??هجير الشتاء??

29

هجير الشتاء
الجزء التاسع والعشرون

ورا ماخلص الشهر على هاي الليلة وبانت علامات عدم الحمل..
سيوان ضاج وانقهر...
جان متوقع وحسب كلام الدكتورة بسرعة يصير...
كتله نصبر اذا الشهر الجاي ماكو نراجع...
وفعلا رجعنا بمحاولات عدة..
واجا الشهر الثاني وهم ماكو...
قررنا نراجع ورحنا اثنينا..
اني رحت لدكتورتي واكدتلي كلشي سليم..
وبالعكس جدا متهيئة للحمل...
كلت الحمدلله لعد يمكن ممقسوم هسه...
من طلعت وحجيت لسيوان تطمن..
كال لعد اني افحص احسن...
راح وفحص عد دكتور..بس اجاني متخبل..
بيومها سيوان اول مرة يجي شارب من يوم زواجنا لهسه...
بقيت انتظره من راح واخابر ميجاوب..
بقى بالي عليه لليل هو ادك عليه ميرد...
بعدها اجه للبيت صديقه جايبه..
واني بالمطبخ انتظر شفته مزله وسنده من السيارة ..
طفرت للباب ركض...
توقعت مسوي حادث وهيج وضعه...
بس من دخل شميت ريحة الشرب انقهرت..
كلت اكيد ورا هالتصرف شي جبير وخطير...
بس لازم احسسه هالشي غلط وهو وعدني ميمشي بهالطريق بعد...

عفته وصعدت للغرفة..
تمددت ع السرير ودخل هو...
مشيته مو متزنة وعيونه حمرر دم ..
اجه كعد ع الفراش يمي..
باوعتله باستهزاء وسكتت محجيت...
وي نظرتي ثاني مرة ..ضربني راشدي فر وجهي...
اني انصدمت لان اول مرة يسويها...
رفعت راسي مصدومة ونزلت دموعي بسرعة...
انقهرت من تصرفه فوك غلطه يضرب...
باوعتله بقهر..فوك تصرفك الاعوج تضرب؟!!
سكتني براشدي ثاني..
وراشدي الثالث وكعت من السرير...
بقيت لازمة وجهي بيدي وابجي...
نزل يمي ونام ع رجليه..
بقى يبجي وينتحب مثلي...!!!
اني نسيت قهري ونسيت حتى الم ضربته النفسي والجسدي...
انصدمت بسيوان يبجي بصوت؟!!!!
بقى يبجي ع رجليه ويحجي...
شتااااء اني ماعندي امل بالخلفة كلللش لج شتااااء ربي عاقبني...
شكد جنت اعرف بنات ومشيت بدرب اعوج..
لج تعاقبت اسوأ عقااااب...
احس بجيته زرفت قلبي...رفعت راسه باوع بعيوني..
بس نظراته مسكورة وتمرد القلب..لزمته من خدودة وبسته بشفته...
حبيبي اني طفلتك شتسوي بالاطفال يعني يهونلك تقهرني واتمرض بسببك؟؟
فرك وجهه ومسح عيونه..ولج انت "دگة كلبي" بس شلووون؟؟؟
كمت وكفت وجريته من ايده...
اذا صدك تحبني كوم...
كام وسند نفسه كوة..
اخذته للحمام وفتحتله الماي بالبانيو والحمام دافي صار..
لان جان وقتها بداية شهر شباط...

وكفت يمه واني افتحله الدكم ..
وهو نظراته مكسورة وعيونه حمره ويباوع بتعب...
كملت شلت ملابسه ع جهة...
ورجعت كملت الباقيات...
اخذته للبانيو وكعدت يمه ع الطرف...
جريت الدوش وفتحته ع شعره ووجهه...
غمض عيونه وعصر راسه بايده حيل...
بدا يصحصح ويستفيق من الشرب ...
وخرت ايده ودلكتله راسه...
شفته استرخى شوية وهدا...
بس بعده مغمض عيووونه...
درت ودخلت يمه بالبانيو...
حضنته حيل وبسته بصدره ..
ردت انسي الي سمعه من الدكتور وحقه ينهار...
اصلا يحب الاطفال كلش...
وصعبة ع الرجال من يحس ميكدر يخلف يحس رجولته مخدوشة رغم هي قسمة وقدر....
بقى يلعب بأذني ومغمض...
همستله..حبيبي تعال اشاورك...
اممم احجي محدديسمع...
لا لا اريد يم اذنك كلش...
قربت يم اذنه وهمستله..
اكو صقر يسال عنك متعود بس تجي تتطمن عليه...
ضحك بقهر وكال..
لج تعبان وضايج عوفيني...
قبل ليكمل كلامة كعدت بحضنه..
فتح عيونه مدهوش..
تقربت بست شفايفه واتلمس بجسمه..
بادلني اللمسات والحضنات وانطلقنا بعالمنا المريح....

بعدها استرخينا ثنينا ونعسنا ...
بس مخليته يحجي شي...
نمنا ويوم ثاني خابرت سماء وسالتها عن رجال دكتور معروف ويعالج الازواج سوا...
يصير اقارب رافع...
كالت اني اكول لرافع يخابره وروحو اليوم..
لان هو الا حجز قبل اسبوع لان حيل شاطر وعنده هواي مراجعين...
بس لخاطر رافع ..
قنعت سيوان نروح ونتاكد لازم مناخذ بكلام دكتور واحد...
هو كال اني هم ردت اجرب اكثر من واحد...
بعدها رحناله وطلب منا تحاليل وفحوصات شاملة...
وطلب من سيوان يجي ورا ثلث ايام حتى يسويله فحص ...
اني كال وضعج تمام وسليم..
ورا مامرت ثلث ايام وطبعا شل حالي وكوة صابر ...
كل شوي وكال اني ضايج ومالي خلك الدنيا..
وفوكها يصوموني ثلث ايام ..غير النفسيته تعبانة يشبعو...
الى ان راح وسوا التحاليل..
كانت النتيجة النسبة قليلة كلش..وحتى الحمل الاول مات حسب كلام الدكتور لان النطفة ضعيفة...
العلاج يطول ولازم التزام..
بس النتيجة تبقى انت وحظك...
كتبله علاجات وبلش يعالج...
بهالوقت صار زواج يامن وعذراء..
تزوجو واخذها وسافر..

للحكاية شيء قليل
****