الى متى تتحمل ياقلبي

البارت الثامن

البارت الثامن
اسمهان :رحنا كلنا لبيت ابو ليلى على يعقدون لسعاد وقبلت اروح بس حتى احرك كلبهاوصدك من شافتني كبت رادت تنتحر تباوعلي بحقد واني اضحكلها باستهزاء
سعاد:حجيت بصوت ناصي ويه ليلى ولج ليش جبتي هاي فوك ماابويه جابرني اتزوج هالحيوان وانتي اخركين كلبي جايبه هاي
ليلى:والله كتلها ماكو داعي تجين الحقيره كالت لاشلون سعاد تستاهل اجي بنفسي اباركلها وعلي كال خلي تجي
سعاد:بجيت وعمر هم اجى
ليلى:خلاص ياحبيبه حرام تفكرين بغير رجال وانتي راح تصيرين على ذمة شخص
سعاد:لحد اخر يوم مراح انسى عمر والله ليوفق الي حرمنا من بعص
ليلى:ولج لاتدعين على علي
سعاد:ولي من وجهي وعفتها
خلص اليوم وعقدو
سعاد:شفت اسمهان تعاي خلي اكولج شي
اسمهان:خير واني افر بحلكي كدامه
سعاد:مراح تتهنيين لان لحد هسه اني بكلب عمر
اسمهان:صدك لعد منو هذاالي كل يوم يتوسلي اصالحه
سعاد:ها هيج ماشي راح نشوف
اسمهان:ولي
سعاد :شفت عمر من بعيد اشرتله بايدي اجا
عمر:دمعت عيني وكتلها مبروك
سعاد:الله يبارك بيك ياخاين
عمر:كتلج اصبري عليه انتي بعتي
سعاد:اي انت تتهنى بحياتك وتتوسل بمرتك اتسامحك وتريدني اني انتضرك
عمر:شنو هالحجي منين جبتي هالحجي
سعاد:اسمهان هي كالتلي انو انت يوميه مثل الجلب تكعد تتوسلها انو تسامحك هي ماتقبل الله وياك
هههههههه دروحي حلي مشكلتج اسمهانو
عمر:عصبت فد مرة يعني هاي تذلني هيج ماشي جتي
اسمهان:ها نروح
عمر:اي ولي
اسمهان:شبيك شكلك مشغول لان راحت حبيبت الكلب
عمر:طبعا ضايج على مودها جا اضوج على مود وحده مثلج دمشي دمشي
اسمهان:ضجت من هيج حجى ماجاوبته
رجعنا للبيت
عمر:شوفي ولج مجنت اعرف انتي هيج وحده تافهه تحجين عليه كدام الناس اني يم
وميه مثل الجلب اتوسلج مو ماشي اني هالسنه راح اتزوج عليج
اسمهان:انصدمت من حجيه بس كتله منو لازمك ماتتزوج بس حرامات سعاد راحت
عمر:لاتجيبين اسم تاج راسج على لسانج
اسمهان:انقهرت من هيج كال ردت اجاوبه عافني وطلع ضليت ابجي يارب شبيدي اسوي لااكدر ارجع لبيت اهلي ولااكدر اتحمل حسبنا الله ونعم الوكيل بكل واحد ياذيني ويريد يخرب حياتي
مرت جم يوم وعمر ميسويلي حساب هنا اني فاتتني شهر على الدو.... عرفت حامل بس مكلت لاحد كلت خلي اشوف صدك يتزوج والله مرت شهرين بدا بطني يكبر عاد كتله عمر
عمر:نعم
اسمهان:اريد اكولك شي
عمر:تفضلي
اسمهان:اني حامل صارلي ٤اشهر
عمر:انصدمت وفرحت شكلتي
اسمهان:الي سمعته
عمر:راسا كمت حضنتها وبست كصتها الله احلى خبر وربي
الله يكومج بالسلامه وتجيبيلي احلي مروان
اسمهان:مبروك عليك هم ويعدين شدراك ولد
عمر:الي يجي من الله محلاه بس اني احس ولد
اسمهان :ان شاءالله
عمر :اروح افرح ابويه
يبه يبوي
علي:خير ابني
عمر:راح اصير اب
علي :صدك الف مبروك يتربى بعزكم
عمر:شكرا يبوي
ليلى:سمعت الخبر ضجت لان جنت ناويه افتح موضوع زواج عمر بحجة اسمهان متحبل واخرب عيشتها بس اخ خربت مخططي بس لا اني لازم اخطط علي يطردهم من البيت
وعدت ايام قررت اسمهان تنطي فرصه جديده لعمر
واليوم عرس سعاد
عمرواسمهان:قررو ميروحون وعلي تفهم هالشي
وعدت ايام فاتت اسمهان بشهر التاسع
ليلى:ترى مصارت علي الناس اكلت وجهنا
علي:ليش
ليلى: سمعت خديجه تكول للناس انو همه يصرفون على اسمهان وعمر وباذاني سمعت يكولون عمر ابن محمد مو ابن علي لان عمر ٢٤ساعه يزورهم واذا عندهم شغل يسويلهم
علي :يعني عمر من يكول اروح للشغل يجذب يروح يشتغل لمحمد
ليلى:اي والله
علي:عمر عمر عمر
عمر:نعم يبوي
علي: انته يوميه تجذب عليه من تكول تروح للشغل وانت صاير خدام لبيت عمك
عمر:يبوي شنو الفرق همه بحسبة اهلي
علي:لا انت ابني
عمر:يب..
علي:انجب ولم اغراضك انت ومرتك وروح عيش يم اخلك الجداد
عمر:يبه
علي:كلت ولو باجر الصبح تلمون اغراضكم وتولون لاانت ابني ولااعرفك
عمر:حاضر
ورجعت لغرفتي
اسمهان:خير عمرشصاير