#فصلية ريحة هلي
البارت الثالث
كرار / بوووووويه 😨
بووويه كوم بووويه دخيلك لتعوفني يااااابــه
(بالمستشفى)
الدكـتور / البـقيه بحـايتكـم 😔
كرار / شنووو لا دكتور مستحيل بووويه
احمـد / كرار ميصير هيج اهدئ انته انسان مؤمـن 😢
كرار / ولك عمي هذا ابوي الغالي كسر ظهري بوويه 😭
جاسم / ولك كرار حمزه كسر ضهورنه كلنه مو بس انته 😭
(في بيت الشيخ حمزه)
ام كرار / يا يمه راح سندي ياربي دخيلك 😭😭
كرار / يمه اهدي ميصير هيج كلنه عله هذا الطريق
ام كرار / ابني انته لازم تاخذ ثار ابوك 😭😭
كرار / صار يمه صار بس اهدي
ام كرار / 😭😭😭اوف يمه
ام مصطفى (مرت عمي احمد ) / خاله ادي ميصير هيج 😔😢😢
كرار… وره ما توفه ابوي حلفت اله اخذ بثاره سويناله فاتحه و عمي هيثم حار شسوه وشحجه في سبيل يستلم الشيخه بس عمامي الباقين وكفوا بوجهه وكلوله ميصير كرار ابن الشيخ وهوه الي يستلم الشيخه بعد الشيخ حمزه المهم خلصت الفاتحه و سوينه كعده ويه اهل الملعون اياد وطلبنه منهم فصل 10 ملايين وفصليه
( في بيت الـق )
الق / بعد ما عرفت انو اني الي راح اروح فصليه ولان اني الوحيده لاهلي وعمي ماعنده بنات فه لازم اروح اني وراح اترك مستقبلي ودراستي وصديقاتي وكلشي ثاني يوم رحت ودعت صديقاتي بلمدرسه و خطيه روان كامت ادك وتلطم وتبجي و وراهه رحنه للسوق اشترينه ملابس و ذهب وكلشي حضرنه وابوي كال الخميس نروح فه اجه يوم الخميس وياريته ما اجه ودعت اهلي وطعت امي وابوي وعمي ومرت عمي واخواني ودعت البيت الي عشت بي طفولتي راح كلشي ويمكن هاي اخر مره اشوف اهلي 😢
المهم راح وياي عمي واخواني ابوي مكدر يجي ولاول مره اشوف ابوي مكسور وضعيف المهم طلعنه و وصلنه القريه و وكفنه كبال بيت كلش جبير تكولين قصر وجانوا ناس هواي طابين وطالعين طبينه جوه والناس تباوعلي بحقد بوكتهه جنت ممحجبه بس ابوي كالي ميقبلون البنيه بدون حجاب فه لبست حجاب طبعا اول مره البسه و لبست عبايه جان شالي ملفوف شلون مجان المهم استقبلتني مره مو حيل جبيره اسمهه ام حيدر و وحده اسمهه ام مصطفى طببني لغرفه جبير مرتبه وحلوه بيهه كنتور ضخم و جربايه ام ضخمه هيه الغرفه كلهه ضخمه وتخبلل 😍
ام حسين / فوتي بنتي هنا وحطي غراضج وملابسج هاي خرفة الشيخ
ام مصطفى / رتبي غراضج ابين ما يصيحوج حته تعقدون انتي والشيخ
الـق / اوگ بس خاله خوما تأذوني تره والله اني مالي ذنب بالي سوا اياد
ام مصطفى / لا بنتي لتخافين احنه ناس نخاف الله
الـق / اوگ
ارتاحيت شوي من كلامهن حسيتهن طيبات راحن واني رتبت غراضي شوي واجتي ام حسين كالت يريدوج علمود العقد لبست نفنوف اسود طويل ردنه طويله وشال اسود لفيته شلون مجان وطلعت
كرار …اجه يوم الخميس واجوي اهل الفصليه طبو اجتي وياهم بنيه سبحان لله عله هلخلقه عرفتهه هيه الفصليه جانت خايفه ومدنكه اجوي وياهه ولد ثنين واكيد الجلب اخوه اياد ما اجه لان اجه بس ابو اياد المهم طبو جوه كعدنه بلمضيف وعمامي كاعدين وبعتبار اني صرت الشيخ وكاعد بصدر الديوان ابين مجي السيد ويعقدلنه
ابو اياد / شيخ احنه اجينه وجبنه بتنه ويانه وان شالله متأذوهه لان هيه ماله ذنب بفعلت ابن عمهه
كرار/ شلووون (بصدمه ) يعني اياد ابن عمهه وانته عمهه ؟ 😨
علي / اي شيخ هذا عمنه واحنه اخوانهه اني علي وهذا عمر
عمر / شيخ احنه اخوانهه ومتفهمين وضعك بس Roro:
حياكم شيخ اختي امانه عندك وابوي الشيخ ماكدر يجي ولان هيه بنته لوحيده ماريد يشوفهه وهيه تضيع من ايده ولان احنه وغد شيوخ ونفهم بالاصول اجينه ونتمنه ميصير شي عله اختنه والاا راح يصير غير حجي
هيثم / شنو انته جاي تهدد
علي / خالي احنه لا جايين نهدد ولاشي اختنه الوحيده تروح فصليه وين صايره يا عالم.
