??هجير الشتاء??

٢٨

هجير الشتاء
الجزء الثامن والعشرون

لاحظت الاسى والوجع بنظرات سيوان تداركت الموقف...
يلا تصبحون ع خير نعست حيل ..
سلمت بسرعة وطلعت...
لزمت ايده وبستها عصر ايدي حيل وفتحلي الباب...
صعدت وهو اندار صعد..
عاقد حواجبه ووجهه بائس..
مديت ايدي اتلمس ايده وهي فوك الگير..
حبيبي شبيك قافل ..؟
مابية بس تعبان ومصدع..
امممم عود ردت اطلب منك شي...
نصيت صوتي اكثر وتدلعت ..
حسيت وجهه شوي فك..كولي يروحي عيوني الج...
ياعمري اموت بعيونك اني فديتك..
بس فدوة اريد موطا فد مشتهية كلش...
بسيطة اذا ع الموطا اشبعج ..
ههه لعد يلا شبعنيي...اريدها من فستقة مو غير احد ..
وهم تدللين شعندي غيرج...
وصلنا للمرطبات ونزلنا اكلنا بس اني دخت عليها وهو خطية انطاني كاسته نصها..
اكلت وحدة ونص واكل اكول اممم كل يوم جيبلي عفية ..
رفعت راسي شفته حاط ايده جوا حنكه وصافن علي..
سالته بدهشة..
ها وين وصلت!!
غمزلي وعض شفته..وصلت لغرفتنا..استعجلي حتى توصلين وياي..
بعدت نظراتي عنه واني خجلانة..
امم يلا خلصت امشي نروح..
هههههه ب...مستعجلة...
صخااام سيوان مو كلت بعد مااغلط؟
انجبي حبي هذا مديح موغلط المفروض تفرحين..
هزيت راسي ومشيت...

وصلنا للبيت هدوء الكل نايم..
بمجرد سد الباب جرني لحظنه...
ب... متردين ....
فتحت عيوني بوجهه عزااا لسانك زفرررر شوكت ينظف...
سحبني وانطخ جسمي بجسمه...
همس همساته تذوبني..
تعالي نظفي لساني اذا انت كدها...
من يكلي هيج يستفزني ويخليني اسوي اليريده برضاتي...
لزمت وجهه بيدي وجريت شفايفه...
هالشي خله البركان يثورر....
شالني واخذني للسرير وتملكني بكل ود ورقة واحساس...
احس كل لحظة بحضنة جنة وماريد افارك حضنه...
اصفن مرات اتذكر قبل جنت اضوج منه..
وعبالي يريد يوكعني ويخدعني..
بس الحمدلله ماخدعني لان حبيته صدك جان تعذبت هواي..
حسيت بي غفى وامبين هواي تعبان...
نفسيته تعبت ومقهورة عليه كلش...
بقيت افكر وافكر الى ان نمت...

يوم ثاني كعدت مكسرة احس جسمي تعبان ودايخة..
تريكنا كلنا وطلع سيوان وعمي ويامن..
جانت ميسا جاية منظفة ماعدنا شي...
كالت خالتي اني حروح لبيت اختي مااتغدى هنا ..
اباوع لعذراء خطية اجاها افراج...
فاتت خالتي جوا وعذراء مبتسمة..يييي لج حتروح حرتاح منها...
اعتقد اليوم عدها جلسة مال بوتوكس...
ياا صدك شدراج ولج هههه...
سمعتها امس خابرت وحجزت...
يلا خليها ملتهية بشكلها المهم تنسانا...
ههههههه.....
صدك اليوم اني اطبخ عنج مشتهية دولمة لاجعة وحامظة ااخ بقيت امطك...
اوف وشوشة حتى اني اشتهيها خل نبلش اليوم ونبطنش هههه...
حضرنا المواد وبلشنا وخالتي طلعت ..
كملنا وجنت ناوية اخابر سيوان يجي يتغدا لان يحبها كلش...
وي الصلاة كملت صلينا الظهر وخابرته..
كال جاي اني ويامن...
حضرنا السفرة واني كل شوي افتح الجدر واكل ..
مستطعمة بيها بشكل غريب...
عذراء تباوعلي باستفهام...
تالي كالت ..
ولج وضعج مو خالي جنج وحدة تتنسى..!
غمضت عيوني بيأس..
عذورة ثنينا نعرف ماكو شي..
ياما ظهرت هيج علامات وتخيب الامال وتطلع اباضة لو نشاط ويزيد احباطنا...
زين مو تكولين البارحة من اشتهيتي موطا نفس اللهفة؟؟يعني شي غريب جنها وحام..
تعالي وياي شوية...
وين؟؟
امشييي...جرتني من ايدي وصعدتني لغرفتها...
اخذتني للحمام ىفتحت الصيدلية انطتني شريط اختبار...
هاج هذا جربي واذا خرب اكو بعد واحد...
هه؟؟تضحكين علي؟؟
لا مااضحك ...وضع رجلج مو ميؤوس منه وعلاجه اخذه من افضل الدول ..
مستحيل ميجيب نتيجة...
حرام تيأسون اليائس كاافر شتاء انت ويا ماعدكم الامل والحياة بلا امل متنعاش...
عافتني وطلعت ..بقيت بالحمام صافنة ع الشريط بيدي...
صارلي سنة شكم مرة لزمتك بيدي وجربت والنتيجة سلبية...
من اشوف الخط واحد ابقى ادعي يظهر الثاني..
اوهم نفسي انه خربان واجرب غيره...
الى ان اكعد بالارض وابقى ابجي لحد متنشف دموعي واطلع...
اخذته واني ابد ماعندي امل مطلقاً...
سويته وعفته ع الباكيت مالته فوك المغسلة...
طلعت سالتني كتلها مادري...
حسيتها انقهرت علي وماكدرت تكمل كلامها...

