عباس،،، عمري 24سنة طالب مرحلة اخيرة طب عام من قرية نائية في احد محافظات الجنوب كانت قريتنا كباقي القرى والأرياف تعيش ع المزورعات والحلال وماالهم علاقة ابدا بالتعليم والدراسة وكان من النادر انو يخلون شبابهم او بناتهم يكملون دراسة وخاصة بناتهم جدا محافظين وتحكمهم عادات وتقاليد جدا صعبة جنت ماافهمها ولا احبها ولا احب اطلع عليها
اني بحكم اني ابن الشيخ وكنت جدا ذكي كان والدي يحبني اكمل تعليمي وكان حلمة يشوفني دكتور جبير ويتباهى بية وجنت انتظر لحظة تخرجي يوم بيوم حتى افرح والدي وارفع راسة
كنت احب زميلة وياية بكليتي وعدنا علاقة مع بعض هية كانت سافرة وسبور وكلش حلوة
يعني تختلف عن بيئتي جذريا لكن متقبلة وضعي وجنة نخطط ورة منتخرج نتزوج ونستقر بالمدينة لاني تعودت عليها من صغري ماعشت بالارياف والقرى ابوية خلاني بيت جدي اهل والدتي بالمدينة وكملت دراستي عدهم وكنت ازور اهلي بالقرية بين فترة وفترة
فاطمة،،، عمري 18 سنة من قرية بسيطة ومحافظة بس ناسها طيبة وطبيعتها تجنن جنت احب اكمل تعليمي بس اهلي ماخلوني اكمل بس اخذت شهادة الابتدائية كعدوني بالبيت لان ميحبون البنية تكمل واني طبعا مااكدر اناقشهم او اعترض
عباس ،،،كان والدي الشيخ كلش صارم وكلمتة متصير اثنين والكل تخافة وتهابة حتى وان كان على خطأ الكل ويا
فاطمة ،،،جان شيخ عشيرتنة ظالم حسب مسمعت والكل تهابة صحيح وتسمع كلامة بس ميحبوه جانوا اهلي يكرهوه وبينهم عداوة وثارات قديمة
كانت عدنا قطعة ارض وصايرة ع الشارع وبجهة الشط
وكان اخوية يعشق هالارض وعبالك جزء منة كانت قريبة ع اراضي الشيخ وجان يريد يضمها للكياعين مالتة واهلي رفضوا وحاول وياهم بكل الوسائل وصارت عداوات بينهم
اخوية طايش وميتفاهم الكل كالولة هذا الشيخ وعندة نفوذ وسلطة وميتعاند سايرة وماراح تخسر بس كان مياخذ بحجي احد والي براسة براسة
بيوم من الايام اجة اخوية عيونة حمر ويصرخ وناااار صاير اني خفت منة وفتت للغرفة واسمع امي تهدي بي ودكلة صلي ع النبي واترك هالارض والله ماراح يجينا منها الا وجع الراس وابوية يكلة وليدي اليوم قطعوا المي عنها وراح تبس مزروعاتنة باجر متعرف شيسوون خلي نبيعها ونستفاد من فلوسها بلكي نحصل قطعة احسن منها
اخوية مابطل صراخ وظل يهدد ويتوعد ووكامت تعلى اصواتهم وبعدين امي كامت تضرب ع وجهة وتصارخ اني خفت وطلعت من الغرفة لكت اخوية ماخذ سلاحة ويركض وابوية يركض وراه وامي المسكينة كاعدة بالكاع تصارخ وتضرب وجهة
عباس ،،،جنت مااحب اتدخل بأمور والدي الشيخ ولا الي بالمشيخة اصلا بالرغم ابوية دائما جان يكولي لازم من تتخرج تجي لقريتك وتخدم اهلك وناسك ولازم تحضر كعدات ومجالس الشيوخ وتتعرف ع عاداتنا وتقاليدنا اكثر لانك الشيخ مستقبلا بعدي جنت اضحك واكول ويني ووين المشيخة ياشيخ ربي ينطيك طولة العمر
امي ،،،انت شيخ ابن شيوخ والمشيخة متلوك الا لأمثالك رجال ابن رجال شيمة وغيرة وحكمة وعلم شناقصك والله ياوليدي ميلوكلك الا الغترة والدشداشة وماتكعد الا عليك يازينة الشباب مااحبك من تجينة من المدينة بهذا لبسك الهزل
تقصد ع الجينزات والقمصان والتيشرتات لان اهل قريتنا ميحبون هيج لبس وعدهم عيب تنلبس خاصة بالمناسبات والافراح والفواتح جنت البس الزي العربي المتعارف لاهل قريتنا لكن بالمدينة مستحيل يتقبلون هالزي حتى وان كان لشيوخ فلبس المدينة لاهل المدينة ولبس القرية لاهل القرية وماعندي مشكلة البس الاثنين
كنت من انزل للقرية يتعمد الشيخ يخليني احضر مجالس الشيوخ الي احيانا يحضرها ناس واصلين واحيانا حتى اعضاء بالبرلمان وكان والدي واصل والة مكانتة وكلمتة والكل يسمعلة وياخذ شورى كانوا دائما يكولون انت فخر لمنطقتك ولاهلك ولعشيرتك وبثقافتك وبشهادتك راح تخدمنا وتخدم اهلك وناسك
جانت قريتنة مابيها دكتور فقط مضمد فاتح من بيتة غرفة صغيرة وبجهة مخلي ادوية ويصيحوه دكتور ويوصف وينطيهم علاج يعني ماكان اكو دكاترة لان اصلا ميخلون اولادهم يدرسون ويخلصون دراسة
&
&
&
#رواية_فصلية_وعشق 😻🦋
↴ #حلقومه ะ ※ ⁞🌾🐰 🐣🌿
➻❥ @yy_11
