قالت لها يلا يا بنتي إفرحي جالك عريس
وادي الصغيرة فرحت ما هي ياعيني متعرفش إنها داخلة العرين..
زغرطي يا جارة وبلغي كل الحارة..
بنتي الحيلة هتتجوز وبقت عروسة جميلة
ده الكتاب إتكتب وادي القسيمة..
يا حاجة دي بنتك لسه صغار ..!
دي يدوبك كانت بتلعب قدام الدار..
قوامك هتجوزيها؟! يا دي السواد علي ده نهار
هتديها لراجل في عمر أبوها يتحكم فيها وقال إيه عليها بيغار.. !!
دي عمايل برضوه تعملوها؟ ده اللي يعرف عمايلكم والله تجيله حالة إنهيار..
وإنتوا في إنبهار ببنتكوا الصغار؟؟
جوزتيها ياختي؟؟ إرتاحتي ودبحتيها مع راجل ختيار؟!
أهي راجعه تبكي وتتوسل إنجديني يامه
ده راجل ميعرفش الرحمه
وتاني بتدبحيها وتصبريها..
بكلمتين وقلتلها يابنتي عدي ومشيها
أهي مشيت وراحت مع الأيام.. أيوة راحت ومرجعتش يا أم حنان..
ده مش جواز ده جنان
أيوة جنان لما تجوزي الصغار لراجل ختيار!
_ فاطمة حمدي _