احـمد / شوف عمي بتكم عله راسنه ومحد راح يأذيهه ابد وانتم هم عله روسنه
عمر / سالم راسك خالي
كرار / ان شالله يصير خير
كرار … من اجوي اهلهه عرفت انو الولد اخوانهه وابو اياد يصير عمهه واياد ابن عمهه اخوانهه خوش ناس المهم اجه السيد ورحنه عقدنه طبعا ما انتبهت عله اسمهه ردت اسئل بس استحيت المهم خلص العقد وراح السيد انتبهت عليهه لابسه نفنوف اسود كلش مرتب ومستور ولابسه شال عجبتني باوعتلي شويه ودنجت عرفتهه خايفه مني
الق … من صاحوني ورحت وعقد علينه السيد سمعت صوته كلش حلو بي بحه بس ماانتبهت عله اسمه المهم اجه عود يشوفني شفته صافن عليه كلت عززه بس لا ميقبلون هيج لبس 😱
رفعت راسي شويه صفنت بوجهه لمحت ملامحه خليجيه كلش حلوه ولابس العگال الاسود والدشاشه السوده والمحزم والسلاح يخبللن عليه وهوه حنطاوي عله سمار اوووف يمكن هذا فارس احلامي الي جنت احلم بي. انجبي الق هوه بس هسه شفتي جوز باجر ينعل سلفه سلفاي اووف خره بحظي وره شويه صاحوني اجتني او حسين كالت الشيخ يريدج بلطرمه طلعت لكيته واكف ويه عمي واخوتي كتله ها كال تعاي سلمي عله اهلج يردون يرحون رحت اركض عله علي شبكته وضليت ابجي انوب حظنت عمر وضليت ابجي حظنتهم حييل ثنينهم وبجيت بحركه وبصوت عالي ورحت عله عمي هم بوسته وكتله سلم عله اهلي ومرت عمي سلمت عليهم وراحـووا 😢😢
كرار… من صحتهه تودع اخوانهه اجتي مادري ليش ابتسمت لا ارادي اجت سلمت عله اخوانهه وكامت تبجي مثل الطفل يا حبيبي راحت سلمت عله عمهه المهم راحو اهله صحتهه للغرفه اجت وراي
كرار / شوفي يبنت الناس انتي هنا حالج حال اختي الي امي ماولدتهه تلتزمين بلعادات مالاتنه مفهوم ومراح اتقربلج ابد شغلة جم شهر وترجعين لاهلج
الـق / اوگ
كرار / اوگ ماريد اسمعهه بعد
الـق / صار
كرار / وثانيا هذا بعد متلبسي وتلبسين حجاب بلبيت لان عمامي و ولد عمامي و خوالي و ولد الجوارين طابين طالعين
الـق / صار اصلا منا وجاي البس الحجاب اوامر ثانيه !
كرار / لا هاهيه. ،ماشي ،!
الـق / مـاشي لـو راكـض 😂ههههه (بـصوت عااالـي )
كرار / ولــجججج (بصياح ) احترمي نفسج 😡
الـق / صار وجهي احمر ودنكت … اسفه اسفه 😅
كرار/ امشي يلاا كدامي سلمي عله امي ( بنتره)
الق …من حاجانب حسيت بامان شوي يعني هوه مراح يتقربلي ولا يسويلي شي اووو يــس حـلووو المهم من ديحجي وياي كالي ماشي ولان اني متعوده عله صديقاتي من يكللي ماشي اكللهن ماشي لوراكض كتله ماشي لو راكض وضحكت بصوت عااالي اشو هذا صاح بيه يمه خفت وجهي صار احممرر
كرار / ضجت منهه حيل من هيج سوت وضحكت بصوت عالي كلتي يا حبيبي هاي حشاشه صحت بيهه لان اتخبل من وحده تصيح وكتله يلا امشي سلمي عله امي
المهم رحنه سلمنه عله امي بس امي جانت مامقتنعه بيهه
كرار/ شلونج يـمه
الوالـده / هلا يمه بخير انته شلونك
كرار / الحمدلله بخير. تعالي فوتي
الق / السلام عليكم ودنجت دابوس راسهه جان توخر راسهه هيج
الوالده / اطلعي بـرررررره ( بصياح)
يتبع ………
