الى متى تتحمل ياقلبي

البارت الرابع

البارت الرابع

هسه نحجي عن زوجات علي
اول وحده فوزيه هي ام لحسين وعمر ومحمد و٣بنات رحمه ونور وزهراء
والزوجه الثانيه مهى مامخلفه
والزوجه الثالثه ليلى عنده
اتزوجها مره كدام مره زوج بنته لابو ليلى الي هي بنته رحمه وماتخلف
وابوليلى عنده اربع بنات ليلى ورمزيه وامنه وسعاد
سعادالي تحب عمر
نرجع للقصه
عمر رجعت لغرفتي شفت اسمهان بعدها تبجي شافت كامت تحلف انو هي متجذب
اسمهان :بعدماحجيت لعمر وهو طلع راسا كلت اكيد مصدكني  وعافني كمت ابجي وماحسيت غير انفتح الباب وطب عمر حلفتله اني مجذبت
عمر:رحت كعدت يمها كتلها اني مصدكج بس عجبني من جاوبتي ابويه لان احنا بهالعمر حتى لو غلط منرادده اريدج انتي هم هيج
اسمهان:بس والله مااكدر اسكت وواحديجيب اسم اهلي
عمر:اتحملي لحدمانطلع بيت وحد ومن باجر ساعدي ليلى لان ليلى اذا حطتج ببالها راح اتئذيج
اسمهان:من حجى هيج كتله خلاص الي تريده يصير
عمر:عفيه عليج يلا خلي نام  باجر اروح للشغل وورا يومين ارجع للعسكريه
اسمهان:صدك
عمر:اي يلا تصبحين على خير
اسمهان:كمت الصبح راح عمر للشغل وكعدت ليلى وكالتلي اني رايحه لبيت ابويه سويت عجين اخبزي  بين مااجي
اسمهان:اووف والله كمت اخبز يمكن وكعت عشر خبزات احتركت ايدي ٣مرات شلون مجان واكو خبزات شويه منها محترك والله جتي ليلى  ضلت تعيط وتسب لان محروك الخبزات وقليل كالت طشت كامل عجنت والله ضلت تحجي جتي اخت عمر الي نور اكبر من عمر والله ضلت تحجي على ليلى كالت خافي اللهصغيره عوفيها هي ماعدها جهال عندج كومه جهال تريدين تمشين الشغل براسها همه ميحبون ليلى لان ابوهم هاجر مرته الي هي فوزيه المهم صارت عركه جبيره اجه عمي علي وعمر والله ضلو يتعاركون نور لسانها متبري منها اخر شي عمي كال جيبو لنفسكم طباخ واطبخو لنفسكم احسن. من المشاكل
اسمهان :والله اني فرحت
عمر:هااشوفج فرحانه اسوم
اسمهان:هاوالله عمر اني ماحجيت شي
عمر:ادري مكتلج كايله شي كتلج فرحانه
اسمهان :والله فرحت لان حتى لو الاكل موطيب مايجي حجي عليه من ليلى
عمر:يلا خلي نام باجر ارجع للعسكريه
اسمهان:والله جنت متعوده عليه بس شسوي كتله همزين باجر اروح لبيت اهلي مشتاكتلهم
اسمهان كعدنا الصبح كتله لعد وحدي وديني لبيت اهلي
عمر:يلا جهزي نفسج خلي اوديج
رحت لبيت اهلي امي ضلت تسالني محجيت على العركه بس كلت عمي كال احسن انو تشترون طباخ حتى تطبخون براحتكم
خديجه:مامصدكه علي هيج بسهوله كال هيج خاف صاير عركه ومتكوليلي ولج
اسمهان:لايوم ولج احسن همه هوايه واني هوبس اني وعمر عليش اتعب نفسي
خديجه:على راحتج اني راح اشتريلج طباخ النفط
اسمهان:خوش يمه
والله مرن اسبوع رجعت جان اشوف سعاديمنا
والله ضلت اسبوع يمنا وهنا بدت المصايب عمر اتغير١٨٠درجه ولاعبالك عمر الي عاملني زين ضل يهين بيه وليلى تحجي عليه كدامه ميهمه استغلو فرصة عمي مو بالبيت لان سعادمتجي من عمي موجود لان يضل يكوللها عيب عندي ولد وانتي بنيه المهم والله اخرشي كبت عركه والله ليلى وسعاد استلموني سب اجا عمر كمت ابجي كلت اكيد حيوكف ويااي اخ لو تعرفون وتحسون بيه اتخيلو الكلمه الي كالها اخ يايمه حرك كلبي عمر كال
عمر :انجبي ليلى لو قنعتي ابويه جان اني متزوجت هالبلوه
اسمهان:باوعت على عمر كلت هذاالي طلع منك عفيه عليك بشنو ماذيتك
عمر:ولي من وجهي صدكتي تني ممكن احبج اني احب هاي اشر على سعاد لوماابويه جبرني جامتزوجت غيرها
اسمهان:ضلت دموعي تجري باوعت على ليلى وسعاد شفتهم يستهزئون بيه فتت لغرفتي
ولاشفته ثاني يوم حسيت عليه رجع للعسكريه حتى معتذر مني وراضاني بس شيرضى هو حجى الي بكلبه ذاك اليوم مطلعت من غرفتي
عمي جان راجع من الصبح بليل صاحني
علي:اسمهان تعاي
اسمهان:نعم عمي نورت البيت
علي:رفعت راسي شفت وجهها اصفر ووعيونها مورمه ليلى مجانت موجوده وهي كالتلي اسمهان من يروح عمر تستنكف تكعد ويانا صحتها كلت انصحها مثل بنتي هيه طلعت شفتها كلت كعدي عمي
اسمهان:كلي كعدي بس كلي شصاير انفجرت بواجي
علي:اشبيج عمي احجي صاير شي اكو شي
اسمهان:والله مقصرت حجيتله من يوم الي اجت سعاد لحد البارحه
علي:حجتلي اني صدكتها لان ادري كل مااروح سعاد وليلى وابوها يستغلون غيابي وتجي استخطيتها والله صحت ليلى كدامها والله ضربتها كدامها حتى تحس انو مااضلم احد اخذت ليلى سحلتها سحل ليلى عندها طبع تموت عالضرب بحيث اذا هسه اضربها ورا ساعه تكلي علي اتريد شي جاي اكل يعني ضهرها يحكها لازم تبسط كل فترة
والله ضلت تبجي وتتوسل لحد ماكالت اخ ضربتها يلا ارتاحيت لان اني مااقبل هالشي لبناتي شلون اقبلها الها