسه
سميره..بعد ضجت ما احب الدراسه
ايات..هاا انا السنه الجايه اعيد الرابع لان بعد ما اكدر اكمل
سميره..هاا
ايات..ايي يلا رايحه العب شبيج تعاي
سميره.لا
ايات..اكو بعد
سميره..اي بل الجدر
ايات..اها ماشي
..
اخذت صحن وحطيت الشاميه الباقيه صعدت فوك ..
ايات...ايااا غشااش باددي اللعبه ومسجل كول عليه
يوسف..يله سكتي محد كلالج تتأخرين
ايات..استغفرالله جيب اليده هاك جبت شاميه تريد
يوسف..اي جيبي
بدينا اللعبه ونتهت ب.11_1 خطيه ااكول مال مساع  صعد هيثم..
هيثم..هاي كاعده تلعبين
ايات..اي العب سجلت عليه 11 وهذا الواحد جابه بل الغش
هيثم..جيبي هسه انا العب وياج
ايات..يله يله
..
لعبنا انتهت اللعبه 7_0 ..
هيثم..ها عاويه شو ولا كول ههههههه
ايات...وين ادري بيك قوي ههههه وتعرف تلعب
هيثم...هههههههه
..
نزلت جواا واتعشينا كلنا صعدنا فوك نومت يوسف وطلعت كعدت بل الهول..
ايات..يعني صدك محمد راح يزوج وراح يعيش حياته زين انا لا ضايجه ولا مقهورة لان لو ضايجه جان كلبت الدنيا بس بجي وهسه اريد حتى لو تنزل دمعه جذابيه ماكو يلا يعني انا انا ما احبه لان لو احبه جان ما فرحت صدك جبي جات مراهقه شنو مراهقه هو انا بعدني مراهقه بس جنت مراهقه زباله هههههه لزمت النقال كعدت اتصفح انستا اخذت حساب بنين دزيتلها رساله..
ايات..هلو بنين 🌚
بنين..منو؟
ايات..انا ايات
بنين..يا ايات؟
ايات..اليوم اجينا خطابه
بنين..اهاا اي حبيبتي اذكرتج اخت محمد
ايات..هاا لا مو اخته
بنين..لعد
ايات..من قرايبته
بنين..هاا
ايات..شكد عمرج
بنين..23 سنة
ايات..العمر كله
بنين..وانتي 17 مو ؟
ايات..ايي عندج بعد خوات اخوان
بنين..اي عندي اخو اكبر مني بسنه واخت بكدج
ايات..اهاا الله يخليهم الج
بنين..ونتي
ايات..انا جان عندي اختين واخو وام كلهم ماتوو بقولي ثنين خوان وابو
بنين..اسفه حبيبتي ما ادري الله يرحمهم
ايات..ويرحم امواتج
بنين..زين انتي هسه عايشه وي محمد
ايات..اي عايشه وياهم
بنين..ليش
ايات..اسباب ما اكدر اكولهن
بنين..ها ماشي
ايات..اخوج مزوج
بنين..لا ما مزوج عمره 24 سنه عايش باربيل يشتغل هناك
ايات..هاا
بنين..اي وانتي اخوج شكد عمره
ايات..اخووي ما ادري ما سئلته ولا مرا
بنين..ههههه صدك
ايات..اي والله
بنين..يلا حبي تصبحين ع اخير لازم انام
ايات..ونتي بالف خير
..
طلعت من المحادثه دزيتلها فولو قبلته حسابها جان برايفت قبلتني كعدت اشوف صورها تنشر صور اخوها اممم حلو مثل مواصفات فارس احلامي بس شو ما يضحك كله الله يحفضه والله يحفضه انطيتها لايكات ومسويه تاك اله دخلت ع صفحته انطيته فولو عادي وطلعت من الانستا طفيت الموبايل رحت للغرفه ونمت 
..
معتز..سجاد شبيك انته
سجاد..شبيه؟!
معتز.. خطيه رانيا شمسوي بيها
سجاد..كلشي ما مسوي بيها
معتز..تحبها
سجاد(بعصبيه)..شنو احبها جم مره كتلك لا اجيب سيرة الحب
معتز..ع كيفك اتخابرني تبجي تراا هي تحبك
سجاد..ادري بس انا ما احبها
معتز..لعد ليش تستغلها
سجاد..انا ما مستغلها هي تجيلي طبها مرض
معتز..ولك خطيه شبيك اخطبها وخلصنا
سجاد..لك شنو اخطبه هي كح.. نايمه وي ميت واحد شنو مخبل اخطبها
معتز..شبيك حرام هجي تحجي عليها
سجاد..خلي تولي ولا اجيب بعد سيرتها
معتز..انا رايح مو مال واحد يحجي وياك
سجاد..الله وياك
..
راح معتز بقيت بل الشركه اشتغل اتصلت رانيا..
رانيا..هلاو حبيبي اليوم تجي
سجاد..لا ما اجي
رانيا..ليش انا اتحضرتلك
سجاد..رانيا ليش تلزكين كتلج ما اجي
سديت الخط كعدت كملت شغلي خلصت صعدت بل السياره وصلت للبيت علكت السويج دخلت سبحت رحت للغرفه اخذت الموبايل شفت Ayat_16 قام بمتابعتك دخلت ع صفحتها ما تنشر صورها بس ايديها وونص ووجها ما ادري حبيت افشلها دزيتلها ع الخاص ...
اول شي ما اقبل المتابعه مالتج
ثاني شي شكلج ما حلوو
ثالث شي الغي المتابعه
رابع شي اعرفج تعرفين دازتلي متابعه
..
طفيت ااموبايل حطيت راسي واباوع ع السكف شكلها ما حلوو سمره وعيونها سوود لو اختها الدبه حمدالله والشكر ع شنو ناشره صورها بس لا عبالها حلووه خليت ايدي ع عيوني ونمت ..
..
..يتبع
شنو رايكم بل الروايه بس شو ماكو تفاعل ليش؟