#فصلية ريحة هلي
#البارت الثاني
الق / شبيج مامه سهله بس منو الفـصليه ؟
عـمر / وج الق انتي الفـصليه
الق / شنووو
محمد / بابه حبيبتي افتهمي اذا ما رحتي فصليه يا يكتلوني يا يكتلون عمج ويصير الدم بين العشيرتين ،
الق / لا بابه لا اني وحيدتك ما ريد اروح الله يخليك وداستي ومستقبلي ما فكرت بيهن لااا ما اروح ( صياح وبجي )
محمد / بابه مقدر وضعج بس شبيدي يله يله لتروحين اهم شي سعادتج واني اروح انطي رگبتي الهم ويخلص كلشي
علي / يابه شدتحجي انته ولج الق ترضين ابوج ينكتل
زهره / ولج يمه يا بنتي يا رجلي دخيلك يربي حلهه
الق / 😔 خلص خلص اني اروح
في قرية الشيخ حمزه
كرار / هلوو اني اسمي كرار اعرفكم بنفسي
اسمي كرار عمري 22 طويل عندي عضلات لان العب حديد وملامحي خليجيه لان بصراوي وامي من الخليج بس تحجي عراقي بشرتي حنطاويه
جنت اداوم بكليه ابغداد و تخرجت منهه صارلي حوالي ٣ اشهر
جنت احب وحده بلكليه بس للاسف مصارت القسمه واتزوجت ابن خالتهه ومن وكتهه لغيت قانون الحب
عندي اخوان اثنين ثوأم حسن وحسين بكلية البصره مرحله اولى ثنينهم
المهم وره ما تخرجت كمت اشتغل ويه ابويه الشيخ حمزه واني ابن شيوخ و احب اكون شيخ وابوي دائما يعتمد عليه بس اخواني مهملين من ناحية القريه اني احاول اخفف عنهم شغل القريه لان اريدهم ينجحون
طبغا ابوي عنده ٤ اخوان وهوه ال ٥
ابوي الجبير وهوه الشيخ استلم الشيخه من جدي
هيثم ، عمي الاصغر من ابوي متزوج وحده سبحان الله فد خباثه ( الطيبون للطيبات و الخبيثون للخبيثات ) وهوه جان هم ماقاصر خبيث ودائما يسوي مشاكل بلقريه عله الرغم من كبر عمره بس عقله زغير عنده بنيه هم نفس الطينه خبيثه اسمهه ايه حاطه عينهه عليه ولان ابوي كلي لازم تتزوج بنت عمه واني كتله يابه اعتبرهه مثل اختي ما قبل كال لا مستحيل تتزوجهه يعني تتزوجهه كتله ماسي بس من اتخرج. المهم
و احمد / عمي الاصغر من عمي هيثم واعي ودارس ومثقف ابوي هم يعتمد عليه واني احبه متزوج وعنده ولـدين واحد بلسادس اعدادي والثاني خامس اعدادي فد حبابين وهادئين وامهم هم حبابه وهادئه
جاسم / كذالك عمي بس هم متزوج بس ماعنده اطفال و طيب و مثقف
و عمي رائـد. مامتزوج
طبعا كلنه عايشين ابيت جدي البيت جبير ومكفينه الحمدلله والوالده ربي يحفظهه ماكو اطيب منهه
وعدنه خدامه مره مو حيل جبيره اسمهه ام حيدر ابنهه استشهد بلحرب و زوجهه يشتغل بلبستان عدهم بيت صغير بره بلحديقه ابوي بنا الهم مأثث من كلشي هيه متوليه ملابسي واكلي و شربي وطبعا امي مامقصره
(تـسريع الاحداث )
بيوم من الايام دنشتغل بلقريه بلبستان وجان يجيك ذاك الولج ماعجبني شكله سكران وبيده صورت بنيه ويصيح استغفرالله يمكن اجه عله بستانهم لان البستان جنه نريد نشتري ومتفقين ويه ابو البستان هوه شويه بعيد عن القريه نروحله مشي حوالي ربع ساعه ونوصل المهم اجه الولد اني جنت واكف دنحرث الكاع اجه يصيح بستاني و بستاني اطلع حرامي و كوه يحجي وريحته ابد مطيبه
ازمته من ياخته
كرار / يولي احترم نفسك شنو حراميه
اياد / اي اي انت انتو حـرامـ حراميه اطـلعوا من من بستا تاني
كرار/ تروح منا لا ابتلي بيك
اجه ابوي رزله
حمزه / عمي شنو حراميه احنه مشترين البستان من ابوك
كرار … اشو هذا طلع مسدسه وضرب ابوي و انهزم
كرار / بوووووووويه
