الى متى تتحمل ياقلبي

البارت السادس

البارت السادس
علي :مثل مكتلكم ورا شوي جتي ليلى علي احضرلك عشى ولاكانو اني كبل شويه هنتها كتلها مااريد اتسمم وخلقتج مااشوفه
ليلى:علي الله يخليك اسفه بعدمااخليها تجي
علي:بس اريد اعرف ابوج شلون يقبليدز بنته لبيت بيه شباب
ليلى:سكتت لان ابوي يتمنى يزوج سعاد لعمر او يريد يخلص من همها موشرط الاعمر
علي :ثاني يوم رحت. على ابو ليلى شوف هنه كلمتين اذا شفت سعاد ببيتي قسما بالله اطلك ليلى وادزلك بناتك وارجع بنتي
ابوليلى:خير علي
علي: كلتلك الي عندي في امان الله
ابوليلى:مافهمت شي رحت ضربت سعاد من قهري تاليتها حجتلي انو جانت تريد تقنع عمر يطلك مرته ويتزوجها اني ادري علي رافض هالزواج ماادري ليش المهم قررت ازوجها لاول واحد يتقدملها

اسمهان:مرت جم شهر واني ماقبل اسامح عمر
وطبعا هاي مرت سنه وجم شهر واني ماحملت بينما زهراء حملت وجابت الولد وهنا بدت هالمصيبه الكل صارو ضدي عبالك بايدي الطفل حتى خوات عمر اسمعهم يكولون راح نزوج اخونا
اسمهان:بصراحه اني احمدربي لاني ماحملت منه لان هو مو كدالثقه
عمر:اسمهان مو كافي
اسمهان:شنو حقوقك الشرعيه ومامانعتك منها شتربد
عمر:ضوجني حجيها كتلها اريد طفل لو اني هسه متزوج سعادجان هسه
اسمهان:من حجى هيج كاطعته كلت والله ذاك الباب ورح اتزوج ١٠مو بس سعاد ورحت تمددت ونمت
عمر:اوووف تعبت رحت نمت باجر ارجع للعسكريه
اسمهان:شفته ديروم عمر اني اليوم امر لبيت اهلي يجوز ابات يمهم
عمر:على راحتج مع السلامه
اسمهان:الله وياك كلتها من ورا خشمي
رحت لميت جم غراض وطلعت شفت ابن ليلى كتله كول لعمو اني رايح لبيت اهلي كال ماشي
رحت لبيت ابويه
محمد:هلا هلا ببنتي الغاليه عاش من شافج ولاكانو بنفس القريه
اسمهان:حقك عليه يابوي والله شغل البيت
محمد:المهم تكونين مرتاحه
اسمهان:بكلبي ضحكت وكتله كولش مرتاحه لاتخاف
فتت جوا شفت امي واخواتي واخواني حضنتهم كلهم وبوستهم واحد واحد لان مرت اسبوع مشايفتهم
خديجه:شبيج يمه هيج ضعفانه لتكونين حامل
اسمهان:لايمه مو حامل
خديجه :ليش ماتحملين
اسمهان:اوف يايمه هو بايدي ليش لازم الكل يغثني ويسالني هالسؤال شنو هو بايدي
خديجه:زعلت منها على طريقة حجيها اول مره ترفع صوتها كتلها براحتج اكوم انضف البيت
اسمهان:رحت شبكتها اسفه ماماوالله مو بايدي اضوج من هالسالفه وبعدين اني اروح انضف البيت انتي سويلنا فد اكله طيب من هالايد وبست ايدها
خديجه:من عيوني شتريدين غدا
اسمهان:الي يطلع من هالايدين طيبه
ومرت هاليوم والله الصبح لبست عبايتي داارجع لبيتي لان القريه قريب البيوت عادي الواحد يروح لوحده رجعت بالطريق شفت وحده كرابة ابويه كالت وين اسمهان
اسمهان:هلا خاله والله عمر بالعسكريه اخذت منه الاذن ابات بيت اهلي وداارجع لبيتي
سعديه:وج خايبه رجعي لبيت اهلج جامتدرون البارحه علي راح رجع بنته زهراء لان كالو انتي حردانه بيت اهلج
اسمهان:شنو بس اني حتى كلت لحمايه الصغير ابات بيت اهلي
سعديه:والله ماادري رجعي كولي لابوج خلي يحلها
اسمهان:كلت هو هيج خاله راجعه
رجعت لبيت ابويه جانو اثنيناتهم بالباب
محمد :خير بنتي ليش رجعتي نسيتي شي
اسمهان:والله بابه هاي خاله سعديه تطول البارحه عمي مرجع زهراء لان كايل لان اني زعلانه
محمد وخديجه:شنو
محمد:ليش انتي ماكتيلهم
اسمهان:والله كلت لعمر وافق ومن طلعت كلت لحمايه يكول لعمي لان مجان بالبيت
محمد:لعد هاهيه خلي يولون ماارجعج لحد ماهمه يتنازلون