#قـصـةفصلية ريحة هلي
2018
طـبعا القـصه حقيقيه روتـهاا احدى بنات بغداد
مـتابـعه ممـتعه 😘
…………………………………………………………………
(لتـحبين يـبنيه
اذا تـدرين اهـلچ
عـدهه افـكـار رجـعيه
تـاليـتج عـرس مغـصوب
لــو تــرحيـن فصـليه
………………………………………………………………
هـلاوو انـي اسمي ألـق. عمري 18 سنه صف خامس اعدادي (ادبـي) مـلامحـي نازكـه. بيضه عيوني وساع لونهن عسلي. شعري مو حيل طويل تقريبا يوصل لچتـفي عنـدي غمازات طبعا اني الوحيده لاهلي
عـائلتي تتكون من بابه ومامه واخواني ثنين (عـلي الجبير يدرس كليه مرحله ثالثه قسم الحاسبات عمره 23 علي جان يحب بنـيه ويا بالجامعه وهيه هـم تحـبه بس انخبطت لابن عمهه وتزوجت ومن يومهه علي ميقبل يتزوج ) امـا
(عـمر الوسـطاني يدرس كليه مرحله اولى قسم التربيه والاقتصاد عمره 20 سنه ضـد فكرة الحب والزواج )
امـا (بابه شيـخ عـشيره بالقريه دائما يروح هناك اذا عنده فصل اوشي و بين فتره وفتره نروح كلنه هناك ابيت جدي واضافه الى عنده محل ملابس بـغداد اخوي علي يكعد بي وعمي الي هوه اصغر من ابوي كامش القريه ابمكان بابه بس الشيخ الاصلي هوه ابوي وعمي عله اتصال ويه ابوي ياخذ رأيهه بكلشي يصير بلقرثه وهوه ماموجود بيهه
زهـره(الام)/ الق اگعدي يمه راح تصير بالسبعه وربع
الق / امممم خليني نايمه مامه بس شوي
زهره / ولج يا امي راح يجيج ابو الخط ويكلب الدنيه بلهورنات واخوج علي اليوم گاعد مراح للكليه فه كومي ليسويلج زفه من الصبح
الق / اووف اووف كمت كمت
الق … كعدت من الصيح بدلت قميص ابيض شيفون وتنوره سوده لان يوم خميس وعنده رفعة علم اجه ابو الخط وصعدت بلخط
روان / ها يا خخـراا شو تمشين وتتعثرين جنج واحد سكران 😂
الق / انجبي ولج 😒
روان / 😂 ادري تنبل مال نوم !
الق / خره روان شو سكتي 😑
الق … طبعا اعرفكم بروان صديقتي من الابتدائية. وجوارينه بيتهم براس الفرع مالتنه
نزلنه من الخط جان يجي البومه حسام ابن جوارينه لازكلي لزكه ابو بنات ومايع وسوالفه مكسره حته شرب يشرب شكد اكرهه 😡
حسام / هلو بنات 😌
روان / هـلا حسام 😒
الق / هله 😒
حسام / شلونج لوله 😊
الق / زينه 😒 ( يكسرون عـضامك ان شالله - بكلبي-)
روان / يله الق امشي اتأخرنه باي حسام 👐
الق / امشي يلا باي
حسام / الله وياجن
الق … كملت المدرسه مثل اي يوم ورجعت للبيت نزلت من الخط لكيت الباب مالتنه مفتوحه طبيت سمعت صوت بجي وصياح يا ستار طبيت اركض لكيت بيت عمي مهند ومرت عمي تبجي وتصيح و اخواني موجودين يهدون بعمي وابوي هم وامي تهدي بمرت عمي
الق / خير خير هاي شكو. شبيج عمه ليش تبجين
هناء (ام اياد) / وج يعمه اياد اهـئ اهـئ اهـئ 😭
الق / شبي اياد عمه شكو
محمد(ابو الق) / بابه ابن عمج اياد متعارك ويه شيخ وابنه بلقريه علمود الكاع واياد جان سكران وعنده مسدس فه متعارك وياهم وضارب الشيخ والشيخ ميت واهـله گالبين الامـه
الق / 😱 يا عزه
الق … طبعا اياد يصير ابن عمي فد واحد مكروه ويصير صديق حسام نفس السوالف المكسره وشرب وبنات واهله دوم مراضين عليه وماعنده اخوات ولا شي هوه الوحيد من جان زغير امه مدللته و شيسوي متكول لأبوه الى ان كبر و صار هيج
الق / وهسه بابه عمو شنو راح تسون
مهند ( ابو اياد ) / والله يا عمي اياد سود وجهي بلقريه والشيخ الي كتله مفضل علينه هواي واهل القريه كلهه تعرفني وتعرفه للشيخ واني متبري من اياد ليوم الدين 😠
هناء / اهئ اهئ 😭
مهند / كله من وراج يهناء بس ادللي والله شنو لان الوحيد 😡 ارتاحيتي هسه
هناء / اهئ اهئ اهئ 😭😭
محمد / اني باجر اروح للقريه باعتباري شيخ العشيره وراح يسوون كعده واشوف شنو طلباتهم وشما يطلبون الهم الحق
الق … صار ثاني يوم وبابه راح هوه وعمو مهند طبعا بابه وعمي مهند وعمي منتظر الي اصغر من ابوي وعمي اياد همه الولد الوحيدين اما عماتي فه ثنين متزوجات وحده بروسيا والثانيه بلندن
وبابه شيخ العشيره لان هوه الجبير المهم راح وصارت الگعده واني رحت للمدرسه ومن رجعت هم لكيت الكل مخبوص اخواني وابوي وامي تبجي و مرت عمي تبجي وعمي ضايج
الق / سلام عليكم
الجميع / وعليكم السلام
الق / ها بابه بشر شنو صار وياك ؟
محمد / بابه طلبو منه فصل عشر ملايين و
الق / و شنو ؟
زهره و هناء / اهئ اهئ اهئ 😭😭😭
محمد / و فصليه
الق / اي بابه سهله المهم ميصير دم بين العشيرتين
زهره / ولج يمه شفايتلج لو دم اووف يمه 😭😭
الق / شبيج مامه سهله ماكو شي ان شالله بس ماكتولي منو الفصليه ؟ ………
يتبــــــــــــــــــ؏