تمددت جوا ع القنفة وهي يمي بس منحجي...
ورا شويه وصلو الولد...
وكعدنا تغدينا...
وكل واحد لغرفته..سيوان كال انام شوية وكعديني ارجع للمحل..
نام هو واني كاعدة مجايلي نوم ...
ورا شوية اندك الباب..
بس دكة قوية واريد اكوم سيوان لاف ايده ع خصري...
اندك الباب مرة ثانية كعد سيوان..
و........ منوووو..؟؟لزمت حلكه بيدي عزااا خزيتنا...
فجأة وكفت الدكة ..
يبوو بس لا عذراء وهيج حجيت سيوان صخمتنا..
ولج هي عذراء شوكت دكت الباب واني يمج مو كله تراسلج؟؟واصلا هالدكة مالت رجال متشوفيها قوية..
اكيد هذا ال...يامن يريد شي ودك الباب..
اوف منك خليني اكوم اشوف منو شكد عيب..
لا لا لا تكومين شلون؟اريد فصل كعدت من نومتي تفصليني لازم...
ياا هههه واني شيخصني قابل كعدتك..
بعد مشكلتج اني اريد اسلم ع الصقر انطي ماي اخاف عطشان...
عزاااا ههه منحرررف..
دتعاي اراويج الانحراف شلون يصيررر...
صار فوكي ويبوس بوجهي وبشفايفي...
اشو رجع الباب اندك قوي وصوت يامن...
سيواان شتاء اذا كاعدين تعالو بسرعة اريد البشاارة...
بقينا صافنين بوجه بعض...
شبي يامن ؟!دفعت سيوان مني وهو كام لبست تراكه وطلع اني لبست عباية فوك ملابسي وطلعت وراه...
اباوع لسيوان بيده الشريط وصافن عليه مثل اليتأمله...
رفع راسه وحط عينه بعيني احس عيونه تلمع...
اشرلي بيده تعالي وهو مرتجي ع الحايط...
رحت يمه ومشاعري انشلت بوقتها...
وصلت يمه حط راسي ع صدره وحضني حيييل وباسني براسي...
مشمش انت حااامل ..يحجيها وصوته يرجف...

من كال هيج وكعت بحضنه..
فتحت عيوني بغرفتي وهو يضرب بخدي وبيده غطا العطر يشممني..
فتحت عيوني وبجيت ..حضنته حييل وزدت بالبجي..
حبيبي صدك اني حامل .؟؟يعني حيصير عدنا طفل ..
يعني رح افرح قلبك واصير ام ابنك!...
كال بصوت مخنوك..
اي حبيبي شوفي شلون ربج مينسى عبده..
شفتي شلون جبر بخاطرنا ثنينا..
مسح دموعي بيده كتله..
عفيه اريد اتاكد عفية اخاف هذا الاختبار جذب...
اني عفته ومباوعتله الظهر بس هسه خطوطه واضحة..
امشي نتاكد...
اني هم جاي اكلج نروح نتاكد ..
يلا تحضري حتى نروح ..
لبست بسرعة وطلعت لكيت يامن وعذراء برا يسولفون..
شافوني وباركولي واحسهم حيل فرحانين..
كتلهم حنروح للدكتورة رادت عذراء تجي مخليتها..
خطية حامل وثكيله مابيها تطلع...
رحنا للدكتورة بس قبلها رحنا للدوبلر..
اخذتلي سونار وكالت هذا حمل وواضح..
اخذت السونار واني وسيوان مثل الطالب الينطو نتيجته ناجح ..
فرحانين ووجهوهنا تضحك..
وصلت للدكتورة وفتت..
قرن السونار وهم اكدتلي الحمل..
كتبتلي مقويات ومثبت وطلعنا..
نحتار شلون نهني بعضنا..
فرحتنا النا ومنريد ننطيها لاحد...
اخذني لتايم سكوير كعدنا بكوفي انزو..
بقى صافن بوجهي ويضحك واني هم...
مشمشتي منا وهيج تعتنين بنفسج كلش ومتتعبين اوكي.؟
اني رح اتحمل مااقربلج لحد ميثبت ويكبر ماريد نخسره بعد...
ياا ليش متقرب..حجيتها ولزمت حلكي شكد عيب...
ههههه لتخافين مننحرم بس شوي ننطي الصقر مجال ...
اف ههه لتصب علي..
ماعاش الينصب على بنتي..
يلا شري عصيرج ونرجع ترتاحين اليوم ابقى يمج..
صدك ياااي احلى خبر...
اي هاي هديتج وبعد من تاخذين سونار حتكون هديتج غير شكل..
ياقلبي انت هديتي بالدنيا...
وراها رجعنا لكينا امه موحودت وفرحانة امبين حاجيلها...
رحت لغرفتي احس نعسانة..
تمددت وسيون يمي ....
بقيت صافنة واتذكر ايامنا قبل..
شلون جنت يائسة...
اتذكر بليلتها سيوان يشكك بالمشبك ومتحلف يكول الا احبلج..

للحكاية بقية